السلام عليكم
سادتي الزملاء أرجو الإفادة في موضوع تليين السيارة ، فكما تعرفون إن سيارتي 2010 ولم تتعدي معي الإسبوع واريد ان أعرف أمشي بيها علي كام لحد ما تعدي فترة التليين وما أزودش علي كام ، وبالنسبة للتكييف ظروفه إيه أشغله ولا لأ .
تحياتي
عرض للطباعة
السلام عليكم
سادتي الزملاء أرجو الإفادة في موضوع تليين السيارة ، فكما تعرفون إن سيارتي 2010 ولم تتعدي معي الإسبوع واريد ان أعرف أمشي بيها علي كام لحد ما تعدي فترة التليين وما أزودش علي كام ، وبالنسبة للتكييف ظروفه إيه أشغله ولا لأ .
تحياتي
اولا الف مبروك علي العربيه ربنا يديلك خيرها ويكفيك شرها
بالنسبه للسؤال : المعروف ان العربيه بتيجي اصلا متلينه بس من المفضل
انك تمشي 1000 كيلو من غير تكييف ومن غير ماتقرص علي الغيار
4 غيرات امشى زى مبيقول الكتاب
1 20
2 40
3 60
4 80
5 عيش بقى فى مشوار طويل مع القرص سنة سنة افتح العربية على الخامس
استعمل العربية عادى... و زود عن 80 براحتك... شغل تكييفك و استمتع بيه
المهم متقرصش على العربية بشكل مفاجى او تجملها حمولة جامدة... اضغط على لمحرك بالتدريج لضمان التطبيع الامثل بين الشنابر و الشميز
لو رجعت تعمل بحث حتلاقى فيه ناس بتشى من ضعف سحب العربية و هى جديدة مقارنة بمثيلاتها الاقدم او اللى حالتها اقل حتى... الناس دى اللى كانت بتحسس فى فترة التليين و الشنابر طبعت على وضع الحمل الخفيف و تيجى ساعة الجد تهرب كبس
MMamdouh
مش عارف أقول إيه والله أنا كان ممكن اتوه من غير الصحبة الطيبة دي ، أنا شاكر للجميع هاشغل التكييف علشان الجماعة عندنا ما بيستحملوش الحر :) علي ضمانه السيد / محمد ممدوح ، بالنسبة للغيارات أنا ماشي 20 - 40-60-80 وروحت بيها مشوار إسماعيلة علي هذا الأساس مع إن محسوبكم علي قده في السواقه بقالي 8 سنين ما ركبتش عربيه .
عاوز أضيف حاجة بالنسبة لعلو العربية أنا شايف إنها كويسه علي ارغم مما يقال أنها واطيه :) بس انا حاسس إنها طريه شوية ممكن ده يدل علي رداءة المساعدين ولا إيه ز
حط ايدك الاتنين على طرف الكبوت عند الزاوية
واضغط بيهم على الكبوت
بحيث انه ينزل
وشوف الارتداد بتاعه عامل ازاى
مرة واحدة يطلع لفوق وينزل مكانه يبقى المساعد جيد
لو فضل يتمرجح يبقى فيه حاجة
الاختبار ده يتعمل على الاربع مساعدين
وبص بالنظر على المساعد
هل فيه تسريب زيت عنده ولا لا
أنا مشيت بيها يا مستر ممدوح دلوقتي 750 كيلو ، ولكن أرجو التوضيح بالنسبة لعداد rpm ما هو الحد الأقصي المسموح بيه لأن في ناس بتقول 3500 وناس بتقول 2500 والله يا حضرات أنا محتار بس أنا شايف أن حل السرعات المحددة ده مريح جداً ، أما بالنسبة للسيد / أحمد بك سعد كلامه مضبوط المساعدين الأمامي نتيجة الإختبار إلي قال عليه تمام جداً ولكن الالمساعدين الخلفي ليست بنفس الجودة حاسس إنهم مايعيين كده أتصل بيهم في التوكيل وأحجز ميعاد ولا إيه العمل لإنني لم أجد تسرب زيت ولا حاجة أسفل السيارة (السيارة لم تحمل غيري أنا وزروجتي وآكثر حمل شلته في الشنطه لمسافة 9 كلم كان الخروف بتاع العربية )، ونظراً لما رأيته من معاملة مع السادة العاملين في التوكيل فإني أفترض السء في أي حاجة (أنا لسه سايب المفتاح في بتاع اعربية في الورقة (إلي مش نظيفة :) )إلي إستلمتها بيه وما إشترتش ميداليه ) ممكن يكونوا مركبين واحد قديم ولا نص كم .
دوس هنا
وطبعا لايفوتنى المباركه على السياره
بارك الله لك فيها ....ووقاك شرورها
كدة فترة التليين خلصت اساسا
الموضوع يعتمد على نوع السواقة اللى انت بتتبعهااقتباس:
، ولكن أرجو التوضيح بالنسبة لعداد rpm ما هو الحد الأقصي المسموح بيه لأن في ناس بتقول 3500 وناس بتقول 2500 والله يا حضرات أنا محتار بس أنا شايف أن حل السرعات المحددة ده مريح جداً
لو سواقة اقتصادية يبقى دايما خللى الRPM بين 2000 و 3000
لو عايز قيادة رياضية و اكبر قدرة من المحرك يبقى انقل عند 6500 RPM
ما بين الطريقة دى و دى صح برضة لكنها بتميل اكتر للناحية الرياضية عن الناحية الاقتصادية
MMamdouh
Many many thanks to your professional advices
I will keep you posted with the rate of the gas consumption I ve started to notice it .
Regards
انا صاحب العربية اللي بيتحسس عليها اللي بيقول عنها الاستاذ
مش عاجباني كلمة بتحسس دي. لاني مش بحب التحسيس
وعموما انك تحسس علي العربية ده كلام المانيوال اللي بيفهم اكتر من اي حد(من 2000 ل 3000)
انا وانا بلين عربيتي مكنتش برفع عن 3000 وفعلا سحب العربية مكنش كويس
بس يا سيد ممدوح السحب الضعيف طلع سببه بلي عجل مش كويس
و الحمد لله المشكلة اتحلت بدون (قلة تحسيس)
براحتك... دى عربيتك و طريقة سواقتك ترجعلك
و بعدين انت زعلان قوى ليه؟؟... انا اصلا قولت ان فيه عربيات كتير حصل ليها الموضوع دة... اشمعنى انت اللى زعلت من دون باقى ملاك العربيات؟؟؟؟؟... و انا اصلا لم اختص بذكر عربيتك فى اى حاجة ولا ذكرت شخصك من قريب ولا من بعيد... مش فاهمك انت قافش على الحياه ليه؟؟؟
تمت مناقشة الموضوع دة قبل كدة فى القسم التعليمى و قسم الورشة عدة مرات و سبق و جبت ادلة عملية على ان كلام المانيوال مش صح فى الحتة دىاقتباس:
وعموما انك تحسس علي العربية ده كلام المانيوال اللي بيفهم اكتر من اي حد(من 2000 ل 3000)
و على فكرة القيادة بين 2000 و 3000 مش تحسيس.. دى قيادة اقتصادية... و ينصح بيها لما تحب توفر بنزين قدر الامكان
التحسيس هو انك متزودش عن 80 و متشغلش تكييف ولا تطلع مطالع و خلافة.. و طالما انت بتستشهد بالمانيوال... هاتلى الحتة اللى اتقال فيها انك متجريش فوق 80 او متشغلش التكييف او متطلعش مطلع فى فترة التليين... من الواضح انك مقريتش المانيوال اصلا
يعنى انا مش جايب حاجة من عندىاقتباس:
انا وانا بلين عربيتي مكنتش برفع عن 3000 وفعلا سحب العربية مكنش كويس
ازاى بلى عجل ياثر على سحب العربية؟؟اقتباس:
بس يا سيد ممدوح السحب الضعيف طلع سببه بلي عجل مش كويس
معنى ان المشكلة اتحلت ان العربية رجعت طبيعية... ما هو زمن التسارع الحالى لعربيتك من صفر الى 100؟؟؟ و ما هى السرعة القصوى الحالية للعربية؟؟اقتباس:
و الحمد لله المشكلة اتحلت بدون (قلة تحسيس)
MMamdouh
1- طريقه ردك مش عاجباني (انا مش قافش علي الحياة) يا سيد.
2- وبردو مش عاجباني كلمة تحسس دي
3- مش معني انك محددتش حد يبقي محدش يرد ولا هو (حتي يتفرق دمه بين القبائل)؟ اعتبرني واحد من اللي مش بيحسسو!!!!!
4- مش فاهم ازاي تجيب ادلة عملية علي شيء منتهي اساسا؟ صانع السيارة هو ادري واحد بطريقة تشغيلها وطريقة صيانتها ولو كان في شيء غلط في المانيوال بتاعه كان هيبقي هو اول واحد يسارع بتغيير الخطأ ان تاكد حدوثه وده لضمان مصداقية شركة كبيرة زي دايو او جنرال موتورز . وانا شايف ان ادلتك العملية دي لا تغير من الموضوع في شيء
5- واضح اني قرات المانيوال كويس و واضح كمان انك اللي ما قرتهوش مش انا. المانيوال بيقول نقل الغيار بين 2000 و 3000 وانت قولت قبل كده في موضوع مشابه لابد من الحرق علي العربية لحد 6000 او اكتر علشان تفوق العربية اللي هو ""عكس المانيوال اصلا"" بيقي مين اللي ما قراش
6- بالنسبة للبلي ما تسالنيش يا اما تسال توكيل دايو ابو رواش يا اما تسال العربية نفسها.. المهم ان الفرق شاسع واسال مجرب ولا تسال طبيب مع اني فعلا سالت الطبيب اللي هو دايو
7- بالنسبة للسرعة القصوي فا انا لحظي كنت راجع من اسكندريه من 4 ايام وجبت بالعربية 175 وبعدها بصراحه خفت اني ازود فمعرفش ان كانت تجيب اكتر ولا لا؟ وبالنسبة للتسارع فمش عارف صراحة بس ها اقيس و ها ارد عليك
8- ده راي مع احترامي
9- كل سنة وانت طيب
طالما طريقة ردى مش عجباك... دخلت فى الحوار ليه من الاصل خصوصا انى موجهتش ليك كلام فى الاساس؟؟؟؟
و طالما انت مش قافش على الحياه ليه متضايق اوى كدة وواخد الموضوع على صدرك؟؟؟
طالما مش عاجباك داخل فى الحوار ليه اصلا؟؟... يعنى الموضوع مش عنك ولا انت كنت طرف فيه... فجاءة ظهرت فى الموضوع مش عاجبك التحسيس ولا عاجبك الكلام و لا عاجبك حاجة... هل دى مشكلتى انا؟؟؟اقتباس:
2- وبردو مش عاجباني كلمة تحسس دي
قبائل ايه و دم ايه؟؟؟؟.... و ترجع بعد كدة تزعل لما اقول انك قافش... طيب اذا مكنتش قافش يبقى رد فعلك دة سببة ايه؟؟؟؟اقتباس:
3- مش معني انك محددتش حد يبقي محدش يرد ولا هو (حتي يتفرق دمه بين القبائل)؟ اعتبرني واحد من اللي مش بيحسسو!!!!!
هو الموتور دة سر حربى عشان GM بس اللى تعرف طريقة تشغيلة؟؟؟ يعنى خريجى هندسة الميكانيكا مش عارفين المواتير بتشتغل ازاى؟؟؟ و الشهادة اللى واخدينها دى اونطة مثلا؟؟؟اقتباس:
4- مش فاهم ازاي تجيب ادلة عملية علي شيء منتهي اساسا؟ صانع السيارة هو ادري واحد بطريقة تشغيلها وطريقة صيانتها ولو كان في شيء غلط في المانيوال بتاعه كان هيبقي هو اول واحد يسارع بتغيير الخطأ ان تاكد حدوثه وده لضمان مصداقية شركة كبيرة زي دايو او جنرال موتورز . وانا شايف ان ادلتك العملية دي لا تغير من الموضوع في شيء
وواضح من كلامك انك مقرتش الموضوع فى الاساس بالتالى الجدال فى النقطة دى غير مجدى... اقراء الموضوع الاول (بفرض انك عارف نظرية عمل المحرك الرباعى الاشواط) و بعدها نبقى نتناقش فى مدى صحة الموضوع من عدمة و نناقش الادلة و البراهين على صحتة... لكن الجدل فى الوقت الحالى اشبة الحرث فى البحر
واضح انك مبتركذش فى اى حاجة انت بتقراءها لان انا سبق و قولت ان دى القيادة الاقتصادية فى المداخلة السابقة و حتلاقى مكتوب كدة فى الكتالوج و المعلومة دى فاتت منك هنا و فاتت منك فى الكتالوج... يبقى انا ذنبى ايه فى انك بتقع منك معلومات؟؟؟اقتباس:
5- واضح اني قرات المانيوال كويس و واضح كمان انك اللي ما قرتهوش مش انا. المانيوال بيقول نقل الغيار بين 2000 و 3000 وانت قولت قبل كده في موضوع مشابه لابد من الحرق علي العربية لحد 6000 او اكتر علشان تفوق العربية اللي هو ""عكس المانيوال اصلا"" بيقي مين اللي ما قراش
و على فكرة... انا مبقتش استشارى الدايو عشان سواد عيونى ولا شعرى المسبسب... انا بقيت مستشار عشان معلوماتى و خبرتى فى العربيات دى فا محاولة الجدال ان معلوماتى ناقصة مش حيوصلك لحاجة
معلومة صغيرة: اسال سمير عياد كدة اذا كان موضوع الحرق دة ضرورى عشان تفةويق العربية ولا لا... الا اذا كانت مش معترف بيه كا مهندس ميكانيكا هو كمان و شايف ان معلوماتة ضحلة و مقراش المانيول
و هما توكيل ابو رواش قران كريم؟؟؟ ما سهل اوى يقولوا لك اى هلس عشان يحسسوك انهم صلحوا العربية... هما يعنى الصنايعية اللى فى التوكيل من طينة تانية غير باقى صنايعية مصر؟؟اقتباس:
6- بالنسبة للبلي ما تسالنيش يا اما تسال توكيل دايو ابو رواش يا اما تسال العربية نفسها.. المهم ان الفرق شاسع واسال مجرب ولا تسال طبيب مع اني فعلا سالت الطبيب اللي هو دايو
و بعدين انا بسالك انت بما انك راجل ذو خبرة و علم بالسيارات و انا راجل على قدى... ازاى البلى ياثر على السحب؟؟؟ اصلا البلى المتاكل بيبقى فيه خلوص اكبر من المسموح بية و دة بيخفف حركتة و بيسبب صوت... يبقى من الطبيعى ان العربية اللى فيها بلى تجرى اكتر... الا اذا البلى مفيهوش شحم و سخن الى درجة القفش... و ساعتها الاكس حيتقطم و انا شوفت الواقعة دى بعينى فى الطريق
و انت بتقولى اسال مجرب ولا تسال طبيب... و رحت سالت الطبيب... مع ان انا المجرب فى عربيتين من سنة 1998 و مغير طقم بلى مرة فى كل عربية و عمر ما ضعف السحب كان من مظاهر تلف البلى
waiting for he test results.....اقتباس:
7- بالنسبة للسرعة القصوي فا انا لحظي كنت راجع من اسكندريه من 4 ايام وجبت بالعربية 175 وبعدها بصراحه خفت اني ازود فمعرفش ان كانت تجيب اكتر ولا لا؟ وبالنسبة للتسارع فمش عارف صراحة بس ها اقيس و ها ارد عليك
انا مازلت شايف انك منفعل زيادة عن اللزوم بدليل انك الوحيد اللى معجبوش الكلام بالرغم انى وصفت بكلمة "تحسيس" طريقة سواقة ناس كتير و محدش حس بان الكلامة جارحة و خارجة غيرك... الموضوع مش مستاهل كل دة اساسااقتباس:
8- ده راي مع احترامي
دة رايى مع احترامى
و انت طيب و رمضان كريماقتباس:
9- كل سنة وانت طيب
MMamdouh
كل سنه وأنتوا طيبين يارجاله
ورمضان كريم
والأختلاف فى وجهات النظر لا يفسد للود قضيه
كل واحد يقول رأيه ....وللقارىء الأخذ بالرأى الموافق لهواه
على فكره المفروض ده يبقى نظامنا فى أى موضوع
وأحنا داخلين المنتدى علشان كلنا نتعلم ونتعرف على كل مشاكل سيارتنا
مش علشان نختلف وندايق أنفسنا
سيداتي ساداتي ، ولاا بلاش سيداتي دي
كل سنة وإنتم باتم صحة ، وسعادة وسلام وأكرر وسلام ، إذا كانت لدي الصلاحيات سأقوم بحذف الموضوع الذي إقترحته لما سببه من لغط بين السادة الأعضاء ، القدامي منهم والحديثي العهد بالمنتدي ، المكان ده للتعليم يا جدعان من الخبرات والمعرفه وليس مجال للجدال أو طرح مبادرات توحيد الألفاظ والحياة أبسط من كده بكتير إحنا مش قاعدين في مجمع اللغة العربية بنصحح نسخة قرآن .
إحنا هنا بمستفيد وبنعرف ناس حلوه وياريت كل واحد من الأعضاء الكرام يقوم يجيب كوباية تمر هندي ساقع وهو قاعد معانا هنا علشان نبقي كويسين كده وإحنا بنكتب وكل عام وإنتم بخير
ويا عم محمد بيه يا ممدوح مش كل الناس زيك في حجم معلوماتك أنا عارف إن عندك كام طن معلومات في دماغك بالراحه علي الناس شوية :) :satelite:
:36_1_50[1]:وطبعاً علشان كله إنشغل في الجدال المطول محدش قالي أروح أدوش أمهم في التوكيل ولا لأ
يا سيدى يعلم ربنا عمرى ما اتنطت على حد بمعلومة لان المعلم دة هبة من ربنا سبحانة و تعالى و زى ما ادهالى ممكن ياخدها منى فى لحظة... و انا لا واخد العملية قفش ولا عافية... انا بتكلم فى موضوع عادى لقيت واحد طلع يقول انا بتاع العربية و مش عاجنى كلامك و حاجات غريبة كدة ملهاش معنى
MMamdouh
السلام عليكم
من حقي اعترض علي اي كلمة ما تعجبنيش ومن حقي اشارك في اي موضوع ومن حقي اقول اللي انا عاوزه طالما اني لم اتعدي علي احد ومش من حقك تقولي دخلت ليه في الموضوع. ولا هو المنتدي ملك لك؟
انا بردو مش فاقش ومش واخد الموضوع علي صدري وانا عموما هادي جدا ولا انفعل بس انت بتفهم كلامي بمزاجك
انا مش بتقع مني المعلومات وبركز كويس. انا مدرس في الجامعة وشغلي هو التركيز والمعلومات اللي(( مش بتقع مني ))
اعترض علي مسماك استشاري دايو ممكن يكون اسمك استشاري المنتدي بخصوص دايو انما اسشاري لدايو مرة واحده فبلاش منها.. ولا يهمني كم المعلومات الهائلة المتوافرة لديك والتي حرمني الله منها!!! وبعدين انت محسسني ليه اني بكلم نبي ؟ وليه ما اشككش في كلامك ؟ هو قران ؟ ده رايك اللي انت شايف انه بس اللي صح وباقي الناس كلامها مالهوش لازمة لانك انت بس اللي عارف..
لا دخل لك برايي عن المهندس سمير .. انا بحترم الراجل جدا والراجل عنده اطنان من المعلومات المفيده .. خليك في الموضوع وما تحاولش توقع بيني وبين الاعضاء.. وبما انك بتسشهد بالمهندس سمير فهو بنفسه قالي قبل كده ان البلي لو وحش هيخلي العربية عجوزة...اتفضل ادخل بقي في جدال معاه !!!!
http://www.nilemotors.net/Nile/85550-a-2.html
لا كلام دايو قران ولا كلامك قران.. بس الناس صلحو وانا جربت وشوفت النتيجة بنفسي... اول مرة اشوف واحد يقول التوكيل غلط وانا بس اللي صح علي طريقه (من النهارده مفيش توكيل)!!! ... علي فكرة انا كمان مش بحب التوكيل
انا مش عارف بما انك راجل واثق كده من نفسك ومن معلوماتك الغزيرة عن العظيمة دايو. ليه عمال تحاول تقلل من كلامي وعاوز تثبت اني راجل مش بفهم ؟ هو انا لازم اقول انك راجل بتفهم الكفت في عربيات دايو علشان اعجبك وابقي انا كمان بفهم؟ انا لا قولت اني خبير ولا قولت انك مش بتفهم حاجه . انا قولت (رايـــــــــــــــــــــ ــي )
انا كمان مجرب وغيرت البلي ولقيت في تحسن. المشكلة عندي انــــــا والتحسن انــــــا اللي ملاحظه. يعني تكون المشكلة اتحلت فعلا وانت شايفها ما اتحلتش علشان الاعتراض علي كلامي وخلاص؟؟!!
لا يصح ان يكون اساس تعاملك مع الاعضاء هو معلوماتك الغزيرة ومعلومات الاعضاء المتدنية...
ارجو المعذرة من السادة الاعضاء الكرام بسبب التطويل . ولن من حقي انا اقول رايي طالما انه في حدود الادب وليس من حق اي شخص ان يمنعني من المشاركة ولكم جزيل الشكر
هو فى ايه
يا حاج احمد اهدى شويه كده و اقعد فى حته هاديه علشان تقدر تركز فى كلامك
............................................*
------------------------------------------------
تحذير للعضو لمخالفة القاعدة 13
قال رسول الله صلى الله عليه وسلم : ( أنا زعيمٌ ببيت في ربض الجنة لمن ترك المراء وإن كان محقاً وبيتٍ في وسط الجنة لمن ترك الكذب وإن كان مازحاً وبيت في أعلى الجنة لمن حسن خلقه). [صحيح أبي داود : 4015]
(والزعيم : هو الضامن، وربض الجنة : ما حولها، و المراء : هو الجدال)
فقد ضمن النبي صلى الله عليه وسلم بيتاً في ربض الجنة لمن ترك الجدال وإن كان الحق معه، وبيتاً في وسط الجنة لمن ترك الكذب وإن كان مازحاً، فالنبي صلى الله عليه وسلم كان يمزح أحياناً وما يقول إلا الصدق، وضمن النبي بيتاً في أعلى الجنة لمن حسن خلقه، فطوبي لمن حسن خلقه.
اسمحلي اقول راي يا استاذ احمد
1- طبعاً من حقك تعترض وكل حاجه بس انا (رأيي) مش شايف في كلام محمد ممدوح حاجه اي حد ممكن يعترض عليها والدليل على كلامي انك الوحيد الى معجبش كلامه وممكن باقي الأعضاء يقولو برضه رايهم في النقطة ديه
2- المنتدى مش ملك له ولا حاجه بس حاجه غريبة جدا ان حضرتك الوحيد من ضمن الاف الأعضاء في المنتدى ال اعترضت على كلامه وده سببه من وجهة نظرى الشخصية هو انك متعرفش مين هو محمد ممدوح متعرفش هو قد ايه خدم ناس وافاد ناس والدليل مش من عندى الدليل من المنتدى اقرا حضرتك مواضيعه ومشاركاته الأول عشان تعرف انتا بتكلم مين وكمان حضرتك بقالك معانا في المنتدى حوالى 10 ايام عملت فيهم 12 مشاركه بس تبقى عارف سمير عياد وعارف الناس كلها ومش عارف محمد ممدوح مش غريبة شويه ديه
3-بالنسبة لموضوع استشارى قسم الدايو هو اكتر واحد في المنتدى يستحقها (راي الشخصي) لآنه فعلا فعلا فاهم العربية بالملى عارفها بالمسمار والدليل التعديلات المدروسه الى عملها في عربيته والى لاقت نجاح مبهر وحلت مشاكل مزمنة في العربية يعني كتر خيره الراجل عدلنا الفرامل وساهم في المحافظة على ارواح ناس ممكن تضيع بسبب ضعف فرامل العربية الأصلية
4- وبالنسبة لموضوع التوكيل حضرتك سمعه التوكيلات معروفة ومش محتاجه كلام ولا جدال وطبعا الصنايعية الى عندهم بني ادمين عاديين خالص
5- اما موضوع التشكيك في كلامك الراجل ولا شكك ولا حاجه هو قال رايه عادي بس فعلا حضرتك الى شادد شويه (راي الشخصي انا كمان)
6- واخيرا الراجل كلامه مش قران ولا حاجه عاوز تاخد بيه خد مش عاوز متاخدش بس ياريت قبل ما ترد او تكتب اى كلمة تقرا مواضيع محمد ومشاركاته وديه حاجه ممكن تاخد منك حوالى اسبوع او اكتر شويه عشان تعرف الأنسان الى بتتكلم معاه اكتر قبل ما تخش في جدال واتهامات
انا شخصيا عملت كده اول ما انضميت للمنتدى واول مشاركة ليا في المنتدى كانت بعد 4 شهور تقريبا لما كنت قريت اغلب المواضيع الى في المنتدلا وكمان عرفت الأعضاء عشان اكون عارف انا بتكلم ازاى وبتكلم مع مين الموضوع مش كلام بيتكتب وخلاص ديه امانه ومعلومات الناس كلها بتشوفها
ياريت تتقبل كلامي بصدر رحب
وكل سنة وانت طيب
ورمضان كريم
الأخ الزميل الفاضل :
الصراحه عن نفسى غير راضى تماما
على أسلوب الحوار بهذا الشكل
تم غلق الموضوع لحين أتخاذ القرار المناسب
من جهة أدارة المنتدى نحو هذا الأسلوب الغير لائق فى التحاور
فيما بين الأعضاء ...وأيضا تدخل بعض الأعضاء
فى سياسات لاتخصهم وليس لهم الحق فى التحدث عنها
ألا وهى سياسات نايل موتورز
مشرف القسم