الموضوع: قول عليَّ مجنون

> ليه تروح لدكتور نفسي عشان يسألك بفلوس ومراتك عندك طول الوقت بتسألك ببلاش؟.
> إوعي تبوس .........................
> الواحد من صدمته لما بيتولد بياخد وقت كتير علي بال ما ينطق.
> الستات عندها اختيارات تشتغل ماتشتغلش تتجوز ماتتجوزش تخلف وتتطلق وتاخد الواد تعيش بيه أو تتطلق وتسيبه لأبوه، الرجل عنده اختيارين مافيش غيرهم يا تبقي راجل يا لأ.
> الستات زي الجن مابيتكلموش لحد ما تبتدي تكلمهم.
> الإفيه أو النكتة اللي تحتمل معنيين أجمل حاجة فيها إنها دايما بيكون ليها معني واحد بس.
> لو هتعمل حاجة هتندم عليها بكره الصبح حاول تنام بدري.
> السعادة لا تجلب المال.
> المواطن في بلادي يشبه الطفل الذي يشارك بالتمثيل في فيلم سيتم عرضه للكبار فقط.
> الاكتئاب غضب سلبي.
> بفضل شخص مختل نفسياً يملك الجرأة علي تذوق ما يخرج من مؤخرات الدجاج عرفنا جميعا البيض.
> عندما أفشل أقرر الحفاظ علي كل الأدلة التي تثبت أنني قد حاولت.
> كل جيداً ونم جيداً ومارس رياضة المشي يوميا وأقلع عن التدخين وتجنب القلق...ستموت علي أي حال.
> هل كان الفراعنة يقرأون المستقبل عندما نحتوا وجه أبو الهول بحيث ينظر ناحيتنا ممتعضا طول الوقت؟
> الطلاق بيكلف كتير لأن الغالي تمنه فيه.
> معظم الناس بتخاف من المرتفعات أنا باخاف من الأعماق.
> الجواز الفاشل مش هو السبب في الخيانة، لكن الخيانة هي السبب في فشل الجواز.
> الحب حلم جميل والجواز منبه بصوت البقرة.
> الحب أعمي بس الجواز عيون مفنجلة.
> الجواز شركة فعلا.. بس مين ده اللي نفسه يعيش في شركة؟
> الجواز إجابة عن سؤال مجهول.
> الأفلام المأساوية بتنتهي بالموت، والأفلام الكوميدية بتنتهي دايما بالجواز.
> الرجل المحظوظ بيتجوز الست اللي بيحبها، الرجل السعيد بيحب الست اللي اتجوزها.
> طول الوقت فيه أسباب مقنعة للطلاق، الشطارة إنك تلاقي أسباب مقنعة للاستمرار في الجواز.
> اسمها فتاة الأحلام علشان موجودة بس في الأحلام، واسمه سر السعادة الزوجية لأنه مجرد سر.
> مؤخر الصداق اختراع معمول علشان الحموات يناموا وضميرهم مستريح.
> الست اللي مابتشتغلش فايتها كتير من التحرش الجنسي.
> الأماكن بتوسع أول ما تبقي ذكريات.
> مستحيل توصل للمقدمة طول ما أنت مريّح المؤخرة.
> اللي ميعرفش يصلح الفرامل لازم يتعلم يصلّح الكلاكس.
> اللي عايز يتجوز علشان يستقر زي اللي عايز يقتل علشان ياخد جايزة نوبل للسلام.
> مشكلة الحب إنه عمره ما جه في وقته.
> الأوحش من إن الحياة مايبقالهاش معني إنه يكون ليها معني مش عاجبك.
> أحب النظام لكنني أكره المشرفين علي النظام.
> الرجل ممكن يحب بقوة بس صعب يحب بإخلاص.
> كان الناس زمان يفرقون بين جمال الشكل وجمال المضمون،أخيرا وبفضل ثورة التجميل أصبح الشكل مضموناً.
> تفقد الزوجة أنوثتها فيبدأ الرجل (يبص بره)، تفقد الزوجة اهتمامها ببيتها فيبدأ الرجل (ياكل بره)، هل يعتبر الأكل برة خيانة؟
> عقوبة الحبس لن تردع أي متحرش ولن تغير فيه شيئا، العقوبة الوحيدة الفعالة هي أن يجيبوا له واحد يتحرش بيه.
> اللي ضميره مستريح..ذاكرته رديئة.
> فترة منتصف العمر هي الفترة اللي بتبان علي منتصف الجسم.
> السنين متسمية بـ(الأرقام)..وهكذا إلي يوم (الحساب).
> العقل سجن كبير وجنوني حرية.
> الفلوس بوشين علشان كده غدارة.
> الحب هو الجريمة الوحيدة اللي فيها اتنين شركاء هما نفسهم الاتنين الضحايا.
> طريق القُبلة يبدأ بألف ميل.
> أول متحرش في العالم هو الشخص الذي اكتشف أن البقرة ..........


لعمر طاهر نقلا عن الدستور

وعجبي......