توضيح لاخواتي في قسم رينو

**Karim_Monir** · 09-09-2009 03:27 PM

السلام عليكم ورحمه الله وبركاته
اولا انا عملت الموضوع ده هنا في رينو مش في الاجتماعي ولا في الاقتراحات
عشان الموضوع يمسكم انتم شخصيا.
وجالي مكالمات ورسائل على الخاص من ناس تعز عليا جدا جدا منكم وربنا يعلم انا بحبهم قد ايه ومكانتهم بالنسبالي ايه
عن شكاوي اعضاء من رينو ضد ابو عبد الله وشكاوي ابو عبد الله ضد اعضاء من رينو
احب قبل اي شيئ اخبركم بعض الخلفيات اللي ماتعرفوش عنها حاجة لانها في كواليس الادارة :
اولا تم تغيير قواعد البت في الشكاوي بسبب هذة الشكاوي وبعد ان كان ممكن الاكتفاء بحكم ممثل لجنة فض المنازعات في الشكوى
اصبح من الواجب ان يصادق عضو لجنة اخر على قرارة
اي ان القرار اصبح مجتمعا وليس منفردا
ولا يجوز بت فرد واحد في اي شكوى
ثانيا الشكوى دي بالذات تم البت فيها من ثلاثي اعضاء لجنة فض المنازعات
علما بانهم من كبار الشخصيات في المنتدى سننا ومقاما والجميع يكن لهم كل احترام وتقدير (ومنهم شخصية تشغل منصب بالقضاء المصري بالفعل )
وهذا ما استغرق كل هذا الوقت لتداول الاحكام بينهم ودخول رمضان وترقيات المنتدى واشياء كثيرة عاقت خروج الحكم مبكرا
بخصوص نص قاعدة المنتدى بعدم نشر رسالة خاصة على العام:
المقصود والكل يعلم انك عندما تراسل سين من الناس فانك تراسلة دون علم الاخرين ولو علم الاخرين ممكن ان يسبب لك حرجا لذا كانت هذة القاعدة
اما عندما تراسل سين وتسمح له بنشر رسالتك
لانك لم تخطئ في حق احد او لم تتكلم عليه فان القاعدة لا الزام عليها لانك منحت هذا الشخص تفويض بنشر الرسالة
وهذا ما استند اليه حكم اللجنة

ايضا كان هناك توصية شديدة من قبل اعضاء مجلس الادارة ومجلس المشرفين بتخفيض الاحكام الى الحد الادنى بالبلدي كدة(من غير طرطشة دم)
عشان لو كانت اتطبقت قواعد المنتدى كان هايتوقف فيها ناس كتير وناس تانية هاتاخد انذار
لذا راعينا وخاصة في دخول شهر رمضان عدم تطبيق القواعد بشدة ولكن استخدام الحد الادني للعقوبة

احنا هنا كلنا داخلين نفيد بعض ونستفيد من بعض بدون اي غرض ولا مصلحة شخصية
ومحدش يقدر ينكر فضل نايل موتورز ككيان وليس اشخاص انه تعرف على افضل عقليات وافضل شخصيات عرفها في حياته
انا شخصيا من هذا المكان تعرفت على اسماء وشخصيات كان من المستحيل ان اتعرف عليهم خلال حياتي العملية
لان مجالات عملنا واماكن اقامتنا وروتين حياتنا يمنعنا من اللقاء
لكن هذا المكان هو من جمعني بافضل شخصيات وافضل صحبة عرفتها في حياتي

لذا ارجو تفهم ان هذا المكان له حق علينا جميعا في ان نحاول الارتقاء به ان شاء الله

كلمة اخيرة:
كلنا بشر وليس وسطنا ملائكة وما دمنا بشر اكيد هناك خطأ
لكن المهم محاولة تطوير انفسنا والتعلم من اخطأنا
اخوكم في الله
كريم منير

**Samah AbdAllah** · 09-09-2009 03:58 PM

الحمدلله ان الموضوع انتهى على خير وكلمنا ثقة فى نزاهة الادارة وحضرتك يا استاذ كريم
بس هى ايه العقوبات اللى طبقت ده السؤال اللى هيسألوا اى حد

_____________________________________
دا رد لجنة فض المنازعات على الشكوتين
http://www.nilemotors.net/Nile/86809-a.html
http://www.nilemotors.net/Nile/86054-a.html

مشــــرف عام - 2

**Karim_Monir** · 10-09-2009 02:35 AM

بسكوتة فعلا ده رد الشكاوي

ايمن الموضوع فعلا كان تحت قيد ودراسة كتير قبل ما يطلع الحكم

دكتور اكمل ازاي حضرتك
كل سنة وانت طيب
زي ما وضحت يا دكتور الموضوع خد حجم وقت وجهد كبير من ادارة المنتدى
والمشكلة فعلا ان في حاجات ماينفعش اقول عليها لانها من اسرار الادارة
لكن مش هاقول غير ان فعلا كل الاعضاء سواسية
ومفيش عضو سوبر وعضو كيلوبترا ولا مارلبورو
هاها
كله واحد فعلا
وانا شخصيا واسمي المنسق العام واحد ملاك المنتدى اتطبق عليا عقوبة
انت متخيل
مش نظام الكورة دي بتاعتي ومش لاعب
احب اوضح حاجة صغيرة لكل الاعضاء
عقوبة المشرف حين الخطأ غير عقوبة العضو
لانها عقوبة مضاعفة ومشددة
لكنها غير معلنة حسب قوانين الادارة
مضاعفة لان المطلوب من المشرف التحكم وضبط النفس لانه في موضع ثقة وقيادة
وغير معلن لعدم هز صورة الادارة امام الاعضاء
اما عن الاهتمام الاعضاء مفيش ادارة منتدى مهتمة باعضائة والتواصل الاجتماعي كما يفعل منتدانا والحمد لله
وربنا يديم المعروف ويا ريت نفتكر الهدف اللي ااجتمعنا من اجله
يا ريت تكون الرسالة وصلت ان شاء الله

**amr.elsayed** · 10-09-2009 05:38 AM

المشاركة الأصلية كتبت بواسطة akmal_hamdi

بص يا كريم انا مش طرف فى الشكاوى المتبادله بس بجد بجد الموضوع مستفز للغايه و استشعر ان الناس ابتدت تحجم عن المشاركه فى المنتدى (رينو) منذ 3 ايام من ساعه معرفوا قرارات اللجنه و ممكن تراجع القسم بنفسك و تشوف و الناس ال احجمت عن المشاركه ناس من كبار هذا القسم ال بتشرف بلأنتماء اليه و خلاصه الموضوع ان هناك أزمه ثقه و على اداره المنتدى العمل على ازاله هذه الأزمه او بلأحرى تضيق الفجوه اذا كانت تهتم بأعضائها سواء بدون تميز بين اى شخص فيهم وهذا هو مالم يحدث فتسبب فى اذى نفسى لكثير من اللأعضاء و شكرا

فعلا استاذ كريم دى مبادرة جميلة منك انك تلم الشمل ونفتح صفحة جديدة فى قسم الرينو
وكلام الاستاذ اكمل صحيح فى ان الاونة الاخيرة فقد قسم رينو عدد كبير من خبراته المتمثلة
فى عدد من الاعضاء ذات القيمة العالية على الاقل بالنسبة لى الا من رحم ربى
وللاسف الوقت غير مثالى لان وحوش اللوجان محتاجين كل الخبرات السابقة لانها عربية جديدة
واكثرهم ممن خبراتهم ليست كبير مثلى فى سيارات الرينو
اتمنى من كل قلبى ان قسم الرينو يرجع زى الاول ونفتح صفحة جديدة من خلال الموضوع دة
وكل سنة وانتم جميعا طيبين ورمضان كريم

**chato_eg** · 10-09-2009 12:40 PM

المشاركة الأصلية كتبت بواسطة karim_monir

وهذا ما استغرق كل هذا الوقت لتداول الاحكام بينهم ودخول رمضان وترقيات المنتدى واشياء كثيرة عاقت خروج الحكم مبكرا

كم أشتاق إلى زر " Thanks "...!!

**Hegazio** · 10-09-2009 12:47 PM

ما خلاص بقي يا جماعة
كل سنة و انتو طيبين .. و كل عيد فطر و انتم بخير
أعتقد المشكلة مش حتتكرر تاني لأنها كانت ( ...Pain in the ) لكل المنتدي .. و اللي حيبتدي الشكل بعد كده حيبان انه بتاع شكل
يللا .. أنسو بقي .. و نورور أجمل قسم .. و أجمد وحوش .. و أكثر الأعضاء فهما
تييت .. تييت .. .. رينــــو

**أحمد كمال** · 10-09-2009 01:22 PM

المشاركة الأصلية كتبت بواسطة chato_eg

كم أشتاق إلى زر " thanks "...!!

و انا كمان يا برنس

بس اكيد فيه سبب قوي

-

-

-

الموضوع: توضيح لاخواتي في قسم رينو

LinkBack

أدوات الموضوع

عرض

توضيح لاخواتي في قسم رينو - انشر الموضوع فى :

-

-

-

-

-

-

المواضيع المتشابهه

شكر و تقدير لاخواتي كلهم

مٌ’ـمٌ’ـكن توضيح ..!

الكلمات الدلالية لهذا الموضوع

المفضلات

المفضلات

ضوابط المشاركة