عاوز معلومات عن cbr 250 fire

**fiter_f22** · 11-09-2009 12:01 AM

السلام عليكم جميعاً أهل المنتدى الكرام

أولاً أحب أشكر كل من شارك فى هذا المنتد الرائع لما قدمة من معلومات قيمة وجذاكم الله كل خير وجعلة فى ميزان حسناتكم .

ثانياً أنا أنشاء الله ناوى أجيب CBR 250 FIRE وكنت عاوز أعرف شوية معلومات بخصوصة

1- أول حاجة أنا مش من القاهرة (من المحلة ) فلو جبت من القاهرة حقدر أمشى بيه لحد المحلة بدون ترخيص لحد ما أرخصة وأيه النظام ؟؟
2- كنت سمعت أنى لو رخصت خاصة CBR 250 FIRE بيتم تقليل قوة الموتور أو بيلعبوا فى حاجة تقلل قوتة من قبل المرور فهل هذا صحيح ؟؟
3- هل ترخيصة سهل ولا متعب ؟؟
4- أنا لما دخلت على موقع HONDA CBR ملقيتش 250 & 400 فهل تم إيقاف أنتاجهم ؟؟
5- ما هو أفضل موديل تنصحونى بيه مثلا 98 - 99 - 2000 خاصة أنى عاوزة جديد مش قديم بس ميكونش معدى 2000 علشان سعرة ؟؟
6- ما هو أفضل بنزين له 90 ولا 92 ولا 95 ؟؟

كفاية كده أحسن تقولوا عليا طماع
بس أنتوا عرفين الجديد أعمى ولو كان بصير
وأكون شاكر لكم على تقديم الأجابات .

**star_is_mesho** · 11-09-2009 05:18 AM

السلام عليكم
اول حاجه لازم ترخص عشان المكنه من غير نمر شبهه
انت تشتريه من المعرض وتحمله على نص نقل
وتستنى الورق بتاعه لما يجيلك
بياخدله شهر
الترخيص سهل وما حدش بيلعبلك فى الموتسيكل
المهم ال250 وقف لحد 98
من 90 ل 98 نفس الموتسيكل
بس بيغيرو فى الالوان
المكنه تعملها 17 الف
وبتكون ماشيه 20 الف موديل 92 الى 94
بتغيرلها زيت ككالتكس او تعاون سوبر ب 45 جنيه كل 1000 كيلو
وببتمون 90 لان ال 92 حامي على المكنه وبيطير

انا معايا 250 فاير افراج لسسا ما علقتش نمر
يعنى مش بافتي

**fiter_f22** · 11-09-2009 07:44 AM

ألف شكر أخى الكريم على الأجابات الجميلة وجذاك الله كل خير و عقبال ما تطلع الرخصة بأذن الله
وخاصة أنى كنت قلقان بخصوص تقليل قوة المكنة خاصة الفير

طيب ممكن أجد موديل 98 ولا حيكون صعب خاصة أنى عاوزها تكون جديدة علشان تستحمل تفضل معايا فترة ومتبقاش كل يوم عند الميكانيكى

وترشحلى أجيبها من عند مين ؟؟
وشكراً مرة أخرى

**chekoo87** · 11-09-2009 04:03 PM

المشاركة الأصلية كتبت بواسطة star_is_mesho

السلام عليكم
اول حاجه لازم ترخص عشان المكنه من غير نمر شبهه
انت تشتريه من المعرض وتحمله على نص نقل
وتستنى الورق بتاعه لما يجيلك
بياخدله شهر
الترخيص سهل وما حدش بيلعبلك فى الموتسيكل
المهم ال250 وقف لحد 98
من 90 ل 98 نفس الموتسيكل
بس بيغيرو فى الالوان
المكنه تعملها 17 الف
وبتكون ماشيه 20 الف موديل 92 الى 94
بتغيرلها زيت ككالتكس او تعاون سوبر ب 45 جنيه كل 1000 كيلو
وببتمون 90 لان ال 92 حامي على المكنه وبيطير

انا معايا 250 فاير افراج لسسا ما علقتش نمر
يعنى مش بافتي

على فكرة الراجل دة بيتكلم صح وربنا بجد يستر طريقة ويكرمة
انا كمان معايا 250 بس مش فاير بصراحة ولسة سبحان الله شارية امبارح
هههههههههههههههه
وبجد استفادت كتير وربنا يوفقنا جميعاااا
بس عايز اقولك حاجة هو السعر بس اللى غالى شووية
انا من بورسعيد والمكن عندنا نزل الــ250 استعمال الخارج على 14 و 15 كماااان
دى للمعلومة وانا الحمد ربنا كرمنى فى مكنة حلوة ربنا يستر طريقى فيها
بس لو تقدر مترخص وتمشى بيها كدة فى بيعها بتبقة حلوة فى السعر
انا بسمع بيقولوا المكنة لما بتترخص بينزل ثمنها من 2 الى 2.5
والله ورسوله اعلم

اللون الأحمر مخصص للمشاركات الإدارية
شكرا
مشرف عام .4

**fiter_f22** · 11-09-2009 06:01 PM

شكرا شيكوا على المداخلة وألف مبروك على المكنة الجديدة وربنا يبركلك فيها ويكفيك شرها وشر عيون الناس

بس مش حينفع أسيبها بدون ترخيص علشان أنا بتزل تقريباً كل يوم القاهرة وأنا من المحلة يعنى بمر على مرور كتير فى الطريق وومكن فعلا أبقى شبه

طيب ليه سعر المكنة ينزل فى البيع لو مترخصة بالعكس المترخص بيكون أفضل ويريح المشترى من حوار الترخيص ده

**star_is_mesho** · 11-09-2009 07:03 PM

كل سنه وانتم طيبين
ربنا يباركلك فيها يا شيكو
وخللي بالك ما تسخنش مع الشباب هناك
انا رحت بورسعيد كذا مره والشباب مجانين سواقه وكله معاه هوندا وفاكر الطريق ليه لواحده
فخلي بالك
المهم بالنسبه للسعر
انا كنت عندك فى بور سعيد فى شهر 6 وكانت العادع 250 ب14
انا بقول له الفاير ب 17
وده توبها تقريبا
وربنا يفق الجميع
رمضان كريم

**fiter_f22** · 12-09-2009 11:56 PM

طيب ممكن أجد موديل 98 ولا حيكون صعب خاصة أنى عاوزها تكون جديدة علشان تستحمل تفضل معايا فترة ومتبقاش كل يوم عند الميكانيكى

وترشحلى أجيبها من عند مين ؟؟ ولا لازم اشوف عند أكتر من واحد .

**magna** · 13-09-2009 12:06 AM

شكلك ضايع اوي في الموتوسيكلات

موديل ايه الي 98 عشان تبقى جديده مش بالموديل متبقاش ذكي اوي

ما ممكن تكون موديل 98 ومتورها في الضياع وممكن تكون موديل 90 ومتورها نضيف

دور على الي متورها وشاسيه وكهربتاها مفهاش مشكلها مش الموديل لانها نفس الشكل

وحكاية تروح لميكانيكي فا انت ممكن تروح لانها مش زيرو طبعا ومع الوقت في حجات بتبقى عايزه تتبدل

هاتها من الوسيط او اي حد عايز يبيع بلاش من معرض عشان السعر ولو لقيت حبقى اقولك

سلام

الموضوع: عاوز معلومات عن cbr 250 fire

LinkBack

أدوات الموضوع

عرض

المواضيع المتشابهه

عاوز honda 400 fire زى دى !!!!!!!!!!!

عاوز معلومات عن هامرh1

عاوز أعرف سعر CBR 250 Fire

عاوز معلومات عن Bmw 635 Csi

الكلمات الدلالية لهذا الموضوع

المفضلات

المفضلات

ضوابط المشاركة