الموضوع: iهل صحيح ما يقال عا ان chevrolet lanus ليست جيده مثل Daweoo

ناس كتير بتقول ان chevrolet lanus بدات خاماتها و جودتها فى الانخفاض عن مثيلاتها
daweo lanus 1 and 2
و كمان ان لانوس 1 أحسن من 2
iهل ده صحيح أم لا
ارجو المساعدة بخصوص شراع لانوس من شيفروليه

اي مصنع للسيارت مصري سواء كان ابو الفتوح او ام الفتوح يتبعون اسلوب واحد في الصناعة المحلية وهو:
المرحلة الاولي ا-لسنة الاولي والثانية للانتاج - خبراء اجانب علي خطوط التجميع ومكونات مطابقة للمواصفات من الدولة الام صاحبة العلامة ،النتيجة - الهبل الي هما احنا ينبسطوا جدا من المنتج ويشكرو كتير فيه ويروجوا له في كل مناسبة

المرحلة الثانية - السنتين الثالثة والرابعة - متشكرين جدا للخبراء الاجانب احنا بنفهم اكتر منهم ، يتم استيراد مكونات السيارة من دول اخري ولكن مستوي الجودة مقبول وسعر المنتج يزيد جدا بسبب السمعة الجيدة من المرحلة الاولي مع بعض الشكاوي الضعيفة من بعض المستهليكن الواعيين يتم استعابها بسهولة- النتيجة هي مرحلة عدم التصديق ويحدث صراع بين الي اتضحك عليهم ودول قلة موسوسة تحاول ان توقف مسيرة الصناعة الوطنية ومحدش بيسمع لهم

المرحلة الثالثة - اخر سنتين لانتاج السيارة او المنتج المحلي- وداعا للمكونات الاصلية المكونات يتم استيرادها من اي صفيحة زبالة صناعية (الصين، الهند، البرازيل، اوروبا الشرقية) ويشترط ان تكون باقل تكلفة وباسوأ حالة (زي ما يكونوا عايزين ينتقموا مننا) ومبروك علي الزباين الي انا واحد منهم

ملحوظة : هذا هو اسلوب الانتاج المتبع في مصر بدون مبالغة وبناء علي معلومات قد توفرت لي بطريق الصدفة من احد العاملين بشركة امريكية تجمع السيارات في مصر اما بقي الشركة التانية الي انا اقصدها دي عرفتها لوحدي بعد ما اشتريت عربيتهم في اخر ايام تجميعها قبل ما تروح الماركة للشركة الامريكية ،وطبعا انا ما أقصدش شركة بعينها انا اقصدهم كلهم