لية محدش جاب سيرة الدايو ليجانزا اسمع انها عربية كويسة
ولو حد يعرف حاجة عنها ياريت يقول اعتقد انها عربية قوية وتستحمل السفر
عرض للطباعة
لية محدش جاب سيرة الدايو ليجانزا اسمع انها عربية كويسة
ولو حد يعرف حاجة عنها ياريت يقول اعتقد انها عربية قوية وتستحمل السفر
فعلا هيا عربية كويسة بس اعتقد ان قطع غيارها مش متوفرة
مين قالك كدة انا اسمع ان قطع غيارها متوافرة ورخيصة
يا جماعة انا محتاج راى الجميع فى الكلام اللى بقوله
هاهاهاها ا أنا كامن ومعية بيردوا 45000 بس أنا عجبني
رينو كليو 2005
! بس مش عرف إيه نظام قطاع الغيار ??? حد يعرف من فضلكم يساعد
الاختيار التاني بقى يا فرنا يا نيبرة
( أنا بكرهم بس الشعب المصري كله بيحبهم)
و على راي واحد صاحبي متشغلش دمغك يا بيني في البلد دي امشي مع السوق
Mansakish ba clio mn na7yet el as3aar l2nha naar wa bel nasba lel verna wala nubira nubira 3ala tool 3arbya 7elwa 3la fekra gedan bs hatha manual
يعنى النوبيرا افضل من فيكترا 97
اعتقد ان السيفيا نمرة واحد فى السعر دة
شكرا جزيلا يا احلى اعضاء
يا جماعة هو عدد المشاركات لية ما بقاش يطلع لية
حيروك الاعضاء الله يكون في عونك
هو انا اتشتت شوية بس هم قالولى عربيات مكنتشى فى بالى ووسعولى دايرة البحث
nubira will be good for you
ليه محدش قال كورولا 96 لانى ناوى اشتريها ان شاء الله
هى فعلا عربية حلوة اووى وممتازة وانا بفكر فيها
ياااااه نفس لحيره برده ....
انا بقي دماغي فيي الهوندا سيفيك 92-95 بس لقيت واحد بيقول انها ممكن بعد سنتين تدخل الاحلال ؟؟؟ طيب ايه الحل الان انتحر هههههههههه لا و ايه كنت كمان بفكر في ال e30 بي ام هههههههه المهم هي المعلومه دي اكيده ؟؟
طيب الموديل الاجدد منها يبدا من 60 الف يعني مشكله للميزانيه
هى الهوندا سيفيك عربية حلوة اوووى بس مشكلتها انها واطية وطبعا مت تنفعشى مع المطبات بتاعت بلادنا الحلوة
واطيه واطيه مش مهم مش هي دي المشكله المشكله بالنسبه لي في موضوع الاحلال ده باختصار ان موديلها قديم بس كده
لانوس وبروتون ويرا احسن اتنان
بص يا استاذ طارق انا حقولك رأيي الشخصي انا عملت حاجه شبه الي انت بتعملو دلوقتي من مده و شوفت كل عربيه ممكن تتجاب في الرينج ده تقريبا و اكتشفت ان الوحيده الي تنفع بجد هيا الكريستاله glx عشان قطع غيارها فكل مكان و في الاصلي و التايواني و الصيني و غيرو و رخيصه, أي ميكانيكي يقدر يشتغل فيها و ادائها جيد جدا و عيبها الوحيد ارتفاعها القليل و ده له حلول فعاله جدا بدون مصاريف ولا تغير حاجه فالعربيه يقلل من امكانيتها, و اهم من كل ده عمرها محتوديك للميكانيكي غصب عنك و إعادة بيعها ممتازه, فأنا نصيحتي ليك العربيه دي و ربنا يوفقك للأحسن
شكرا يا استاذ slimbig وكل واحد شارك فى الموضوع
قريبا ان شاء الله انا ناوي اشتري عربية لوالدتي في نفس الحدود ....والله مش هتلاقي احسن من نوبيرا كموتور واداء وموديل حديث وسعر اعادة بيع وقطع غيار و شكل شيك
انا العربية دي مع واحد صاحبي كان بيشد معايا على 200 وهو مركب 6 وانا مركب 6 انا نيسان صني سوبر صالون وعايز اقولك اني عديته بالعافية ....وغير كده العربية ثباتها عالي ......بس انا بصراحة مستني شوية لما اشوف حوار تخفيض الجمارك في شهر 1 اكيد هينزل الاسعار شوية لو اتنفذ .....وربنا يرزقك عربية كويسة ان شاء الله
امين يارب بس انا لما دخلت منتدى الدايو قالولى ان النوبيرا فيها عيبين 1 العفشة مش حلو ومحتاجة تظبيط على طوول 2 صاج الرفارف ضعيف اوووى
كل ده انا فكرت فيه لان نفس المبلغ كان معايا و لفيت و ركبته كل ده و ثبت انه ورق لكن الحمد لله اشتريت اوبل استرا موديل 2000 1200 سى سى بـ 48 ألف جنيه عداد 86000 و قوه جباره و موتور اوبل 2 كامه اقصى سرعه جربتها بها 180 كيلو فابريكه دواخل و خوارج ماعدا اكصدامات و باب يمين ورا(حكه) ,, ثبات خرافى مع نعومه فى الاداء و قطع غيار الموديل ده بالذات مش غاليه لأن معظم اكسسواراتها الخارجيه فيبو كورى يعنى فانوس ورا 180 و فانوس امامى 250 الاكصدام 240 و حاجات زى دى و معايا بقالها سنه و بسم الله ماشاء الله زى الفل و انصح الاخ صاحب الموضوع بواحده بس يتاكد من الحاله قبل الشراء و انا تحت امره فى اى مساعده
يا أخي والله لو سألت اي حد في السوق هتلائي 90% بيقولك أكيد لانسر الكريستاله عربيه فوق الممتازه قطع غيار رخيصه وماطور 1300cc مع الكريستاله بيكون زي الفل
العربيه دي عن تجربه كانت مع اثنين من أقاربي كانوا بيشكروا فيهه جدا
واما تيجي تبعهه ان شاء الله مش هتخسر فيهه ابدا وهتتباع بسرعه جدا جدا
وفي الاخر استخير ربنا وان شاء الله يوفقك للاحسن
بالنسبه لشهر واحد متهيألي والله أعلم ان اسعار العربيات مش هتنزل بالقدر اللي انته متخيله يعني مش حاجه تستاهل لان التخفيض الجمركي هيكون علي العربيات اللي نزله من اوروبا وهيكون 10% من قيمة الجمارك المفروضه علي العربيه يعني مثلا ال 1600CC الجمارك عليهه 40 % اما تنزل 10 % منها هتكون الجمارك المفروضه عليهه 36%
ومتهيألي الموضوع ده هيفضل لغاية
2019 يعني الموضوع متهيألي مش هيأثر في العربيات القادمه من اسيا:w6266d
متشكر على الهتمام وانا استفدت من كل واحد شارك فى الوضوع