ركبت رشاشات اكسنت والحالة كالاتى

**akramlail** · 09-09-2009 09:50 AM

قبل التغيير ( تطويل فى الدوارة ادت لتغيير ترس المارش 4 مرات - ريحة بنزين جامدة -رجة جامدة فى بداية الدوارة - استهلاك عالى للبنزين -برجلة للموتور على السلانسية بيسموها تفتفة) بعد التغيير ( ريحة البنزين راحت - بتدور من اول مرة بس ساعات لازم تتقل على المارش - الموتور اتظبط او خف مش زى الاول - ساعات فى رجة فى بداية الدوارة زى متكون مخنوقة ويتسلك - لمبة التشيك مازالت بتنور على 90 كيلو بس بردة مش على طول - بشم ريحة بنزين جوة العربية لما بفول بنزين-السحب اتحسن الاستهلاك اتحسن) الحالة العامة فى تحسن عن الاول بس بردة مش الفائق اوى

ارجو الافادة هل كدة الرشاشات دى تمام بس فى عيوب تانية ولا بردة العيب منها؟؟

**Sherif Khalifa** · 09-09-2009 11:05 AM

- ممن تكشف على زمن فتح الرشاش بالاسكنر للاطمئنان
- استعمل سائل تنظيف الرشاشات للوقاية و تنظيف اى رواسب متبقية
- بالنسبة لريحة البنزين بعد التفويل دا بيكون بسبب جوان طرمبة البنزين فى مشكلة و محتاج يتغير
و يرجى تغيرة بسرعة علشان لو فولت على الاخر هيسرب بنزين تحت العربية و دا خطر جدا

**akramlail** · 09-09-2009 02:32 PM

يا جماعة بعد كل دة العربية روحت بيها مشوار النهاردة وجيت وانا مروح ادور مبدورش ابدا المارش شغال والبطارية سليمة بس مش عايزة تدور دة من اية انا زهقت

**samirayad** · 09-09-2009 03:41 PM

لو بتسمع صوت تحضير طلمبة البنزين مع فتح الكونتاكت
يبقى الطلمبه شغاله تمام

بعد كده أطمن على وصول شراره للبوجيهات
يمكن يكون فيه حاجه فى البوبينا ....لا قدر الله

**akramlail** · 09-09-2009 04:52 PM

يا بشمهندس سمير بشكرك على اهتمامك دايما صوت الطرمبة موجود وطبيعى هل ممكن يكون الرشاشات اللى جبتها معيوبة مبتوصلش بنزين دة على قد فهمى وفى حاجة انا غسلت المكنة بالجاز بعد مركبت الرشاشات دة يسبب حاجة او ممكن يكون سبب انا خلاص مش فاهملها حاجة

**elwad_crazy** · 09-09-2009 04:58 PM

ممكن اثر على الموبينا

**akramlail** · 09-09-2009 05:05 PM

وهو غسيل الجاز ياثر عليها بعد يوم كامل ولا بعدها على طول

**akramlail** · 09-09-2009 06:17 PM

صوت الطرمبة مش موجود يا بشمهندس وجبت المكانيكى كشف ملقاش بنزين بيطلع وقاللى عاوزة طرمبة هل ممكن يكون العيب من الكتاوت بتاع الطرمبة واعرف منين هية سليمة ولا الطرمبة هية اللى عاوزة تتغير واخيرا سعرها كام وهل اجيب العوامة كلها على بعض استعمال احسن

**samirayad** · 09-09-2009 07:59 PM

وقاللى عاوزة طرمبة هل ممكن يكون العيب من الكتاوت بتاع الطرمبة واعرف منين هية سليمة

فيه فيوز عندك فى علبة الفيوزات 15 أمبير (لونه أزرق )
شوفه الأول .....يمكن يكون مهزوز أو محروق
وهز الكتاوت بتاع الطلمبه وشوف نظامه
يمكن يكون عامل تلامس ردىء وجرب
قبل الحكم على الطلمبه
وأنا حاسس أن الطلمبه عندك سليمه
بس مش واصلها كهرباء
لأنك كنت لسه مبطل ومجرش
يعنى كانت شغاله لآخر لحظه