العفو يا دكتور انا تحت امرك

بالنسبة لموضوع ان العربية بتبطل منك كتير دا طبيعي علشان انتا لسة محستش بالعربية
يعني لازم تخلى ودنك مع الموتور لو لقيته بيرعش زود سنة بنزين
بس علشان تبقي عارف مقدار دوسة البنزين ومقدار ترك الدبرياج متغير حسب طبيعة الارض اللى العربية واقفة عليها
يعنى لو انتا على الاسفلت ممكن تمشي معاك من غير ما تدوس بنزين خالص ولو انتا على ارض غير مستوية هتزود عن الطبيعي
وخلي بالك متستعجلش سيب سنة دبرياج صغيرة واستنى ثانيتين لو العربية ماتحركتش سيب سنة كمان صغيرة جدا
لو حسيت ان العربية بترعش ثبت الدبرياج ودوس سنة بنزين كمان

الموضوع ده خللي واحد صاحبك يبقي جنبك علشان بيبقي متعود على صوت الموتور


وبالنسبة لموضوع الزيت انا معرفش ايه النوع اللى يناسبك
بس اول حاجة لما تشترى عربية مستعملة
تغير زيت وتكشف على البوجيهات والفرامل
واى حاجة بيتعمل لها صيانة دورية حسب نوع عربيتك
اعتبر التكاليف دى باقي ثمن العربية
لان مفيش حد بيبيع عربية وبيعملها الصيانة دى كلها

---------------------
محمد سالم