ما هو أحسن مكان في مصر ( توكيل او مركز معتمد ) لصيانة الهيونداي؟؟؟؟

**shebnez** · 11-09-2009 01:26 AM

يا جماعه انا قريييييت كتير و شفت كمان كتييييير و احترت خلاص ، اولا انا معايا فيرنا اتوماتيك 2007 فول اوبشنز ، المشكله انه ناس تقول ابو رواش احسن من المراكز المعتمده عشان ده التوكيل و ناس تانيه جربت توكيل ابورواش و اتعذبت منه ، انا عن نفسي مجربتش اعمل صيانه كامله للعربيه انا كنت مقضيها مراكز بس الحمد لله كانت اكبر حاجه صلحتها هيه الفرامل كان تغيير تيل عادي ، لكن اللي مخليني مهتم المره دي اني حاعمل صيانه كامله بما فيها سمكره و رش للعربيه و تربيط عفشه و حاجات تانيه كتيير انا معرفهاش لسه و ربنا يستر ، فأرجوكم تردوا عليا بخبرتكم في المراكز و ورش التوكيل المختلفه في مصر ...... و أكون شاكر ليييكم جميعا

**sss2000** · 12-09-2009 11:55 AM

لو سمكرة ودوكو ابعد عن مراكز الخدمة والتوكيل لانهم هيدفعوك دم قلبك في ورش وصنيعية احسن من التوكيل وسعرهم حنين

**Amrrr** · 12-09-2009 05:14 PM

غبور - ابو رواش

**shebnez** · 12-09-2009 07:01 PM

الاخ sss2000 مشكور على نصيحتك بس تعرف مركز او ورشه كويس ، هوه انا فعلا حاعمل سمكره و دوكو

**shebnez** · 12-09-2009 07:06 PM

غبور - ابورواش سمعت كلام كتيييير ميبسطش الصراحه ده الا اذا كنت رايح بحجز و اعرف حد هناك ممكن الموضوع يختلف هنا بس العامل المشترك في جميع الحالات اللي شفتها سواء بحجز او من غير حجز هوه طوووول وقت الانتظار ، في ناس كتير ممجمعه على ضرورة استخدام سياسة الصوت العالي و الطريقه دي انا مبحبزهاش

لكن مشكووور جدا على رأيك

**rov** · 12-09-2009 08:15 PM

انا عاوز حد ينصحني علي ايملي ويقولي ايه احسن مكان لشراء عربيه في الاسكندريه
وايه احسن مكان للصيانه في الاسكندريه
ايميلي
eng_mohamed555@hotmail.com
وشكرا

**sss2000** · 13-09-2009 01:38 PM

المشاركة الأصلية كتبت بواسطة shebnez

الاخ sss2000 مشكور على نصيحتك بس تعرف مركز او ورشه كويس ، هوه انا فعلا حاعمل سمكره و دوكو

الحرفيين افضل مكان تسأل فية وعلي فكرة لو عندك استعداد تروح المنصورة فية هناك اساتذة في السمكرة والدوكو وباسعار هايلة

**Amrrr** · 13-09-2009 01:51 PM

المشاركة الأصلية كتبت بواسطة shebnez

غبور - ابورواش سمعت كلام كتيييير ميبسطش الصراحه ده الا اذا كنت رايح بحجز و اعرف حد هناك ممكن الموضوع يختلف هنا بس العامل المشترك في جميع الحالات اللي شفتها سواء بحجز او من غير حجز هوه طوووول وقت الانتظار ، في ناس كتير ممجمعه على ضرورة استخدام سياسة الصوت العالي و الطريقه دي انا مبحبزهاش

لكن مشكووور جدا على رأيك

العفو ياباشا على ايه !!! اذا كنت تقصدني انا

طوووووول الانتظار - معاك حق
لازم تحجز - معاك حق - مش عارف الهياكل ( السمكرة ولادوكو بيتهيألي من غير حجز الحجز في الصيانة الدورية بس وبيبقى مفيد اوي انك تحجز قبل ماتروح)
صوت عالي وفلوس جوة من تحت لتحت ومعرفة جوة - مفيش الكلام دا - عن تجارب طبعا لو تعرف حد هيظبطك بس انا معرفشي حد وماكنتش محتاج للموضوع دا
بس في الآخر بتاخد شغل نظيف