الكبير كبييييييييير
عرض للطباعة
الكبير كبييييييييير
ما شاء الله....والله غيرت رأي عن العربيه بعد ما شوفت الموضوع ده...!
ممكن اعرف حاجة من خلاصة الموضوع؟ ان السيراتو او الكروز لا تساوي اكثر من 90000 جنيه مش كده
اسف لتأخر ي في الرد
انا انا شاكر جدا لتشجيعكم ده
الواحد يرجع يكتب تاني بقى (قال يعني كنت باكتب أولاني)
هاهريكو ضرب ههههههه
الحمد لله ان الموضوع مؤثر كده
شكرا على ردك المشجع
لو حد كبير بيبقى كبير باخواته الكبار
ربنا يخليك يا حمدي
هي دي خلاصة الموضوع ؟
حضرتك شوف العربية تمنها كام أساسا
بتاع 14 الف دولار تقريبا يعني قول 77 الف جنيه مثلا بره مصر ....
ازاي هاتدخلها مصر بـ90 ؟؟؟؟
ده في عضو معانا قال 109 و ما ظهرش من يومها و طلع الكلام مش صحيح تقريبا
ايه يا دوك المواهب الدفينه دى
لا بجد الله ينور اسلوبك رائع , مبتفكرش فى شغل اوفر تايم :)
لا لا مش قوي ده
لما اتخرج حتى من مدرسة الفورميولا بتاعتك
الكتابة ليها ناسها يا استاذ احمد و احنا نيجي جنبك ايه
احنا غلابة
الكلام و الاسلوب اكتر من رائع و يعيشك في دنيا تانية لغاية ما تخلص قراية للموضوع
كلام فى الجون ومية مية والله العربية معايا ممتازة وكمان ابشر الى خايف من الناس الى قالت العفشة ناشفة انا دلوقتى ماشى بيها 6 الف كيلو العربية نعمت جدا وفعلا العفشة ممتازة جدا وثابتة مووووووووووت العربية كل مالوقت يعدى بتخلينى ابقى مبسوط بيها اكتر ومركب لانسر بومة واشوف تكيفها اضعف وثبتها اقل وشكلها اقدم بقول الحمد لله
رائع ومبدع وصادق - ربنا يجزيـك خير باذن الله
ردود رائعة وفعلا الكيـــــــــــــــــــــ ا الان حديث الشعب المصري كله
مع احترامي لكلامك السيراتو مش احلي من البومااااااااااا
السيراتو احلي من البومة بالنسبة للي مش فاهم
انما اللي فاهم طبعا يقول البوما احلي
ايوه كده يا دوك ...
طيب البومه احلى فى ايه ؟؟
جزاكم الله خير ...و الف شكر لكم
و الأخ tooltool
ممكن حضرتك تشوف البومة احسن و غيرك يشوف السيراتو أحسن
بس عموما انا أحب اعترف اني من الناس اللي مش فاهمين (اللي هم كتير)
مع احترامي لكلامك السيراتو مش احلي من البومااااااااااا
السيراتو احلي من البومة بالنسبة للي مش فاهم
انما اللي فاهم طبعا يقول البوما احلي
ازاي يا استاذ تووول...؟؟؟
برده رجعنا تاني لنقطة فاهم ومش فاهم ... لا انا احب اقول لحضرتك انك انت الي مش فاهم وأقولك ليه :
1- تكنولوجيا اللانسر البومة من سنة كام ؟
2- نسبة انتشارها عاملة ازاي (في ناس بتعتبرها عيب )
3- مشفتش شنطة عربية صغيره في الياباني زي البومة .
4 - السيراتو تكنولوجيا جديدة
5- سعر الاتنين الهاي لاين من السيراتو والبومة يعتبر واحد ( فرق اوبشن للسيراتو - جنوط 17 - حساسات - تحكم من الطارة- تيبترونيك )
6- وكيل محدش اختلف عليه تماما
7- الحاجة الوحيدة اللي البومة تتفوق فيها على السيراتو هي التكييف ودي بصراحة للأمانة
كل سنة وانت طيب وبلاش والنبي حكاية فاهم ومش فاهم دي.. خلي كل واحد حر في وجهة نظرة . . . مش لازم يكون مش فاهم عشان حضرتك مختلف معاه
- الحاجة الوحيدة اللي البومة تتفوق فيها على السيراتو هي التكييف ودي بصراحة للأمانة
لا يمكن ابدا
تكييف البومه حالته حاله جنب السيراتو ......عندنا لا بتكيف ولا نيله ومفيهاش اي مشاكل بومه2008 من ساعه ما جت.....السيراتو انا بتلج منها
بس للامانه فيه ناس قالت ( انا مجربتش بنفسي) ان الخليجي منها تكيفه كويس اما المصري لالالالالالالالالالالالال الالالالالا
بتكلم عن البومه
هو دايما كدا فى مصر الحاجه اللى تبقى ناجحه وماشيه كويس تتهاجم
أعداء النجاح بس أيه المعلمه دى
وجون وجون وجون وجون الله عليك ياحبيب والديك
طب يا جماعة الوقتي أنا تعبت بجد , مش عارف كده سراتو كده عربية كويسة ولا لأ ,
واحد صاحبي معاه سراتوو ومش عاجباه وحذرني إني أجيب العربية دي عشان : العفشة , الفتيس بيتأخر في النقل , التكيف مش اد كده , العربية مش ثابتة , بيحس بأي حاجة على الأرض , مش زي اللانسر , وبيقولي إنه شاف كذا حد مش عاجبهم فعلا العربية دية وعوزين يبيعوها ,
أنا مش ضد العربية ...بالعكس أنا عجبني قوي بجد ...بس نفسي أطمِّن...ومش عارف أعمل إيه عشان اطمن !!
هو صحيح el-EX فيها ABS + EBD ؟
وكمان آه قال لي كمان على موضوع الخامات ده وإنها شكلها رخيص ....
أنا عوز عربية ثابتة على الطريق وفي ال مناورات لأني رايح جاي عالدائري كل يوم , عوز عربية سريعة برده وشنطة كبيرة , وتعمر وأعرف ابيعها بسهولة , وتكون قيمتها فيها .... وال فرامل تكون ممتازة...
اخوكم أحمد
ربنا يخليك االف شكر
صاحبك مزودها حبتين
لو مضايقاه كده ...ايه الي جابره عليها ؟؟؟
ده يبيعها الصبح و مش هايخسر ولا مليم على فكره
جرب قوله يبيعها كده !!!!
اما العفشة فهي كويسة مش خشنة زي الأوكتافيا مثلا
الفتيس بيأخر في النقل دي جديدة (ده من اللي هو من اول حرف لأخر نقطة) الحقيقة الفتيس ممتاز و استجابته جيدة جدا
التكييف مش قد كده ...مش قوي زي الياباني فعلا ...بس مش وحش خالص
بيحس بأي حاجة في الأرض ...ممكن نوعا ما لو الجنط 17
مش ثابته دي بقى زي الفتيس بيأخر بالظبط مين دي اللي مش ثابته ؟؟؟؟؟
مش زي الانسر ...طبعا مش زي الانسر هي الانسر يعني أمله قوي ...
شكله مش عايزك تركب عربية زي بتاعته
وبعدين هو برضه شاف كذا واحد عايزين يبيعوها ؟؟؟؟ سبحان الله
طب ما يبيعوها ..هم راكبين ستروين يعني ومش لاقيين زباين ؟؟؟
و بعدين هو اللي شاف برضه صح؟
مش بقولك :mahf(5):
بصراحة البومة دي لو ببلاش ما أركبها
أزفت عفشة و أسوأ داخلية لسيارة ..كل ما حولك يحسسك بالفقر ..و ده كمان بالنسبة للعربية الي بيسمها سوبر أكشن ..أكشن ايه بلا عك ..
أي حد فاهم عارف حقيقة اللانسر و إنها بتتجاب عشان مايتصرفش عليها حاجة و لما تتباع مش بتخسر .. انما العربية كعربية و لا حاجة ..
اللانسر دي ظاهرة مصرية ..عربية فاشلة في الخليج اللي بيبلع كل ما هو ياباني ..
ده رأيي في اللانسر مع الاحترام لمالكيها ..
السيراتو يكفيها إنها بتقدم كماليات و شكل يستاهل الفلوس الي بتدفع ..مش إسم و خلاص على عربية مملة و أقعد أقنع نفسي إنها ممتازة لسبب واحد و هيا إنها جاية من اليابان
ما هو ده اللى يخنق انك تجيب عربية مش طايقها
علشان ماسكة سعر وأنا معاك تماما ان السيراتو احلى
بس فى حاجة تانية العربية للأسف ملهاش مصاريف خالص وأثبتت كفاءة تشغيل.
وكعاده النقاشات المصريه , الموضوع كان خارج من بيتهم رايح فى طريق , قابل رأى دخله فى سكه تانيه
وتاه الموضوع وقعد على جنب والاراء نزلت ضرب فى بعض , والاحلى ان فى عربيات دخلت فى السكه اساسا ملهاش علاقه بالموضوع وكل اللى فى نفسه حاجه بيقولها
هو احنا بنتكلم عن طبق اليوم مثلا أو بنقول نكت ?
الموضوع عن السيراتو و فيه ناس بتقول اللانسر صفقة افضل و ناس معترضة ..و كل واحد بيقول أسبابه
إيه الشيئ العجيب في كده يا ريت تقولي
يعنى هو ان اللانسر لو ببلاش حضرتك مش هتركبها يعنى ده ليه علاقه بالموضوع ؟ هى بتمشى على عجلتين بس مثلا ؟ ولا اللى اشتراها نوعيه من الناس لا تفقه شئ فى العربيات ؟
مفتكرش !!!
لو حضرتك عايز تكون موضوعى فى النقاش ممكن تقول ليه السيراتو احسن وده شئ لا جدال فيه لكن التحقير من اى عربيه تانيه ملوش علاقه بالموضوع , مع احترامى برضه للناس ملاك الميجان
شوفت ان الموضوع فعلا راح فى سكه تانيه , انت كان نفسك تشتم فى اللانسر شويه ورديت على الاخ جوست بالشكل ده لكن لو بصيت لكلام الراجل هتلاقيه ذكر ليه هى احسن من غير ما يسئ لعربيه تانيه
عفشه بقا واحساس بالفقر مفتكرش ان حد طلب رأى حد فى العربيه هنا فيبقى رأى حضرتك مع احترامى الكامل لشخصك عن اللانسر غير هام
أعتقد حضرتك اللي بتاخد الكلام لسكة تانية..
أنا قلت رأيي في عربية و إنها فقيرة مقارنة بالسيراتو و بعربيات تانية كتير ..حضرتك شايف حاجة غير كده اتفضل قولها ..الموضوع بسيط وبعيد عن التحقير ..و فعلا أنا بكررها أنا عمري ما أفكر أدفع مبلغ في عربية علشان اللي هايشتريها بعدي كما يحدث مع اللانسر و غيرها..المهم أنا أكون مقتنع بيها مش المشتري اللي بعدي ..و ده شيئ منتشر في السوق المصرية..
الناس اللي بتشتري اللانسر هما أحرار و أنا كمان حر إني ما أقتنعش بيها و مش بفكر اركبها ..و لو قدامي لانسر أو سيراتو هاختار السيراتو بدون تفكير ..و دي حرية شخصية..
ده رأيي الشخصي و ممكن ببساطة تتجاهله لو مش مهم
لا ابدا انا مستحيل يكون قصدى انى اغير مسار النقاش وانا بعتذر لدكتور احمد على المناقشه الجانبيه دى
انا بس كنت ببدى اعتراضى على اسلوب حضرتك فى التحقير من شأن اللانسر بلا داعى , انا كتبت موضوع عن السيراتو شكرت فيه ومن يوم بس كنت بفضل الياريس لشخص عن اللانسر فى قسم متسوبيشى يعنى دا يدل على انى مش متحيز او من نوعيه اللى بيشوف عربيته احسن عربيه فى مصر
انا بس كل اللى اقصده ان المفروض حضرتك كنت قولت السيراتو احسن فى كذا وكذا بدون ما نقول ده اللانسر ولا حاجه جنب السيراتو يبقى كدا ولا حقرنا من شأن اللانسر وملاكها و السيراتو بقت فى وضعها السليم كعربيه تتفوق على اللانسر فى جوانب لا حصر لها
سريعا كدا هرد على باقى ردك واسف مره تانيه لدكتور احمد , السبب الرئيسى لأنتشار اللانسر ليس سعر اعاده البيع بل بالعكس اللانسر لما انتشرت بقا سعر اعاده بيعها هو اللى كويس والدليل الكورولا طول عمرها ملكه فى سعر اعاده البيع الا ان الشكل الجديد لقله مبيعاته سعرها نزل جامد معنى ان كدا ان العربيه لما تتفوق عمليا سعرها يزيد مش العكس , وبالمناسبه مفهوم احتفاظ السياره بقيمتها السعريه ده حاجه فى كل بلد فى العالم متحضره او فقيره مش فى مصر بس ولكنه مازال ليس السبب الرئيسى فى انتشار اللانسر ونجاحها , رأيك يحترم بالتأكيد وده واجبى نحوك ولكن كان ليا وجهه نظر فى رأيك وضحتها وحضرتك تقبلتها او لا ده شئ يرجعلك
فى النهايه تشرفت بالنقاش مع حضرتك , ولا جدال انى مقتنع ان السيراتو افضل من اللانسر والعربيتين مش وضع تنافس ابدا
قبل ما حد يفهم كلامى غلط و مع احترامى لجميع الماركات انا لما بركب العربية مش ببقى شايف شكلها من برة و الكماليات الكتير مش هتخلى العربية تروح مشوارى اسرع!!يا ريت يكون قصدى وصل (صح)،و هحتفظ برأيى فى السيراتو لنفسى،أما اللانسر و عشان دى انا مجربها كتيييير ،العربية مش نمرة واحد بس لازم نسأل هى ليه منتشرة،ما الناس مش عبيطة،العربية شكلها حلو جدا بس انتشارها خللى الناس تزهق،نيجى للمهم موتور و فتيس نادر الاعطال و موفرة و موتور قوى و مريحة و سعرها (مش مغالى فيه)،و اكثر السيارات انتشارا اخر كام سنة و الاخ اللى مش هيركبها لو ببلاش مش لازم يقلق هى مش ببلاش لسة،و معروض عليا 85 الف فى موديل 2007.الانترا و سيراتو 2007 بكام دلوقتى؟؟؟
يا سيدي مادام مرتاح فيها كويس ليك و يا رب حتى تشوفها أحسن عربية في الكون ..و لكن أنا لا أشاركك رأيك !
و كلامك إلى حد ما بيؤكد كلامي ..النظر إلى السيارة لا يجب أن يتحكم فيه سعرها كام و معروض عليا كام مقارنة بالالنترا أو السيراتو ..ده شيئ مالوش علاقة بلعربية نفسها و لكن بثقافة السوق المصري اللي لازم نعترف إنها مش عالية ..و بتحكم فيها كلام عفا عليه الزمن من نوعية (ان فاتك الياباني مش هايرجع تاني..) و (ان فاتك الياباني اتمرمغ في ترابه..)
بره مافيش الكلام ده و الياباني و الكوري الفروقات بينهم معدومة تقريبا
يا شباب انا ليا رجاء شخصي عندكو لو ليا معزة عندكو .. يا ريت نقفل حكاية الياباني واللانسر دي .. الكلام على سيارة كوري انتاج شركة كيا واسمها سيراتو .. يبقى خلونا في القسم بتاعنا مش عايزين نزعل حد مننا .. وعلى فكرة الناس اللي قالت عفشة اللانسر وحشة انا اعترض على الكلام ده لان عفشتها ممتازة فعلا .. وده اخر كلامنا في الياباني
أولا أنا مش متضايق خالص من الكلام
لا داعي للاعتذار يا سادة كلامكم يثري الموضوع طبعا
بالنسبة للحديث عن الانسر فالموضوع اساسا ليس هجوما على سيارة اخرى خاصة تلك التي بنت لنفسها سمعة مثل الانسر
و أنا أؤمن تماما ان انتشار اي سيارة لا يمكن ان يأتي من فراغ دا حتى السيراتو بقت اكتر من الهم على القلب دلوقتي
ولكن ما قد يأتي من فراغ هو مجرد التفضيل او التنكيل بسيارة بدون مقارنة واقعية وده هو صلب موضوعي
الانسر عربية نجحت في مصر , دي حقيقة لا ينكرها عاقل وهو نفس العاقل الذي لا ينكر ايضا اكتساح السيراتو للطرق في زمن قليل و الحبل على الجرار
أما مين افضل من مين فده موضوع مستقل و اتكلمنا فيه كتير
لو كانت السيارة جيدة فعلا على الطريق ...ما احتاجت منك كل هذة المقالة الطويلة العريضة للدفاع عنها و محاولة اظهارها على انها السيارة المعجزة التى هزت عرش عمالقة صناعة السيارات فى العالم , و لكن الحقيقة انها سيارة عادية جدا , بها الكثير من العيوب و قليل من المميزات .
انا بجد متعجب من دفاع البعض عن اى سيارة و كأنها شىء مقدس،مثلا انا لما اتكلمت فى الموضوع ده عن اللنسر مكانش دفاع لكن كان مجرد توضيح و شهادة حق بعد ما قرأته فى هذا الموضوع عنها من كلام خاطىء(مش عارف ايه جاب سيريتها)من انها ذات عفشة سيئة و فقيرة و متتركبش ببلاش!! مش أكتر،،كمان علشان منضحكش على نفسنا العربيات اليومين دول مش بتتصنع علشان تعمر زى زمان حتى اليابانى و الاوروبى(خصوصا الفئة السعرية دى) اللى هى عربيات اقتصادية معمولة علشان تستخدمها كام سنة و ترمى،،و بضحك بجد لما اقرأ كلام من عينة انا بجيب 200 و الثبات بعد ال 160 ههههه(هو انا مش فى مصر)؟؟،هو انا جايب عربية اخرها 1600 سى سى و ب 100 الف علشان اجيب 200 و من غير زعل رأيى فى السيراتو انها عربية عادية (شكلها) مبهر للوهلة الاولى فقط و مش اكثر من الانترا متخفية و مش معنى كدة انها وحشة بل (جيدة) و لكن مغالى فيها جداااااا و بص على الالانترا الجديدة اللى ماشية سنتين و انت تعرف شكل السيرتو بعد سنتين
مالها الإلانترا اللي ماشية من سنتين؟اقتباس:
و بص على الالانترا الجديدة اللى ماشية سنتين و انت تعرف شكل السيرتو بعد سنتين
و الله كلنا تعبنا من الدفاع عن عربيات وكأنها مقدسة
و أيضا من الإدعاء على سيارات و كانها ملعونة أبد الدهر
اتفق معك في كل ما قلته حتى نصل لهذا الجزء
اقتباس:
بضحك بجد لما اقرأ كلام من عينة انا بجيب 200 و الثبات بعد ال 160 ههههه(هو انا مش فى مصر)؟؟،هو انا جايب عربية اخرها 1600 سى سى و ب 100 الف علشان اجيب 200 و من غير زعل رأيى فى السيراتو انها عربية عادية (شكلها) مبهر للوهلة الاولى فقط و مش اكثر من الانترا متخفية و مش معنى كدة انها وحشة بل (جيدة) و لكن مغالى فيها جداااااا و بص على الالانترا الجديدة اللى ماشية سنتين و انت تعرف شكل السيرتو بعد سنتين
بتضحك ليه لما تسمع ان عربية جابت 200 ؟؟
هو صحيح دي عربيات ركوب و مش واجبها تجيب 200
ولا من العقل اننا نوصل للسرعة دي لننا في مصر زيك برضه
اما الثبات بعد 160 ...فكلنا بنقول بيقل بعد 160 ...ايه اللي مضحك بقى ؟؟؟؟
و كون السيراتو عربية عادية (جيدة) على حد وصفك فده صحيح هي عربية عادية (ولو البعض نفسه يقول عليها توكتوك)
مبهرة شكلا و أداء ؟؟ طبعا
وللوهلة الأولى و بقالها كام وهلة لحد دلوقتي و لسة مبهرة الحقيقة
أما اللي انا مستغربله الحقيقة
اني بابص فعلا على الانترا بقالها سنتين ....مالها ....زي الفل
مين اشتكى من الالنترا (بفرض ان السيراتو نسخة مخفية منها) مين عربيته اتفكت بعد سنتين ؟؟؟؟
هي السيراتو هاتاخد الانترا في الرجلين علشان تطلع هاتتفك كمان سنتين :majd(4):