استفسار هام جدا عن البيجو 205

**moudy88** · 09-09-2009 01:49 AM

السلام عليكم ورحمة الله وبركاته ...انا عايز استفسر عن بيجو 205 1300 سي سي..
من حيث الاداء وقطع الغيار والصيانه و اعادة البيع

لان اخويا معروض عليه عربيه 205 1300 سي سي موديل 84 معدله 90 كاصدامات وفوانيس ..وماتورها كويس ودواخل فابريقه ومحتاجه شويه شغل في العفشه
وبصراحه انا مقلق منها كموديل ..لان فيه واحد صاحبي كانت عند قريبه قالي عنها انها صعبه في الصيانه ومكلفه وقطع غيارها نادره وانها بتتركن بالشهر علشان تتجاب لها قطع الغيار

ياريت ياجماعه تفيدوني ..لان اخويا عايز يشتري عربيه تستحمل السفر والمشاوير ويقدر يبيبعها في اي وقت

وشكرا

**AymanPt** · 09-09-2009 06:47 AM

متابع بأهتمام ,,

لآني محتار في الشراء بينها و بين الـ 305 ..
:)

**saint** · 09-09-2009 10:50 AM

السلام عليكم ورحمة الله وبركاته
اولا العربية 205 عربية جميلة جدا واقتصادية جدا فى البنزين اما من ناحية قطع الغيار فعن تجربة قطع غيارها فى المتناول اوى بالنسبة للاستيراد لانى ما جربتش اشترى قطع غيار جديدة ليها
بس فيه ملحوظة من ناحية الموديل اللى انت بتتكلم عليه (84) انا اعرف اعتقد ان عنده الموتور النايم (او الماكينة النايمة ) ودى من كلام الناس اللى معاهم اعرف انها مش كويسة وفيها مشاكل وصيانتها قليلة وكمان قطع الغيار نادرة
فلو عاوز راى الشخصي
1 - لو كان العربية سعرها كويس بحيث ان تصرف عليها شوية ... اشتريها وسقط لها الموتور الحديث ال 1400 سي سي وتقريبا هاتعمل حوالى 2000 لحد 2300 وبكده انت الكسبان .
2 - لو الحالة العامة تعبانة والسعر كمان مش كويس سيبك منها ودور على واحدة حديثة بعد موديل 90 لانها عربية تستاهل تجربها
وربنا يوفقك وابقي قولنا عملت ايه
كل سنة وانت طيب
(على فكرة انا معايا 205 موديل 93 ومريحانى الحمد لله )

**moudy88** · 09-09-2009 05:00 PM

متشكر جدا يااستاذ saintعلى المعلومات الهايله دي ..بالنسبه للسعر فهو طالب 15 الف من بقه ..ولسه مافصلتش معاه وهو بيقول انها محتاجه شوية تظبيط في العفشه ..ايه رايك؟؟
وبعدين لو امكن حضرتك تقولي اماكن بيع قطع الغيار فين في القاهره ؟
وكل سنه وحضرتك طيب

**saint** · 10-09-2009 01:39 PM

كل سنة وانت بخير وصحة
اولا السعر مش كويس ومش وحش يعنى لو قدرت تنزل الفين او تلاته وانت وشطارتك
واعمل حساب انك مثلا هاتغير العفشة كلها على اسوأ تقدير هاتجيب
1 - جنبين كاملين استيراد يعنى سوست ومساعدين وصرر وكده ... الجنب الواحد يعمل 100 او 125 يعنى قول 250
2- دنجل خلفى بالمساعدين 250 كمان
3- علبة دركسيون 100
وده اسوأ تقدير يعنى العربية مدغدغة من تحت
اما بالنسبة للموتور فاحسب اجمالى 2500 شامل التمن والتسقيط والتظبيط
يبقي احنا صرفنا 3100 فحاول تنزلهم من التمن وربنا يوفقك
اما بالنسبة لأماكن البيع فهيا كتير
والسعر ممكن يكون عند واحد ارخص والتانى اغلى والمرة التانية العكس يعنى ما ينفعش تسال بالتليفون
ولو عاوز تعرف اي اسعار
انا اقولك
وتحت امرك فى اي شئ