ايه اخبار عمو غبور

**EslaM_NagY** · 10-09-2009 10:05 AM

المشاركة الأصلية كتبت بواسطة youssef_00

لو ليا نصيب وجبت الـ i10 يا يعاملونى زيك كده عشان انا بكره الاشتغالات جدا جدا
اخوكم يوسف

بيعاملوا الناس كلهم كويس

وحظك حلو لو يوم فاضى شوية ممكن يقلبولك ال آى 10 سوناتا.

**Marwanelbendary** · 10-09-2009 11:26 AM

مافيش توكيل مريح وكويس
لكن غبور أحسن الوحشين

على الأقل أحسن من وجيه أباظة و رجب فورد..........ااااااااااهههههه هه ...... محدش فيكوا جرب المعاقين ذهنيا بجد زي رجب , ماهو التوكيلات ما اتسحبتش منه من فراغ....كانت عربيتي الله يرحمها ...داخلة تغير اسطوانة وديسك (طقم دبرياج يعني)
طلعت من عندهم بوش سلندر بايظ وكامة معووجة و بوابة بتخرف وناس اللهم انتقم منهم واحد واحد
علشان دول كانوا من عينة مهندسين الافتاءات اللي مهندسين بلدنا ماشاء الله بيمثلوا من الفئة دي ما لا يقل عن 40% للأسف

في برضه توكيلات محترمة
البافارية
عبداللطيف جميل
تويوتا

**youssefmustang** · 10-09-2009 11:56 AM

المشاركة الأصلية كتبت بواسطة eslam_nagy

يعنى معنى كدة ان كل الى بيعملوا صيانة بيتسرقوا ؟؟

وبعدين ازاى الكاسيت يتسرق دا يقلب التوكيل على دماغهم وياخد عربية مجانا وهو ماشى تعويض عن حرقة الدم.

انا رحت التوكيل 400 مرة مفيش مرة مسمار نقص ( صيانة + سمكرة ).

الجولف بتاعه اخوك على عينى وراسى يبقى تكتب جنبها كدة ولا انا حعرف ازاى ؟؟؟؟؟؟؟؟؟؟؟؟؟؟

لو كان كلامى مستفز بعض الشىء فده يرجع الى ان كلامك برضو مستفز ( عمو غبور مثلا دى مستفزة جداااا ) هو انا بشحت منه ؟؟!!!!!!

ال آى 10 كان فى موضوع هنا مكتوب فيها اشعار حدور عليه واجبلك اللنيك.

يا استاذ اسلام
انا بقول عامة التوكيل مش جامد واكتر الناس هنا بتشتكى منه
لو كان الموضوع عمو غبور مستفز فا شوف كلامك الاول كمان الموضوع مش مكتوب لحضرتك مخصوص يعنى عشان ترد بالطريقة دى يا اما ما كنتش رديت اساسا واحتفظت برأيك لنفسك

**Nile_Storm** · 10-09-2009 01:06 PM

المشاركة الأصلية كتبت بواسطة youssef_00

لو ليا نصيب وجبت الـ i10 يا يعاملونى زيك كده عشان انا بكره الاشتغالات جدا جدا
اخوكم يوسف

معلش مفهمتش قصدك ايه
قصدك اني بشتغلك يعني ؟

**youssefmustang** · 10-09-2009 01:26 PM

المشاركة الأصلية كتبت بواسطة nile_storm

معلش مفهمتش قصدك ايه
قصدك اني بشتغلك يعني ؟

لالالالا
مش قصدى انت خالص والله
انا بقول يا رب يعاملونى كويس زيك عشان انا ما بحبش اشتغالات الوكيل فى الصيانة يعنى مثلا:
تعالى بكره
تعالى الشهر الجاى
معندناش قطعة الغيار دى روح صلحها بره ...
كده يعنى
لكن مش قصدى انت والله
اخوك يوسف

**Amrrr** · 10-09-2009 02:04 PM

المشاركة الأصلية كتبت بواسطة youssef_00

لالالالا
مش قصدى انت خالص والله
انا بقول يا رب يعاملونى كويس زيك عشان انا ما بحبش اشتغالات الوكيل فى الصيانة يعنى مثلا:
تعالى بكره
تعالى الشهر الجاى
معندناش قطعة الغيار دى روح صلحها بره ...
كده يعنى
لكن مش قصدى انت والله
اخوك يوسف

معايا آتوس عاملة تمانين ألف كم ونيو أكسنت داخلة على تلاتين ألف وبقالي سنتين باروح التوكيل - أبو رواش ويوم ماغيرت رحت غبور السلطان حسين عشان ظروف الصيف والحر واسكندرية

ولا مرة اتسرق حاجة من العربية والمهندس اللي بيستلم منك العربية بيقول لك شيل منها كل حاجة وانا طبيعي باخد حتى طفاية السجاير والولاعة هي مرة بتفضي فيها العربية كل فين وفين مش قضية يعني

حصلتلي مشكلتين واتعاملت فيهم بشكل رسمي - مرة شكوى في قسم الشكاوي ومرة دخلت لمدير المركز لتغيير فانوس وكاتب الموضوع دا قبل كدا - والمشكلتين اتحلوا بشكل مرضي ليا تماما وبدون اللجوء لأي معارف او وسايط او صوت عالي - كانوا في الآتوس

انا دخلت الآتوس اغير برابريز ومراية وفانوس - قعدت عشان اسلم العربية للفني المسئول قعدت معاه ساعة الا تلت يستلم مني العربية حتى لسعة السجارة كان بيثبتها والخربوش اللي بي الباب - دي حاجة كويسة عشان استلمت منهم بنفس الطريقة وفي نفس المدة الزمنية برضة تقريبا قعدت معاه بتاع نص ساعة

الفنوس ماكانشي موجود ادوني معاد بعد اسبوع رحت ركبته في المعاد اللي ادوهولي ومشيت في حوالي ساعتين

انا باحترم نفسي والمكان اللي رايحله طالما ليه نظام هامشي على نظامه & باحجز زبافضل مع الCALL CENTER لحد ما الاقي المعاد المناسب لي ولظروف الشغل والأجازات والكلام دا وباروح في المعاد مظبوط اللي غالبا باختاره الصبح بدري على أد ما أقدر وبقعدلي ساعتين تلاتة اربعة بالكتير في الصيانات الدورية وصيانة الستين قالولي لازم تيجي بدري وبتاخد طول النهار -
يعني من قبل ما أروح بشهر تقريبا كنت حاجز وعارف ان اليوم كله رايح في التوكيل عشان الصيانة دي وكلفتني في ألآتوس ألفين وحاجة بسيطة

تقييمي للتوكيل - بدون اي تحيز والله - واضح من كلامي ان مفيش مشاكل واجهتني وحتى لما حصل - ودا طبيعي عشان احنا بشر وبنتعامل مع بشر وخد بالك جوة صنايعية برضة وانت اكيد عارف الميكانيكية ومش كلهم حرامية واللي بيسرق بيمشي في ساعتها المهم حتى لما حصلت المشاكل اتحلت بطريقة ايجابية

بأمانة ماشفتش اللي انت بتتكلم عليه - اكيد موجود بس كل الناس اللي داخلة التوكيل هيقلبوا عربياتهم ويركبوله قطع غيار مضروبة ويشتغلوه في المواعيد و و و و و و و ؟؟؟ اكيد لأ طبعا !!!
العربية منتشرة جدا - هيونداي عموما -وكمية الناس اللي بتروح التوكيل رهيبة وطبيعي من الزحمة يبقى فيه عيب واحد بس - الوقت الزيادة بس وبرضة لو رايح في ميعادك ليك وضع تاني

وبالراحة يسيدي ولو مش عاجبك عندك السبارك والبيكانتو - وفيه اسبيرانزا كمان فول اوبشن بس اسأل على التوكيلات دي قبل ماتشتري

**Nile_Storm** · 10-09-2009 04:25 PM

المشاركة الأصلية كتبت بواسطة youssef_00

لالالالا
مش قصدى انت خالص والله
انا بقول يا رب يعاملونى كويس زيك عشان انا ما بحبش اشتغالات الوكيل فى الصيانة يعنى مثلا:
تعالى بكره
تعالى الشهر الجاى
معندناش قطعة الغيار دى روح صلحها بره ...
كده يعنى
لكن مش قصدى انت والله
اخوك يوسف

لا عامه قطع غيار هيونداي متوفره لو مش في التوكيل يبقي براه
من حيث قطع الغيار متقلقش
و بعدين لو خايف من غبور مراكز الخدمه كتير متقلقش من النقطه دي خالص
و ربنا يوفقك للي فيه الخير ليك
تحياتي

**Nile_Storm** · 10-09-2009 04:28 PM

المشاركة الأصلية كتبت بواسطة Amrrr

معايا آتوس عاملة تمانين ألف كم ونيو أكسنت داخلة على تلاتين ألف وبقالي سنتين باروح التوكيل - أبو رواش ويوم ماغيرت رحت غبور السلطان حسين عشان ظروف الصيف والحر واسكندرية

ولا مرة اتسرق حاجة من العربية والمهندس اللي بيستلم منك العربية بيقول لك شيل منها كل حاجة وانا طبيعي باخد حتى طفاية السجاير والولاعة هي مرة بتفضي فيها العربية كل فين وفين مش قضية يعني

حصلتلي مشكلتين واتعاملت فيهم بشكل رسمي - مرة شكوى في قسم الشكاوي ومرة دخلت لمدير المركز لتغيير فانوس وكاتب الموضوع دا قبل كدا - والمشكلتين اتحلوا بشكل مرضي ليا تماما وبدون اللجوء لأي معارف او وسايط او صوت عالي - كانوا في الآتوس

انا دخلت الآتوس اغير برابريز ومراية وفانوس - قعدت عشان اسلم العربية للفني المسئول قعدت معاه ساعة الا تلت يستلم مني العربية حتى لسعة السجارة كان بيثبتها والخربوش اللي بي الباب - دي حاجة كويسة عشان استلمت منهم بنفس الطريقة وفي نفس المدة الزمنية برضة تقريبا قعدت معاه بتاع نص ساعة

الفنوس ماكانشي موجود ادوني معاد بعد اسبوع رحت ركبته في المعاد اللي ادوهولي ومشيت في حوالي ساعتين

انا باحترم نفسي والمكان اللي رايحله طالما ليه نظام هامشي على نظامه & باحجز زبافضل مع الCALL CENTER لحد ما الاقي المعاد المناسب لي ولظروف الشغل والأجازات والكلام دا وباروح في المعاد مظبوط اللي غالبا باختاره الصبح بدري على أد ما أقدر وبقعدلي ساعتين تلاتة اربعة بالكتير في الصيانات الدورية وصيانة الستين قالولي لازم تيجي بدري وبتاخد طول النهار -
يعني من قبل ما أروح بشهر تقريبا كنت حاجز وعارف ان اليوم كله رايح في التوكيل عشان الصيانة دي وكلفتني في ألآتوس ألفين وحاجة بسيطة

تقييمي للتوكيل - بدون اي تحيز والله - واضح من كلامي ان مفيش مشاكل واجهتني وحتى لما حصل - ودا طبيعي عشان احنا بشر وبنتعامل مع بشر وخد بالك جوة صنايعية برضة وانت اكيد عارف الميكانيكية ومش كلهم حرامية واللي بيسرق بيمشي في ساعتها المهم حتى لما حصلت المشاكل اتحلت بطريقة ايجابية

بأمانة ماشفتش اللي انت بتتكلم عليه - اكيد موجود بس كل الناس اللي داخلة التوكيل هيقلبوا عربياتهم ويركبوله قطع غيار مضروبة ويشتغلوه في المواعيد و و و و و و و ؟؟؟ اكيد لأ طبعا !!!
العربية منتشرة جدا - هيونداي عموما -وكمية الناس اللي بتروح التوكيل رهيبة وطبيعي من الزحمة يبقى فيه عيب واحد بس - الوقت الزيادة بس وبرضة لو رايح في ميعادك ليك وضع تاني

وبالراحة يسيدي ولو مش عاجبك عندك السبارك والبيكانتو - وفيه اسبيرانزا كمان فول اوبشن بس اسأل على التوكيلات دي قبل ماتشتري

متفق معك تماما

**youssefmustang** · 10-09-2009 07:58 PM

يا جماعة انا قريت لينك هنا مقارنة البيكانتو والاى 10 لاقيت ان الـ i10 اقوى حصان واحد فقط عن البيكانتو
والموضوع كله ماشى على ان الاتين اخوات طب ايه الفرق يا اخونا
اخوكم يوسف

**EslaM_NagY** · 11-09-2009 02:30 AM

المشاركة الأصلية كتبت بواسطة youssef_00

يا استاذ اسلام
انا بقول عامة التوكيل مش جامد واكتر الناس هنا بتشتكى منه
لو كان الموضوع عمو غبور مستفز فا شوف كلامك الاول كمان الموضوع مش مكتوب لحضرتك مخصوص يعنى عشان ترد بالطريقة دى يا اما ما كنتش رديت اساسا واحتفظت برأيك لنفسك

اشوف كلامى الاول ؟؟؟ هو مين الى كتب عمو غبور الاول انا ولا حضرتك ؟؟ مين الى ابتدى الاستفزاز ؟؟؟

وفعلا انا ححتفظ برايى - اصل المنتدى معمول عشان نجامل بعض والف مبروك انما وقت السؤال المفروض كل واحد يحتفظ برأيه لنفسه !!!!!!!!!!

واعتبر دى آخر مرة افتح الموضوع دا - اصل انا الغلطان انى رديت.