محتاج رايكوم ضرورى انا عايز اعرف ما هى افضل عربية فى حدود 45000 الف جنية تكون فيها كماليات وتكون ثا بتة وقطع غيارها متوفرة وشكرا لجهودكم:3mla:
عرض للطباعة
محتاج رايكوم ضرورى انا عايز اعرف ما هى افضل عربية فى حدود 45000 الف جنية تكون فيها كماليات وتكون ثا بتة وقطع غيارها متوفرة وشكرا لجهودكم:3mla:
طبعا لو علي الثبات و الأداء و الكماليات كمان بروتون ويرا لكن قطع الغيار قليلة شوية
يجي بعدها هيونداي اكسنت و دايو لانوس 1 و كمان كيا ريو و كيا سبكترا و سيفيا
طبعا هيكون في اختلافات بسيطة في الاسعار
النوبيرا اعتقد فى الرينج ده
انت لو زودت شويه هتدخل فى فئه اعلى بكتير
1- دايو نوبيرا مانيول طبعا
2- كيا سبكترا
متشكر على الاهتمام ومستنى مزيد من الردود طيب والفيكترا
أرشح لك دايو نوبيرا 2 من اول موديل 2000
عربية 1600 سى سى
صالون فخم
كماليات كتير
بس خلى بالك اهم عيوبها
العفشة عاوزه صيانه دورية
وصاجها مش اى سمكرى يلعب فيه
غير كده العربية ممتاااااااااااازة
والله اعلم
انا بدور فى نفس الحدود بردو و محتار حيرة ما بعدها حيرة و هاحيرك معايا بقى طالما انت عايز تحتار
بص يا سيدى
عندك
1- هوندا سيفيك من 92 الى 95 (ex او si ) ودى 1500 كربراتير او 1600 انجكشن كاملة اوتوماتيك
2- اوبل فكترا 96 ال 2000 سى سى اوتوماتيك
3- لانسر كريستالة اواخر التسعينات
4- الدايو لانوس و الجوليت موديلات اول ال 2000
5- الاهيونداى اكسنت موديلات اول ال 2000
6- نوبيرا 2003- 2004
7- كيا ريو بردو 2003 - 2004
8- كيا سيفيا اواخر التسعينات
9- سبكترا اول ال 2000
10- سكودا فابيا 2003
11- فيات سينا او بونتو 2002 و 2003
12- فيات برافا
13- سيات ابيزا 2001-2002
14- بولو 2001
15- كريسلر نيون اواخر التسعينات
انا كده حطيتلك الحيرة اللى عندى كلها
بس انا حاططهم بترتيب الراحه النفسية بالنسبالى
و بعدين بقى اللى يحير اكتر
انك مثلا تقول هوندا سيفيك و دى فعلا عربية جميلة تلاقى حد بيقولك بس الموديل قديم و ممكن بعد سنتين تدخل فى الاحلال
تقول الفكترا يقولك بس السى سى عالى
تقول مثلا الفابيا يقولك قطع الغيار و اعادة البيع
و طبعا اللانوس و الفيرنا عربيات مش اعتمادية
و هكذا بقى لحد متلاقى العربيات كلها وحشة و زى الزفت و تجيب فى الاخر موتوسيكل صينى :)
بس عموما انا بالفعل بدور على سيفيك و اللى يجرى يجرى و لو حتى فى احلال فانا عايز اركبها و لو سنتين
اه معاك البونتو عربيه كويسه جدا
ولا يعيبها سواى سعر قطع الغيار
لكن قطع غيارها معمره وهيا سياره قليله الاعطال
عندى مو 2000 وتقريبا فى حدود 40,000
اتكل على الله
وربنا يوقعك فى عربيه كويسه ويكفيك شر المستعمل المضروب
متشكر على اهتمامكم والردود الحلوة دى ويا fouady اركب العربية الى تلقيها مريحاك وبلاش الاحباط الى انت فية
بص يا جميل كل الموديلات الى الاخوه ئالو عليها كويسه بس دا حسب انتا عاوز ايه يعنى لو انتا عاوز تجرى و تشد مفيش غير السيفك او الجولف 3 لو انتا عاوز حاجه محترمه ممكن تزود كمان 5 و تشترى فيكترا موديل 97 او 98 و هتكون حالتها كويسه جدا لانها سعرها نزل و متسعش كلام الى يؤلك ان قطع الغيار غاليه اما لو انتا بتفكر انك يكون عندك حاجه اقتصاديه و اسعار القطع بتاعتها رخيصه ممكن الدايو لانوس او حتى فيرنا تكون موديل2005 على فكره انتا من الافضل يعنى تجيب عربيه موديلها عالى فوء 2000 ولو بتفكر كده ممكن باه تختار بين موديلين من دو يا أما بيجو 206 ممتازه و اقتصاديه على الرغم من ان المحرك 1200 او 1400 بس بتجيس سرعه برده يعنى أول 170 كلم او تاخد رينو كليو نفس الاداء و نفس سعه المحركات على فكره انا برده تأريبا فى الحيره دى لانى عاوز اشترى بس فى عربيتين مش ممكن اشتريهم الاكسنت و الدايو و الصراحه نفسى فى الاوبل ملهاش حل من حيث الحجم و الشكل و ممكن تجيب 2000سى سى بنفس السعر الى اولتلك عليه50 الف يعنى و دى فيها موتور اسمه ايكو تك حوالى 140 حصان و 4 ديسك بريك وممكن عجله قياده مالتى و اى تظبيط بيبان عليها وعلى العموم ابأ عرفنى انتا قرارق ايه بس فكر فى الاوبل اخوك محمد عاطف
شكرا يا محمد يا عاطف ويا لانسر ايفوليوشن انا نفسى فى فيكترت كوديل 1997 1600سىسى تكون نضيفة تعمل 45000
لانوس
اعتقد رينو كليو موديل 2005 1400 سي سي فى الحدود دى وعربيه كويسه واقتصاديه وقطع غيار متوفرة
انا كمان استقريت فى الاخر على الاوبل فيكترا يا باشا
يالا بقى نبدأ رحلة البحث سوا
و ربنا يوفقك فى حاجه كويسة ان شاء الله
Skoda Fabia 1400 CC is a great choice and a very good value for money
امل اشترى اية يا عصام
متشكر على الردود الحلوة دى وعلى اهتمامكم يا احلى اعضاء
لانسر كريستالة و انت مغمض
بص ياباشا العريبات اللي هقولهالك دي اعتماديه جدا جدا وقطع غيارها مش غاليه وجميع الكماليات
لانسر كريستاله او كرولا عيون اوبيجو 405 موديل من 94الي96
علي فكره انا كنت في حيرتك وجربت كل العربيات دي من لانوس-فيرنا -نوبيرا-فيكترا -اكسنت-405
ما ارتحتش غير في ال 405 واديني بدور علي حاله نضيفه وخلي بالك انت بتدور علي حاله مش سعر
باشا معلش انا عايز اقولك راى واحد ركب فيكترا وركب لانسر كريستاله
- الانسر لا يوجد بيها اى عيوب نهائيا لو انت مش بتسافر كتير عربيه فوق فوق الممتازه قعدت معايا حوالى 3 سنين مشتكتش من اى حاجه وتقريبا كل اللى صرفته عليها ( 4 فرد كاوتيش - وصيانه كربرتير )
--الفكترا اللى كانت معايا كانت 2000 سى سى 1997
عربيه فوق المحترمه بكتير بس عايزه دخل شهرى لوحدها واى حد بيقولك ان قطع غيار الفيكتر مش غاليه قوله هو بكام حساس الهواء مثلا
العربيه دى حلوه قوى قوى قوى قوى قوى قوى بس غاليه موووووووووووووووووووووووو ت مش غاليه فى ثمن الشراء بس غاليه جدا جدا جدا جدا فى قطع الغيار
على فكره حساس الهواء ب 1800 جنيه
ياجماعة انا مش عارف اشكركم ازااااااااااااااااااااااا ااااااااااااااااااااااااا ى
اعضاء نايل موتورز احلى اعضاء
هو لية محدش جاب سيرة اوبل فيكترا موديل 97 1600سىسى مانيوال
#ff0000
الفيكترا طبعاً ألمانى و محدش يقدر يقول فى حقها أى كلمة وحشة , بس الناس بتخاف منها عشان أسعار قطع الغيار وبالذات أن بينزل قطع غيار تقليد كتير .
النوبيرا كويسة مش وحشة وقطع غيارها حنينة و تكيفها لو مظبوط بيبقى كويس جداً .
لو دى حتبقى أول عربية ليك يبقى خليك فى النوبيرا
لا مش اول عربية انا نفسى فى عربية يكون ماتورها قوى مانيوال سحبها عالى وثابتة على الطريق
اوبل فيكترا 98 , كورسا 2005
هوندا سيفك 97 lxi
تويوتا كورولا مو 99 او 2000
لانسر مو 2001
ارشحلك الكيا سيفيا او الكيا اسبكترا لانها سيارات في منتهي الاتساع و الموتور قوي جدا و بها اغلب الكماليات و شكلها حديث و قيم جدا و قطع غيارها عاديه زي اغلب الكوري و الكلام ده عن تجربه انا لسه بايع سيفيا 2001 كانت زي الفل بس علشان كنت محتاج فلوسها و الحمدلله ربنا كرمني و جبت لانسر شارك
متشكر لكل واحد ساهم فى الموضوع
CARS Mowaferah 1)Nubera
2)PUNTO
ملكش دعوه بالاسعار الى على النتاقتباس:
do you think we can but these models for 45000!!!!
انزل السوق و شوف بعينك