و انت برضو محترم يا علاوى
بره الموضوع دى المشاركة رقم 2000 ليا فى المنتدى عقبال ال 30000
عرض للطباعة
و انت برضو محترم يا علاوى
بره الموضوع دى المشاركة رقم 2000 ليا فى المنتدى عقبال ال 30000
أنا لسه عند رأيي . فاقد الشئ لا يعطيه فبالتالي مفيش فايدة مع الناس اللى من النوعية دي فالأحسن إنهم يدفعوا ثمن اللى أتلفوه ، بالذات العالم اللى سايبه الدنيا كلها تزمر وراها وعمالة تتكلم فى المحروق الموبايل ولا فى دماغها وتكون السبب فى مليون حادثة بسبب عدم التركيز فى السواقة!!!!!!!!!!!!
تحياتي.
هى وجة نظر بس الله عفو كريم
من اتلف شيء فعليه إصلاحه
اولا الف سلامة عليك يا تامر باشا وفداك مليون عربية
بس انا لو مكانك ما كنتش سيبتهم الا لما اخد ثمن تصليح كل حاجة. دي عالم سافلة ومنحطة ومش هينفع معاهم الكلام
المشكلة في مصر ان صعب جداً تاخد حقق من الغلطان خصوصاً لو هو مش ناوي يديك تعويض عن الضرر اللي عملهولك
انا مصري بشتغل في السعودية وححكيلكو على موقف حصل لواحد صاحبي انا كنت راكب معاه وكان هو اللي غلطان
طبعاً بعد الحادث والحمد لله لم يصاب أحد نزلنا من العربية وبكل أدب وذوق اتعرفنا على الشخص الآخر وقعدنا نشوف كل عربية حجم التلفيات فيها لحد ما تيجي الشرطة
بعد حوالي 5 دقائق جات الشرطة ورسمت كروكي للحادث وطبعاً كان باين ان صاحبي غلطان و المهم خاد رخص العربيتين و رخص السواقة وقالنا حصلونا على القسم
طبعاً دخلنا القسم مش حقولك على الإحترام في المعاملة لدرجة انهم شربونا القهوة العربي ودي عادة عندهم هناك في المكاتب بعد ما خد البيانات العسكري قال لصاحبي لازم ضامن ليك و وضمنتو وخرجنا ومشينا. كل ده حصل في ربع ساعة مع عسكري شرطة ولا شفنا ضابط ولا بيتنا ليله في القسم علشان نتحول على النيابة صباحاً ولا العربيات اتحجزت والموضوع انتهى.
بعد كده لقيت إن الإجراءات هي إن المتضرر حيروح لثلاث ورش معتمدة ويجيب عروض الإصلاح وبياخدو بالعرض الأوسط. وعلى صاحبي ان يدفع المبلغ يا إما حيتحبس لحد ما يدفع.
علشان كده هناك مفيش مشاكل وأي واحد بيغلط بيدفع تمن غلطه بدون خناق ولا بلطجه وأعتقد لو كان قانون المرور الجديد كان اهتم باصلاح العلاقة بين قائدي المركبات واعطاء كل ذي حق حقه كنا شلقينا قد ايه الناس بتلتزم بالتعليمات
معلش طولت عليكو بس بصراحة اتمنيت اشوف ده في مصر
انا اتمنيت زيك يا باشا بس هنا عملو القانون المرور الجديد بلا نتيجه الصراحه او بلاخص مهتموش بحاجات اهم من الحاجات اللى مهتمين بيها حاليا بس ح نعمل ايه .... قال ايه لازم يكون معك شنطه اسعاف وطفايه ومثلت !!!!!!!!!!!! حاجه عجيبه والله
بس ع فكره هما عملو كده ف مصر تفتكر ليه ؟؟؟ عشان جتلهم صفقه من بره مصر ع الجااجات دي وباعوها للشعب كده وقالو دا القانون الجديد ,,,,,,,,,,!!!!!
بس لو هما عملو القانون الجديد دا بجد واهتمو بي اوي مكنش الوضع ح يكون كده !!!!!!!!؟؟ مش كده ولا ايه ؟؟
انت كنت ببساطة جدا تروح تعمل محضر في اقرب قسم وتعمل معاينة لعربيتك وتمشي من غير متكلمها هتلف الايام وبعد فترة هيدورو عليك علي الاقل تبقي زلتهم شوية
حمد الله على سلامتك دي الاهم
بس لو مكانك والله ما كنت سبتها غير لما عملت لها محضر واخدت حقي عشان تتربي وتعرف تشاور بصباعها تاني والدكرة اللى هي جايباهم يعرفوا ان مالهمش لازمة