زجاج الكهرباء فى النوبيرا

**khaled02001** · 09-09-2009 03:38 PM

معايا عربية نوبيرا 1 موديل 97 اول ما اشتريتها من 6 شهور كدة لاحظت بطء الزجاج الكهربائى الامامى من ناحية اليسار
وبعد شوية لقيت الزجاج مش بيرفع لحد الاخر
رحت لواحد كهربائى فك الزجاج والمكنة وقالى دة عيب ماكينة الرفع متأكلة وعايزة تتغير
بصراحة مغيرتهاش وفك ماكينة الزجاج الخلفى وركبها ناحيتى لانى محدش بيركب معايا دايما بسوق لوحدى او حد جنبى
دلوقتى الزجاج الكهربائى الامامى من ناحية الشمال برضة مش بيقفل لحد الاخر وبرضة فية بطء فى الزجاج الامامى اللى ناحية اليمين وطبعا الزجاج الخلفى من ناحية الشمال بايظ من 6 شهور
وبعدين دلوقتى اعمل اية اغير 3 ماكينات رفع زجاج؟؟
والا ممكن يكون فية سبب معين بيخلى المكنة بتبوظ بسرعة؟؟
و سعر ماكينة الزجاج الواحدة كام؟
الرجاء المساعدة بسرعة لان دلوقتى بركن العربية والزجاج مش مقفول للاخر

**khaled02001** · 09-09-2009 05:53 PM

فين الردود يا جماعة؟ ؟

**bondjames** · 09-09-2009 06:00 PM

إذا كنت واثق فى الكهربائى يبقى غيرهم وإنت مضطر لذلك

**samirayad** · 09-09-2009 08:09 PM

أنت محتاج كهربائى شاطر يكشفلك على ضفيرة مكن الأزاز
أنا أشك أن عندك كبل عامل أرضى مع بدن السياره وبيهرب الكهرباء للبدن .....وبالتالى مأثر على عزم مواتير الرفع
ومخللى عزمها ضعيف
لأن التلامس الأرضى حيهرب الكهرباء لجسم العربيه....
ويخللى التيارالكهربى اللى رايح لمواتير وحدات الرفع أى كلام

**Sherif Khalifa** · 09-09-2009 10:45 PM

روح لحد بتاع ابوب يفك الكويتش الى حولين الباب و ينضف مجرة الزجاج كويس
المشكلة لو مكنتش متور ضعيف هتكون وجود رواسب بتمنع حركة الزجاج بسهولة و تمعمل مقومة لحركة المتور

**zocor742** · 10-09-2009 12:17 AM

انا بردو من اسبوع كدة المكنة اللى عندى شمال بقت بتنزل ومش بتطلع تانى والزجاجين اللى ورا بطء اوى
روحت لواحد بتاع ابواب نظف المجرا من الرواسب والاتربة اللى ورا رجعوا تمام بعد النظافة وبينزلوا ويطلعوا بسرعة
اما الشمال قدام المتور اتحرق من كتر ما كنت بتعفى عالية واشد الزجاج وانا رافع الزرار عشان اقفل العربية
وكنت بتر اشغل التكييف فى اى وقت بدل ما افتح الزجاج وميرداش يقفل
وبسيطة ان شاء الله بس اطمن على حالة الضفيرة زى ما الباش مهندس سمير قالك

**khaled02001** · 10-09-2009 03:38 AM

شكرا على الردود يا جماعة
بس لو كانت الكهرباء اللى رايحة لمكن الرفع ضعيفة لية الزجاج الخلفى من ناحية اليمين شغال كويس وسريع خالص؟
والا هى الكهرباء بتأثر على ناحية وتسيب ناحية حسب توزيعة الكهرباء؟