الموضوع: حادث مؤلم جدا

المشاركة الأصلية كتبت بواسطة a.saad

حضرتك شخص مهذب جدا والناس دى مش تتعامل معاها كدة
مش اقول اتعامل بقلة ادب لكن بعنظزة برده زيهم
والاشكال اللى بتتعامل معانا بمنطق فلوسهم
انا عندى اقرفهم ولا اخد منهم فلوس
لان المرة اللى بعدها
هيتعاملوا مع اى واحد باحترام

بص من المستحيل انزل نفسى وتفكيرى لمثل هذة المهاترات من ناس للاسف مش هتفهم ومفهموش
فى حجات مينفعش تشتريهاء (حب الناس - احترام الناس - تقدير الناس) لو نزلت لمستواة بالتفكير يبقا انت بترجع بتفكيرك للخلف ودول مش هيتعلمو الطبع يغلب التطبع

المشاركة الأصلية كتبت بواسطة human12

ربنا يكرمك يا فندم
تصرف محترم من شخص محترم و عارف قيمه نفسه و مقدر لنفسه

بجد انت بتثبتلى ان الناس المحترمه لسه موجوده فى الزمن ده

بارك الله فيك و يعوضك خير و الحمد لله الواحد مايعرفش ربنا فداه من ايه فى وضع زى ده

شكرا جزيلا على الكلمات الرقيقة من شخص عفيف القلب واللسان

المشاركة الأصلية كتبت بواسطة tananybasha

الف سلامه يا تامر باشا و فدا ضفرك

متشكرين ياباشا بنفسك معقولة كفاية الكلمتين الحلوين دول

المشاركة الأصلية كتبت بواسطة tananybasha

و الحمد لله انه مش معايا كان زمانها دلوقتى فى ترب الغفير بتاعة بلادها

الطيب احسن معلش المسامح كريم

المشاركة الأصلية كتبت بواسطة lancerevolution

معلش يا تامر تصرفك غلط أنت المفروض كنت تاخد واحد منهم معاك للميكانيكى الى هيصلح و يغير و هو يحاسبه دا التصرف الصح لأن من أفسد شيئا فعليه إصلاحه و معلش يا أستاذ تامر ليه أنت تتحمل غلط غيرك
فى بقى موضوع تانى بردوا
بتوع العربيات الجمرك البحر الأحمر و سفاجا و نويبع أو الى جايين من الخليج عالم مستفزة فرحان بالعربية بتاعته الى جايبها بتراب الفلوس و بيطنطط على الخلق و ماشين يخبطوا فى الناس جت فترة كل يوم عربية جمرك تخبط موتسيكل أو حد ماشى فى الشارع تعمل مصيبة من الأخر و عاملين زحمة بعربياتهم الكبيرة على الفاضى دا غير الوقفات الغبية جدا تقدر تقول سوبر غبية و دى حصلت معايا أنا داخل شارع جانبى و البيه راكن العربية "النقل "بتاعته قافل نص دخلة الشارع طيب أنا أدخل الشارع إزاى طبعا حطيت رجلى على الكلاكس لقيت واحد جاى و بيزعق و بيقولى مستعجل على إيه قولتله ورايا الديوان شيل العربية النص نقل بتاعتك دى و هو طالع بالعربية و هو متنرفز طبعا إبتسمتله

عيزنى اخدة معاية طيب دا انا مطقتش اعد ادمهم 10 دقايق عيزنى اخدة معاية واللة ميعتب باب العربية لانى لا اكن لهؤلاء الفئة اى احترام ولا تقدير بس للاسف الواحد متربى

المشاركة الأصلية كتبت بواسطة human12

جامده حاطط رجلى على الكلاكس :)

بس يا سيدى هو ساعات بيكون الموضوع هيدخل فى ملل و كلام كتير و انت من النوع اللى مش بيحب ياخد حاجه من حد

فلما يحصل كده الواحد بيكبر دماغه عشان عارف الصداع انه يروح سمكرى و يوريله ولا غالى نروح لواحد تانى و هكذا لفه طويله مش هتخلص و تفضل مع ناس مش طايقهم و تاخد فلوس عبيطه تصرف فوقيهم اكتر من كده و تحس اكنك بتشحت حقك يبقى كده اللى عمله صح عشان اشترى دماغه بالفلوس و ربنا يسامحهم و خد شويه حسنات حلوين

انا مش بحب العرب فى العموم بس انا بتكلم على منطق عام

تمام التمام المشكلة مش فى الفلوس ولا التصليح اولا الوقت والاعدة الموملة حاجة تخلى الواحد اعد مشلول .
الكلمة الطيبة لها مفعول السحر سدقنى حتى لو حد منفعل الكلمة الطيبة تنهى اى شىء فى ثوانى معدودة

المشاركة الأصلية كتبت بواسطة tananybasha

ربنا يهدهم فى بلادهم حد يقدر يكسر اشارة و لا يخبط عربية و لا يتنطط على حد و الله يتحيس وقتى

هى دية المشكلة انهم بيجو هنا يعملو عكس ما يفعلونة فى حياتهم العادية على اساس ان البلد بتعتناء بلاء محاسب او قاضى

معلش يا تمورة.. فداك يا عم.. و كويس انك انت خوفتها اصلا.. و لعبت بأعصابها..
و انت بأدبك و بطريقتك دي هزقتها بذوقك..
حصل معايا موقف مشابه من فترة.. بس كنت انا راكن و لقيت حد قافل عليا و مريح علي عربيتي..
ولما روحت اشوف مين ف العربية لقيت 3 بنات صغيرين..
و قابل بقي تعامل بطريقة سافلة و تنطيط و كده..
عموما.. اخدوا اللي فيه القسمة من تهزيق بالادب و الذوق هما و ابوهم و امهم اللي كانوا بيشتروا حاجة.. و مشيت بعد ما اهنتهم و هزقتهم بالذوق.. و قولتلهم مش ايز منكم حاجة.. بس عايزكم تتربوا و تربوا عيالكم..!!!!