حد عنده المشكله دى فى c class w204

**_Khaled_** · 11-09-2009 04:28 AM

كنت عايز اسأل حد عنده المشكله دى فى مرسيدس w204 موديل 2008 او 2009؟

المشكله ان عربيتى c180K 2009 وعامل بيها دلوقتى 3500 كم لاحظت فى كام سفريه انى لما اسافر و اركن العربيه ساعه او اتنين و اجى امشى بيها تانى ان اسمع التيل بيصفر لمده 3 او 5 دقايق على السرعات البطيئه و بعدين يختفى. و الصوت بسمعه من العجل الأمامى. لكن المره الأخيره سمعت صوت صفير جامد كانه حديد فى حديد من العجله اليمين ورا و الصوت اختفى كانه لم يكن بعد مطبين تلاته يعنى اقل من دقيقه. مع ملاحظه مافيش اى سخونه فى الطنابير او العجل او حتى العربيه مش مكلبشه. وكل ده بيحصل بدون ما ادوس فرامل خالص. و اسوق على طريق السفر كان الموضوع لم يكن.
و بقعد بالأسبوع والتنين جوه البلد لمسافات قليله مأسمعش حاجه.
الموضوع ده قالقنى مع العلم ان ليا واحد صاحبى معاه c200 بيسمع صفير فى العجله اليمين ورا برده بس لما يرجع بالعربيه لورا بس و اتنين من اصحابى معاهم c180 ماشتكوش من الموضوع ده خالص.

ياترى حد عنده نفس المشكله برده؟

**Ahmed Hassan** · 11-09-2009 12:55 PM

اعتقد ان الموضوع ده عادي. على فكره معظم تيل الفرامل الرياضي بيعمل الحركه دي. اول فرملتين يعمل صوت و بعد كده الصوت يختفي

**bishoy02010** · 11-09-2009 02:50 PM

متابع

**_Khaled_** · 13-09-2009 04:15 AM

انا لسه راجع من سفر دلوقتى و معملتش معايا الموضوع ده. بس على مدخل القاهره الطريق كان و اقف يعنى تمشى كام متر و تقف و التيل كان بيصفر بسيط قوى و عند كوبرى المطار الطريق كان مفتوح و لما ركنت العربيه مكانش فى تصفير خالص. الظاهر انه مع السرعات البطيئه بس.