هل هذا من مفطرات الصيام ام لا ؟؟

السلام عليكم ...

كنت على اختلاف مع اصدقائي على مفطرات الصيام .

فى شيء اختلفنا فيه , هل يجوز ان شاب يكلم صديقته على النت او فى التليفون و هو صائم ؟؟

ناس قالت على النت ممكن و ناس قالت لا و ناس قالت عادى و حاجات كتير .

ممكن اعرف راى الاخوة بقي هل من مفطرات الصيام ان حد يكلم صديقة له على النت ام لا ؟؟

حبيب قلبي:
ممكن تعتبر الكلام اللي حقوله ده دردشة يعني واحد بيدردش مع صاحبه مش قصدي بيه اي حاجه

انا كان لي الشرف اني اشوف مشاركتك اول واحد وكنت خلاص حكتب الرد اللي انا شايفه صح على حسب اجتهادي بس افتكرت كذا حاجه خلتني اغير من ردي ::

1. احنا مش شيوخ يعني مش احنا اللي نتسأل السؤال ده, الحرام بين والحلال بين واستفت قلبك, كل ده صح بس احنا مش متخصصين.
افتكر احد اساتذتنا في الكلية كان بيقولي في مصر الناس كلها بتفتي في حاجتين ولا كانهم علماء فيه : الطب والدين
قول لاي حد انا عندي صداع واتفرج على اللي حيحصل, احنا كنا قاعدين مرة على قهوة وبقول لاصحابي انا عندي حموضة لقيت واحد بيقرا الجرنان من الترابيزة اللي جنبي بيقولي اشرب سفن حلو عشان قلوي, عايزني اشرب حمض كاربونيك عشان عندي حموضة على الرغم اننا كلنا دكاتره, ثانيا معرفش الناس جابت منين انه قلوي!!!!

ليه لما الواحد بيحب يغير بوجيهات عربيته يقول اروح لواحد متخصص ولما يسأل سؤال في الدين اي حد يرد
دا ربنا بيقول (الرحمن فاسأل به خبيرا)

2. السؤال نفسه انا مش عارف حاسس انه مش مبلوع, مش قصدي حاجه بس تخيل ان ناس قالت:
مابيفطرش : حيتقال بكره على ان فيه منتدى سيارات اتقال على صفحاته انه لما واحد يكلم صاحبته ياعم ميفطرش
بيفطر : طب ما حنا عارفين ان مكالمات الواحد مع اي واحدة غريبة عنه فيه نوع من الشبهة (انا مبقولش اننا ملائكة وكل واحد فينا عنده الذنب اللي ربنا يقدره ويعرف يتخلص منه وانا وانت في الاخر بشر
((متخليش حد يضحك علينا)

3. احنا داخلين على العشرة الاواخر, يعني المفروض ان الواحد يعتكف او حتى في بيته ياخد نية الاعتكاف (مع مراته)

4. أنا رأيي الشخصي الشخص اللي بيسأل الكلام ده من أصحابك يروح يستفتي اي شيخ ثقة, وبعدين يقول لكم على الرد اللي احنا من جوانا اكيد عارفينه وبعدين يبقى يقول لكم احسن من الكلام العلني على النت خصوصا ان الموضوع حساس وخاص بهذا الشخص



وكل سنة وحضرتك طيب

اقتباس:

---

المشاركة الأصلية كتبت بواسطة hamadamdph

حبيب قلبي:
ممكن تعتبر الكلام اللي حقوله ده دردشة يعني واحد بيدردش مع صاحبه مش قصدي بيه اي حاجه

انا كان لي الشرف اني اشوف مشاركتك اول واحد وكنت خلاص حكتب الرد اللي انا شايفه صح على حسب اجتهادي بس افتكرت كذا حاجه خلتني اغير من ردي ::

1. احنا مش شيوخ يعني مش احنا اللي نتسأل السؤال ده, الحرام بين والحلال بين واستفت قلبك, كل ده صح بس احنا مش متخصصين.
افتكر احد اساتذتنا في الكلية كان بيقولي في مصر الناس كلها بتفتي في حاجتين ولا كانهم علماء فيه : الطب والدين
قول لاي حد انا عندي صداع واتفرج على اللي حيحصل, احنا كنا قاعدين مرة على قهوة وبقول لاصحابي انا عندي حموضة لقيت واحد بيقرا الجرنان من الترابيزة اللي جنبي بيقولي اشرب سفن حلو عشان قلوي, عايزني اشرب حمض كاربونيك عشان عندي حموضة على الرغم اننا كلنا دكاتره, ثانيا معرفش الناس جابت منين انه قلوي!!!!

ليه لما الواحد بيحب يغير بوجيهات عربيته يقول اروح لواحد متخصص ولما يسأل سؤال في الدين اي حد يرد
دا ربنا بيقول (الرحمن فاسأل به خبيرا)

2. السؤال نفسه انا مش عارف حاسس انه مش مبلوع, مش قصدي حاجه بس تخيل ان ناس قالت:
مابيفطرش : حيتقال بكره على ان فيه منتدى سيارات اتقال على صفحاته انه لما واحد يكلم صاحبته ياعم ميفطرش
بيفطر : طب ما حنا عارفين ان مكالمات الواحد مع اي واحدة غريبة عنه فيه نوع من الشبهة (انا مبقولش اننا ملائكة وكل واحد فينا عنده الذنب اللي ربنا يقدره ويعرف يتخلص منه وانا وانت في الاخر بشر
((متخليش حد يضحك علينا)

3. احنا داخلين على العشرة الاواخر, يعني المفروض ان الواحد يعتكف او حتى في بيته ياخد نية الاعتكاف (مع مراته)

4. أنا رأيي الشخصي الشخص اللي بيسأل الكلام ده من أصحابك يروح يستفتي اي شيخ ثقة, وبعدين يقول لكم على الرد اللي احنا من جوانا اكيد عارفينه وبعدين يبقى يقول لكم احسن من الكلام العلني على النت خصوصا ان الموضوع حساس وخاص بهذا الشخص



وكل سنة وانت طيب

---

و انت بالف صحة و سلامة و كلامك مظبوط فعلا .

بس رأيك الشخصي اللى انت مذكرتوش فى مشاركتك مهم ايا كان .

و بعدين حضرتك لما الموضوع ده يكون على النت و يجتمع الاخوة على راى واحد فده هيكون راحة بال لكثير جدا جدا من الشباب لانه الامر هيكون شبه محسوم .

و كمان مش صاحبي اللى عايز رد او اى حد , ده كان نقاش بيننا خصوصا ان لى صديق بيكلم صديقته يوميا من اول رمضان يعنى 20 يوم .

انا كان رايي انه لا يجوز و ان الصيام ممكن يكون باطل بشكل كبير و هو اعترض و لما المناقشة كبرت شوية اعترض الكثير ووافق الكثير .

فلو سالنا شيخ من الشيوخ الجليلة هيكون الجواب فى نطاق ضيق و مش كل الناس هتعرف الجواب و ده اللى يهمنى ان كل الشباب يعرفوا , هل هذا يفسد الصيام ام لا .

ماهو الفكرة يا حبي ان الناس مش حتتفق
انا مرة قريت ان الدين حكم وليس رأي (مش عارف مدى شرعية الكلمة بس انا فاكرها كده)
بمعنى اننا ممكن نستقر على رأي ويطلع غلط.

هو اصلا اللي خلاني اكتب المشاركة بسرعة اني اشفقت عليك انك تلاقي حرب على المنتدى بين ناس بتقول حاجه وفريق بيقول حاجه ثانية

خصوصا ان معظمنا بما اننا شباب في يوم من الايام اتكلمنا مع زمايلنا وزميلتنا لحاد ما ربنا تاب علينا
فالتوبيك نفسه بيمس مشاعر ناس كتير

فيه خطأ شائع عند الناس كلها وهو الخلط الرهيب بين صحة العبادة على المستوى الشرعي وبين صحة شروط قبولها عند الله ..
يعني بطريقة أبسط الفرق بين تأدية العبادة وبين الإخلاص فيها

شروط صحة العبادة كالصلاة والصوم والزكاة والحج هي تمام هيئتها ولا علاقة للهيئة بالإخلاص في العمل أو الخشوع في الصلاة أو الالتزام بالأخلاق الحميدة .. فكل هذه الأمور شروط لقبول العمل عند الله وعدم توافرها لا يسمح للشخص بألا يفعلها .

فتجد شخصاً يشتم في نهار رمضان فيقول له آخر روح اشرب بقى شوية ميه علشان صيامك باظ .. ده كلام مش مضبوط ولا سليم

الصوم شرعاً هو الإمساك عن شهوتي البطن والفرج من وقت الفجر إلى وقت المغرب .
والمفطرات الشرعية هي وصول مفطر مأكول أو مشروب أو محقون إلى جوف الصائم .. أو المباشرة الجنسية التامة أو مقدماتها بشرط الإنزال .. أو أي عمل جنسي بالشرط ذاته ..

وما عدا ذلك فالصيام صحيح على المستوى الشرعي .. أما مستوى الورع والإخلاص والقبول فهذا أمر آخر .

ففعل أية معصية يستوجب الذنب سواء كان في رمضان أو في غيره وهذا أمر واضح لا مراء فيه .. ولا شك أن الإصرار على المعصية في أيام مباركة كرمضان ويوم عرفة ..الخ يزداد فيه إثم الذنب حيث مرتكب الذنب يقترف جرم الذنب ذاته مضافاً إليه ذنب التجرؤ على أيام مباركات وعدم مراعاة حرمتها عند الله .
وإثم هذا الفعل واضح وبين ، وسواء كان في رمضان أو غير رمضان فقد استحق صاحبه الإثم .. وزاد عليه في رمضان إثم التجرؤ على اقتراف هذا الفعل .. لا سيما أن الفرد يكون على حال عبادة طيلة فترة الصوم فلا يجوز له أن يقترف آثاماً حال العبادة .

والثابت أن صديقك هذا ارتكب اثماً ثالثاً وهو إثم المداومة والإصرار على المعصية واقترافها والانتظام فيها ..

ولا شك أن فعل الذنوب والمداومة عليها وعدم التوبة والاستغفار منها قد يؤدي إلى إحباط الأعمال والعياذ بالله فتضيع الأجور ويسود القلب .

إذن النتيجة هي :
أن صديقك هذا لا يبطل صومه شرعاً بارتكاب هذا الفعل ما لم يؤد هذا الفعل إلى ارتكاب مفطر من المفطرات .
ولكن
أجرهذا الصوم وقبول الله له محل كلام
لماذا ؟
لأنه اكتسب في سعيه لهذا الإثم ثلاث آثام وهي
الفعل ذاته
فعل الذنب في حال العبادة وفي أيام مباركة
الإصرار على الذنب والمداومة عليه

وربنا يهدي الجميع

شكرا يا جماعة , و شكر خاص د \ احمد .

بس افهم من كده ان الرك على النية مش على الفعل , لان الفعل فى حد ذاته ليس من المفطرات .

بس في حاجة عايز اوضحها يا جماعة باينة فى كلامكم انتوا مش واخدين بالكم منها .

انتوا من كلامكم كده كانكم بتتكلموا عن حالة مراهقة بين شباب , او شاب مراهق بيتكلم مع بنت مراهقة .

لو الموضوع موضوع نية يبقي صاحبي معملش حاجة غلط , لان نيته سليمة و انا متاكد من كده , لان البنات دول اصحابنا من النادى و انا عارفهم كلهم و عارف صاحبي كويس , بس انا و الحمد لله مبكلمش حد فى رمضان خصوصا وقت الصيام لانه مش شيء سهل .

هو الموضوع كله بدا بس انى كنت عند صاحبي و هو بيكلم زميلته على النت فى وقت الصيام , و انا لما شفته قلت له ممكن صيامك يضيع بسبب كده او ان كده ممكن يقلل من ثواب الصيام بدرجة كبير , و اختلفنا عادى جدا .

فانا عايز اعرف بس علشان انصحه اذا كان كلامى صح او خطا , علشان ميتمداش فى الخطأ .

صيامه كده مش باطل و لكنه يرتكب ذنوب كثيرة . صح كده ؟

مضبوط
صيامه مش باطل
لكن أجر صيامه فيه شك
(رب صائم ليس له من صيامه إلا الجوع والعطش )
وحذره من فعل الذنوب .
وانت كدة فاهم صح

اقتباس:

---

المشاركة الأصلية كتبت بواسطة د.أحمد سمير

فيه خطأ شائع عند الناس كلها وهو الخلط الرهيب بين صحة العبادة على المستوى الشرعي وبين صحة شروط قبولها عند الله ..
يعني بطريقة أبسط الفرق بين تأدية العبادة وبين الإخلاص فيها

شروط صحة العبادة كالصلاة والصوم والزكاة والحج هي تمام هيئتها ولا علاقة للهيئة بالإخلاص في العمل أو الخشوع في الصلاة أو الالتزام بالأخلاق الحميدة .. فكل هذه الأمور شروط لقبول العمل عند الله وعدم توافرها لا يسمح للشخص بألا يفعلها .

فتجد شخصاً يشتم في نهار رمضان فيقول له آخر روح اشرب بقى شوية ميه علشان صيامك باظ .. ده كلام مش مضبوط ولا سليم

الصوم شرعاً هو الإمساك عن شهوتي البطن والفرج من وقت الفجر إلى وقت المغرب .
والمفطرات الشرعية هي وصول مفطر مأكول أو مشروب أو محقون إلى جوف الصائم .. أو المباشرة الجنسية التامة أو مقدماتها بشرط الإنزال .. أو أي عمل جنسي بالشرط ذاته ..

وما عدا ذلك فالصيام صحيح على المستوى الشرعي .. أما مستوى الورع والإخلاص والقبول فهذا أمر آخر .

ففعل أية معصية يستوجب الذنب سواء كان في رمضان أو في غيره وهذا أمر واضح لا مراء فيه .. ولا شك أن الإصرار على المعصية في أيام مباركة كرمضان ويوم عرفة ..الخ يزداد فيه إثم الذنب حيث مرتكب الذنب يقترف جرم الذنب ذاته مضافاً إليه ذنب التجرؤ على أيام مباركات وعدم مراعاة حرمتها عند الله .
وإثم هذا الفعل واضح وبين ، وسواء كان في رمضان أو غير رمضان فقد استحق صاحبه الإثم .. وزاد عليه في رمضان إثم التجرؤ على اقتراف هذا الفعل .. لا سيما أن الفرد يكون على حال عبادة طيلة فترة الصوم فلا يجوز له أن يقترف آثاماً حال العبادة .

والثابت أن صديقك هذا ارتكب اثماً ثالثاً وهو إثم المداومة والإصرار على المعصية واقترافها والانتظام فيها ..

ولا شك أن فعل الذنوب والمداومة عليها وعدم التوبة والاستغفار منها قد يؤدي إلى إحباط الأعمال والعياذ بالله فتضيع الأجور ويسود القلب .

إذن النتيجة هي :
أن صديقك هذا لا يبطل صومه شرعاً بارتكاب هذا الفعل ما لم يؤد هذا الفعل إلى ارتكاب مفطر من المفطرات .
ولكن
أجرهذا الصوم وقبول الله له محل كلام
لماذا ؟
لأنه اكتسب في سعيه لهذا الإثم ثلاث آثام وهي
الفعل ذاته
فعل الذنب في حال العبادة وفي أيام مباركة
الإصرار على الذنب والمداومة عليه

وربنا يهدي الجميع

---

بظبط كدا

في فرق بين تأية العبادة وبين الاخلاص فيها وفروق درجاتها وثوابها


يعني كل من امتنع عن الاكل والشرب والشهوة فقد أدي فريضة الصيام


لكن اي هو جزاء صيامه دا؟؟؟ هواداللي بيختلف في درجاته وليتنافس المتنافسون

هدف الصيام اساسا انك بتكبت غرائز جسدك وتتيح الفرصة للروح لتسمو الي خالقها وتتغذي بغذائها


الاوهو القرآن الكريم...وبالتالي اي تدخل من شئون الحياة اليومية زي ارتباط صديقك بفتاة وكلامه معاها

ممكن يخرجه من المود دا..دا لو كان اصلا داخل فيه...

وبيشغله قليلا عن انتهاز فرصة الصيام دي للتقرب من الخالق عز وجل

وبعدين الاولي ان كان فعلا فيه اي شبهه فكلامه معاه ينتهز الفرصة دي لتصحيح الاوضاع

انا عاجبنى قوى الردود و خاصة الرد الأول ربنا يباركله

ههههههههههههههههههههههههه ههههه

الحلال بين والحرام بين

يعنى من غير لف ودوران اللى بيتكلم حسب نيته وحسب انت بتعمل ايه

اقتباس:

---

المشاركة الأصلية كتبت بواسطة aboelnagah

ههههههههههههههههههههههههه ههههه

الحلال بين والحرام بين

يعنى من غير لف ودوران اللى بيتكلم حسب نيته وحسب انت بتعمل ايه

---

بالظبط يعنى تقريبا بنسبة 99.9 % باطل