Honestly looks aging
عرض للطباعة
يا جماعة احنا بتكلم عن سيارة ماركة كيا ..
كيا وجودها كان ضعيف جدا في الشارع المصري و السيراتو نجحت بالفعل في تغيير وجه كيا في مصر و أصبحت ماركة مثيرة للاهتمام و ده في حد ذاته نجاح للسيراتو ..
بتضحك ليه لما تسمع ان عربية جابت 200 ؟؟
هو صحيح دي عربيات ركوب و مش واجبها تجيب 200
ولا من العقل اننا نوصل للسرعة دي لننا في مصر زيك برضه
اما الثبات بعد 160 ...فكلنا بنقول بيقل بعد 160 ...ايه اللي مضحك بقى ؟؟؟؟
و كون السيراتو عربية عادية (جيدة) على حد وصفك فده صحيح هي عربية عادية (ولو البعض نفسه يقول عليها توكتوك)
مبهرة شكلا و أداء ؟؟ طبعا
وللوهلة الأولى و بقالها كام وهلة لحد دلوقتي و لسة مبهرة الحقيقة
أما اللي انا مستغربله الحقيقة
اني بابص فعلا على الانترا بقالها سنتين ....مالها ....زي الفل
مين اشتكى من الالنترا (بفرض ان السيراتو نسخة مخفية منها) مين عربيته اتفكت بعد سنتين ؟؟؟؟
هي السيراتو هاتاخد الانترا في الرجلين علشان تطلع هاتتفك كمان سنتين :majd(4):[/QUOTE]
طبعا بضحك و لسة هضحك لما حد فى مصر يقول بمشى على 200،،مش بضحك على العربية لكن بضحك على الناس اللى بتعمل كدة و طبعا حرية الضحك مكفولة للجميع،،بالنسبة للالانترا اللى ماشية سنتين مقولتش ان حد اشتكى و حضرتك اللى جبت سيرة تفك رأيى ان العمر باوى عليها(و كذلك المازدا 3 و مجلة
قايلة كدة على المازدا و عربيات كتير مش عيب يعنى و دة ما اتوقعه بشدة للسيراتو (دة رأيى)
والنبى لنكيد العزال ونقول الى معمره انقال
ياريت تقتصر مداخلات الاعضاء علي ماتم معرفته عن العربيه حتي الان ويوفر ضرب الودع وفتح المندل وتوقع حال عربيه لسه ماشيه
بقالها اقل من 6 شهور ....ويتوقع فشلها خلال سنتين...وانها حتفك و حتبقي مبهدله ..... ومش علشان مش عجباه يقول اي كلام وخلاص.....لازم تكون دماغكم متفتحه اكتر من كده وتقبل ان ممكن اي شئ يحصل ....ممكن تتفوق السيراتو وتغلب الكثير من العربيات الموجوده حاليا( كما هو متوقع في انحاء العالم منها حتي الان).....او قد تصبح ذات اداء عادي وده برضه في حد ذاته ليس مآساه....انما انها تصبح فاشله ...اعتقد لالالالا( طبعا امنيات اصحاب العقل المتحجر الرافض لكل مختلف عن تفكيره)
اتركوها في حالها ودعوها تثبت نفسها قبل هذا الهجوم عليها ....مارسو هوايتكم في تدمير اي عربيه بعد ان تثبت فشلها وليس وهي في قمه مجدها ( منظركم بايخ الصراحه)
ومش عايز رد من نوعيه قالو عليها عفشتها معرفش ايه وخاماتها ايه وثباتها بعد ال200 ايه والصاج ايه ......
جربتها اه ....مجربتهاش يبقي متعرفهاش
والمقصود بجربتها ( لمن لا يعرف ) هي قياده السياره في مختلف ظروف القياده والسرعات والتعرض لمختلف مشاكل القياده بها
وليس وانت راكبها في المعرض او سقتها مع واحد صاحبك 10 دقايق....لان لالالالايمكن تكون عرفتها كده
وشكرا ........
ملحوظه اخيره السياره معي من شهر مايو ..........العفشه ممتازه( جنط 17) ...ثبات مخيف لدرجه اني ابتديت اخاف من نفسي وانا سايقها
فتيس تجميعه علي السرعات المنخفضه رائع بطئ قليلا علي السرعات العاليه يعوضه الستيربترونيك ( اختراع جيد)
عربيه مرتفعه عن الارض حتي مع التحميل
واسعه من الداخل ومريحه
حتي كراسيها لاول وهله تحس انها ناشفه ولكنها مع طول الجلوس عليها مريحه للغايه
تكيفها رائع.........وصوت الكاسيت ممتاز
الصاج فعلا ضعيف ولكن لامشكله لدي معه .....حيث ان كل العربيات الجديده صاجها ايضا ضعيف( وحجه ان حد لو ريح عليها يبهدلها اسرع ....كل الجديد بيتاثر متفرقش بقه الصاج دخل جامد ولا حبه صغيره ...المحصله انه دخل في الكل)
صوت الموتور عالي بس بقفل الشباك وافتح التكييف ولا بحس بحاجه
حكايه بقه السخونيه الي ناس قالت عليها مش شايفاها عندي خالص معرفش بقي ده تدقيق زايد من اللي اشتكي ولا ايه ....قارنتها مع لانسر بومه 2008 ( ملكنا لا تفتكروني بهاجمها) لانسر بتسخن اجمد منها....وسالت اصدقاء ليا كثيرون علي عربياتهم ...مش سيراتو ولا كوري .....وقالولي ايوه موجوده خفيف عندهم .....
وفي الاخر كل سنه وانتم طيبين ....روحو اشترو هدوم العيد وسيبوكو الحمدلله ان كل واحد عنده عربيه حلوه ومبسوط بيها
وربنا يحلي لكل واحد زاده
سيادتك بصيت تاني وعاشر وبصيت برضه على اللانسر اللي ماشية سنتين ووجدت ان حالة الالنترا افضل من حالة اللانسر .
وسالت اصحاب الالنترا اللي ماشية سنتين قالولي العربية اعتمادية جدا ومفيهاش اعطال تذكر وحالتها نفس الحالة اللي خرجت بيها من المصنع.
وبعدين حضرتك بتتكلم في عربية اجمعت عليها جميع هيئات التقييم العالمية بالجودة والاعتمادية . ولو عايز ممكن اديك الروابط .
واذا كانت اللانسر حالتها افضل مكنش تمن الالنترا المستعمل يبقى اغلى اللانسر.
انا لا ناقة ليا و لا جمل في الموضوع ده صحيح انا من ماليك السيراتو و عجباني اوي بس مدخلتش في الموضوع ده
انا عجباني العربيه و ده يكفيني و لو مش عجباني اول و احد هقول
الرجاء الوحيد انا نعرض وجهات النظر سواء مدافع او مهاجم عن سيارة ما
بهدواء دون تجرح او تستهين باحد وان نتقبل فكرة الراي الاخر بطريقه افضل من ذلك
انا عارف في حد هيرد عليا و يقول احنا بنقول راينا بهدواء و كل و احد حر في رايه و لا في حرب و لا خناقه و لا حاجه
اخي العزيز اللي هيقول كده انا اسف حتي لو مش قصدين هي بقت شكلها كده
اي حد من بره القسم او حتي من جواء هيشوف انها علي و شك انها تقلب عركه زي موضوعين قبل كده اتقلبت عركه و للاسف كان في ضحايه كمان
شكرا لسعة صدركم
الهواء و الحوار العقلاني و العملي و الذي يحتكم علي المنطق هو الحل
هو لما حد يقول رأيه الصريح حتى لو مختلف مع حد يبقى (عقليته متحجرة)،أنا مش بقول رأيى من فراغ و لا لأنها كورى،بقوله لأنى مهندس و بعمل فى مجال استيراد قطع غيار السيارات و بتعامل بشكل يومى مع خبراء و مهندسين مش هواة و لا واحد عاجبه شكل العربية ،و بالنسبة للأخ اللى بيقول نفتح المندل و الكلام الغريب دة أنا مش بقول توقعات مبنية على احساسى، واقرا تقييمات محترمة ياما قالوا على عربيات لسة نازلة ان العمر بيبان عليها(مصطلح عادى فى سوق السيارات)أنا مش ضد السيراتو و لسة عند رأيى أنها سيارة عادية و جيدة ،و يا ريت يا جماعة افتكروا دة حديد و عربيات و لولا اختلاف الأذواق لبارت السلع،ليه لما حد برة بيكتب تقرير و يشتم فى المرسيدس محدش بيعمل فيه كدة؟؟؟
:b4_592:
امال ايه الى شكله حلو ؟؟؟
اعتقد الماروتى شكلها افضل منها ,,,
فيها نفحه رياضيه رهييييييييبه بتفكرنى بالمازيراتى ...
يا استاذى الفاضل ..
اولا الشكل اذواق و طالما فى اجماع من الناس على انه حلو ..
يبقى يعتبر ميزه ,,
خلينا نتكلم فى عيوب واقعيه ..
مش نقول شكلها وحش ...
على فكرة السيراتو الكوبيه شفتها خليجى فى معرض عند الملك الصالح
كلام ممتاز جدا
Well Done
bgd PERFECT
أحلى حاجه شفتها ان فى عضو معاكو فى كيا قلب أسم كيا موتورز
كيا داهوم كيداهم يعنى
أنا لا ليا فى الطور ولا ليا فى الطحين
بس أحب أقول كلمه وأمشى ندور العربيه دى طلعت من تحت أيد مين
مش قصدى الشركه ولوان الشركه هتخاف على أسمها محدش يقولى فين أسمها أسمها موجود بس مفيش حد هنا عرف يرفعه فى مصر غير نصير
المهم أرجع تانى وأقول طالعه من تحت أيد مين
العربيه طالعه من تحت أيد واحد فى يوم من الأيام جر قلم وصمم جيتا وباسات وجولف واودى وسيات وسكودا كمان
بيتهيئلى الماركات اللى فوق دى ماينفعش نقول عليها لأ اليابانى تردمها زى ما البعض بيقول
وبيتهيئلى بردو واحد زى دا مش هيرمى قلمه اللى بيصمم بيه فى التراب قلمه اللى هو بالبلدى كدا عندنا لقمه عيشه
والدليل الكم العجيب من الموديلات والفئات المبهره اللى ظهرت للعربيه
زى ما قلت فى الأول أنا لا ليا فى الطور ولا فى الطحين
انا واحد عابر سبيل سمع الناس عماله بتخبط فى حاجه محولوش يكلفو نفسهم فى البحث عن مصدرها ويشوفو هى ظهرت كدا أزاى
على فكره أنا من ساعة ما ركبت عربيات وأنا راكب أوروبى
بدأت بفورد وبعد كده ركبت فولكس فاجن ولما كان فى فرصه للتغير كنت هركب أسكودا أوكتافيا بس مفيش نصيب ولما شاء القدر وأحد زملائى أشترى السيراتو وجربتها أنبهرت بيها ودعبست وراها لقيت أن اللى حط قلمه فيها حفيد من أحفاد فولكس فاجن فأحب أقول زى ما الباسات والجيتا والأوكتافيا بدأو يكتسحو الشوارع ويطفو على القمه هناك مويلات تحت ماركه تسمى كيا موتورز قادمه لتصعد وتثبت وجود
والسلام ختام
واخدين بالكو من كلمه السلام ختام دى
Thank you
شكرا لتشريفك يا محمد
و اللي بتقول عليه ده كان من الحاجات المهمة في الاختيار
سمعة الراجل ده طمنتني كتير
و الحمد لله هو محافظ على سمعته لحد دلوقتي
اما العضو اللي عمل كايداهوم فهو العبد لله :shine[1]:
http://img195.imageshack.us/img195/9228/kaic.jpg
اما العضو اللي عمل كايداهوم فهو العبد لله :shine[1]:
أولا لا شكر على واجب فهناك حقيقه تائهه لا يعلم عنها الكثير
كدا يبقى فى حد سرق منك حق المسمى العضو اسمو نكش هتلاقى فى صورته الشخصيه تحت علامه كيا كاتب كيداهم بلأنجليزى
معلش بقى ياحج احمد النقراشى فتنت عليك :B4_237:
يسلم قلمك يا دكتور
تسلم ابدك يادكتور
كيداهم فعلا
وعلي فكره افضل من الالنترا بكتيير
انا النترا قعدت معايا سنتين ونص
بس هو حضرتك دكتور ايه؟
ماشاء الله كلام و تقييم للسوق بشكل ممتاز جدا .. بس أنت ظلمت الهوندا سيتي .. أنا شايفها ممتازة بس مالهاش سوق .
موضوع رائع
كلام جميل
Thanks alot for the perfect talking
بجد تسلم ايدك يا دكتور اوجزت فانجزت فافحمت لدرجة انى مش شايف حد من الناس الى كانت بتهاجم لحد دلوقتى اكيد اختفوا
المهم انا قولتها قبل كدة وهاقولها تانى
الى معاة عربية بنفس السعر وماعندوش الامكانيات دية هيجنن طيب ازاى؟
والى معاة عربية اعلى فى السعر واقل اوبشنز بردة هايجنن طيب لية؟
وفى الاخر بهنيك على اسلوبك الرائع دة ومنتظرينك دايما
:36_1_37[1]:
الله ينور يا دكتور
احلى كلام على احلى عربيه من احلى دكتور
بصراحة الله ينور يا دكتور على التقرير الجميل دة بصراحة أي حد سواء كان موفأك على الكلام بتاعك أو لأ لزم يعترف ان كل تقرير إنت بتكبو أنا وأي حد لزم يقره ومش بس يقراه لأ وكماً يحب يقراه من جمال الاسلوب إنت بجد لزم تكتب في أي جرنان أو تشتغل صحفي بجد من جمال اسلوبك ماشاالله
بعد الكلام الحلو دة باءة ندخل في رأي باءة بص يا دوك هو ممكن يكون فعلن العربية لها أعداء ذي مانتا ألت بس فعلاً في كذا مشكلة أكتر من ٤ ومنهم أنا كنا بنشتكي منها وعن تجربة فعلية مش فتي ذي مافي ناس بتؤل بس أنا حالياً الحمدلله مبشتكش من العربية عشان موضوع الحدف دة راح الحمدلله ومن ساعتها ونة بجري بالعربية فعلاً ساعة لم أكن متأخر اصبح بدري أو لم أكن مستعجل ومشألة مشتكتش بس بصراحة كل مقرا عن الحوادث إلي بتحصل وحصلت ازاي برجع أخاف عشان ده أكتر من حالة ومش معاول كلهم صدفة يعني وبصراحة أصل موضوع الحدف دة مجنني لحد إنهردة وبصراحة مش فهم بس مش عملي غير مشكلة نفسية :) وربنا يستر مع الجميع
مرة تانية بشكرك على التقرير الجميل وديماً ممتعنا بتقريرتك الممتعة
موضوع محترم بجد ،،، تسلم إيديك
كلام جميل كلام معقول..
اولا عشان انا باحب الراجل ده و باحترمه.. و ثانيا. عشان ده راجل محترم و محايد.. ولما كان معاه الياباني قبل دي مكانش عمره متحيز لحاجة علي حاجة..
نيجي بقي لرأيي.. انا شايف انها هي و الالانترا واحد.. مع فارق الشياكة يعني.. و ان هما ال2 سعرهم مبالغ فيه.. ومش معني كده ان الياريس مثلا او السيتي سعرهم طبيعي.. او السيفيك.. ولو ان دي انا بافضل اني اخرجها برة المنافسة مؤقتا..
كلهم سعرهم مبالغ فيه..و لو عايز تعرف فرق السعر بينهم المفروض يبقي عامل ازاي.. شوف فرق سعرهم برة عن بعض كام..
السيفيك بقي.. اول فئة اللي هي ب 150 الف.. و السيراتو اول فئة سعرها حوالي 120 الف مثلا.؟؟ انا مش متأكد عشان مش متابع.. اي نعم في فرق 30 الف جنيه او تزيد.. بس لو معايا الفرق ده مش هاتردد اني ادفعه.. عشان كوالتي اعلي.. و عمر افتراضي اعلي.. و برضه براند او ماركة اشهر و ارقي و محدش يزعل من كلامي ده..
خلاصة القول.. انا شايف ان الموضوع كله عبارة عن معادلة.. سعر في مقابل رفاهية و شياكة و موتور و اكيد شوية عيوب..
اللي يحدد بقي العربية دي كويسة و لأ.. يبقي لازم تشوف مميزات في مقابل عيوب و سعر.. و تشوف هي صفقة رابحة ليك ولا لأ.. و الموضوع ده نسي و بيختلف بين واحد و التاني.. و كل واحد وعلي قد فلوسه..
و اقعدوا بالعافية.. ك)
متشكر لكلماتكم المشجعة و الحمد لله ان الموضوع لاقى استحسانكم
احمد علاوي الكبير
واحشني جدا نفسي اشوفك بجد
وجهة نظر محترمة نشكرك عليها
الف شكر لحضرتك
أحييك على جمال الأسلوب وذكاء التنفيذ لتوصيل الفكر والفكرة , الحقيقة استمتعت أثناء القراءة , كما انني استفدت من مقالتكم الثرية , ومن وجهة نظري المتواضعة أرى أن السيراتو نجحت بتفوق باهر واكتسحت عن جدارة , ومن الطبيعي أن تحارب بكل السبل والطرق صحيحة كانت أم مفبركة , ياعزيزي الشجرة المثمرة تقذف بالحجارة , والجميلة سيراتو تستحق كل الجدل المثار حولها لأنها بحق ساحرة , وأخيرا هنيئا للقارئ بقلم مبدع لاتسخره الفكرة إنما يرسمها هو بإتقان أنامل ذهبية كأناملك ..
وشكرا لجهدك وتقبل مروري البسيط .
حاسس إني عايز أكتب الموضوع تاني
بعد ما اليابانيين بقو يزعقوا بصوت أعلى
يا كورية يا بنت ال.....
بعد الخبطات اللي في الراس اللي كلوها اليومين اللي فاتوا
الله اكبر عليك يا احمد باشا.........:verygood:
الكلام مش صحيح العربية بتاعتي سيراتو 2008 الشكل القديم شاريها من الوكيل فى اغسطس 2008 و من يوم ما اشتريتها و هل فيها عيب فل التعليق الأمامى و فى الغالب علبة الدريكسيون. و العيب غريب شوتين لأنة بيقبى باين اكتر الصبح و بيقل مع الوقت لكن مابيروح خالص.
رحت التوكيل و قالوا طبعا مفيش حاجة و قلت لهم حكاية ان الصوت بيبقى جامد الصبح و بيقل مع الوقت و طبعا سمعت سخرية من الصيانة و اشتكيت لكيا فى كوريا من اهمال الوكيل و الغريب انهم حولوا الشكوى على الوكيل يعنى الخصم هو الحكم. و بعد شد و جذب شديد قرر مدير الصيانة انة يجى عند بيتى و يشوف الجنان بتاع المشكلة الصباحية و فوجئ بوجود المشكلة و قرر تغيير المساعدين و فعلا الصوت قل شويتين و بعدين رجع تانى بنفس الطريقة و اللى زاد دلوقت صوت رولمان بللى و تخبيط زيادة. و رد الصيانة الصوت دة فى دماغك لوحدك يعنى أخبط رأسك فى الحيط. ممكن تدافع عن الوكيل كمان شوية علشان تحرق دمى زيادة