اولا موضوع نزول الاسعار فى سنة 2010 وموديلات 2010 اعتقد ده صعب بسبب الجشع اللى فى السوق المصرى, وغير كدا مفروض ان الاسعار دلوقتى نزلت عشان يخلصوا من الموديلات القديمة , اما بقا بخصوص الاختيار اللى حضرتك جايبه , ده بيفرق حسب ان حضرتك بتفضل اليابانى او الكورى وغير كدا بتفضل كماليات كتيرة ولالا , وكمان قطع الغيار لازم تحطها فى دماغك
بس اللى انا اعرفه لغاية دلوقتى ان قطع غيار السيراتو الجديدة غالية ولسه اسعارها مش رخصت عشان العربية لسه نازلة وجديدة
والتيدا اسعارها وسط ولا غالية ولا رخيصة وتوكيل محترم بردوا اللى هو السبع
ولو حضرتك مش بتجرى ورا الشكل والكماليات الكتيرة يبقا خاليك فى التيدا , عربية محترمة جدا وواسعة وكمان اللى معاه العربية بيقولو انها احسن عربية 1600 سى سى واستهلاكها مش عالى فى البنزين وبعدين عربية يابانى ميه ميه وخامات يابانى ميه ميه , وبعدين اللى حتحتاجه من كماليات بعدين ابقا ركبه انت بمعرفتك , وممكن تشترى اى كماليات من بره التوكيل وتركبها جوة التوكيل
وغير ان سمعة نيسان عالية اوى بقالها سنين فى مصر والعالم
وانا لو مكانك اجيب التيدا سيدان
المفضلات