حجيب عربية للمدام!!!! الحقونى.... ربنا يستر!!!

**SAMEHNOSHI** · 11-09-2009 01:05 PM

الحقونى!!!! شكلى حغلط غلطة عمرى مضطر اجيب عربية للمدام
القصة بختصار انى كان عندى كيا برايد وانا شغال فى مصر و من سنتين سافرت برة و سبتلها العربية تسوقها و كانت فعلا مريحها جامد, بس العربية حلتها وحشة و كل شوية تعطل بيها و تحطها فى مواقف غبية, فضطريت ابعها و حجبلها وحدة جديدة علشان تريحها هى و البنات وانا مسافر, تروح بيها الشغل و تودى البنات الحضانة و ترجع تخدهم منها بعد الشغل!!!
انا كنت بفكر اجبلها بيكانتو واحد صحبى قالى بلاش لان العربية من غير شنطة مفهاش امان, لان البنات حيكونوا اعدين ورا, واى خبطة جامدة من ورا لاقدر الله ممكن توصل للكنبة اللى ورا بسهولة !! والعربية الاكصدام اللى فيها منظرة و ملوش لزمة وكلنا عرفين سواقين الميكروباصات الله يلعنهم على اللى الواحد بيشوفوا من سواقتهم!!
بنفس السعر ممكن اجبلها فرنا علشان منتشرة و رخيصة و قطع غيارها رخيصة و متوفرة خصوصا انها اكيد حتخبطها وكمان الشنطة حتنفعها ممكن تشترى فيها طلبات البيت و ممكن نسافر بيها لما انزل مصر, بس هل الفرنا تنفع مدماتى؟؟؟ يعنى هل انتوا بتشوفوا ستات او بنات كتير سايقها؟؟؟ هى بقلها سنتين بتسوق الكيا و دلوقتى بقت معقولة و اعتقد الفرنا مش حتكون صعبة عليها.
كمان الفرنا شكلها اقيم و اشيك من البيكانتو اللى قلت فى نظرى جامد لانى شوفت كل المطاعم برة مصر عملا البيكانتوا عربية هوم دلفرى بدل الفسبا اللى عندنا فى مصر!!!
ولو الفرنا لا طب اجبلها عربية اية تكون جديدة و فى حدود 60 الف بالكتير و قطع غيارها رخيصة و متوفرة و تمشى مدماتى؟؟

لفظ الجلالة يكتب (الله) وليس اللة
دعم فني 2

**عبد الرحمن اسامه** · 11-09-2009 01:12 PM

انا برشح البيكانتو، في نظري انها اقيم و اشيك بكثير من الفيرنا، عيبها الوحيد صغر حجم الشنطة. لكن الكنبة الخلفية ممنكن تتني و يبقي عندا مساحة اكبر.
انا كان معايه سوزوكي التو في مثل حجمها تقريبا و كانت ممتازة جدا و كنت بسافر بيها في كل مكان و عمرها ما عطلط ولا اي حاجة، و كمان كانت تأفيل هندي، يعني البيكانتو هتكون افضل منها بكثير، انا بحترم العربيات الصغيرة دي جدا، لو تقدر تجبلها سيريون ال ١٠٠٠ سي سي دي، يكون احسن، انا معرفش هي بكام.

**SAMEHNOSHI** · 11-09-2009 01:29 PM

معلشى تكملة للموضوع...
حاجة كمان انا عقدى حيخلص اخر السنة دى وراجع مصر, ربنا يقدرنى واقدر اكمل السنة الثلاثة دية لانى اتبهدلت فى الغربة بعيد عنكوا من غير مراتى و بناتى, و هما كمان تعبوا من غيرى, المهم انا نازل و نويت اضيع كل اللى حوشتة فى 3 سنوات سفر , انهى احسن نجيب احنا الاتنين عربية وحدة كويسة و نبدل فيها مع بعض, النترا او سيراتوا مثلا ولا اجيب عربيتن فى حدود 60 الف وحدة ليا ووحدة ليها؟؟ خايف اجيب النترا او سيراتو وهى تخدها تخبطها و العربيات دى قطع غيارها غليا, و كمان ضخمة و سوقتها حتكون صعبة شوية عليها!!! و مش حينفع اقولها متسقهاش لانها بتشتغل زى و حتودى البنات الحضانة و انا عايز اريحها بردة!!
انتوا اية رايكم عربية وحدة كويسة و نبدل فيها مع بعض, ولا عربيتين رخاص و كل واحد عندة عربيتة يروح بيها شغلة؟؟
معلش طولت عليكم بس اصل الموضوع دة كل يوم افكر فية و تعبنى و مش عارف اخد فية قرار!!

**mohamed_mohsen** · 11-09-2009 02:06 PM

بلاش تجيبلها عربيه غاليه عشان هتتخبط
و هاتوا عربيتين رخاص
أو ممكن حل تاني
تجيب عربيه غاليه ليك و العربيه اللي هتجيبها للمدام تبقي مثلاً فيرنا قسط و خلاص
و ربنا يوفقك للي فيه الخير

**remomemo** · 11-09-2009 02:24 PM

زى ما قال الاخ عربيتين واحدة رخيصة للمدام وواحدة غالية ليك بس احسن تجيبلها هاتش باك واسال على نوع امانه كويس لان معظم الخبطات بتحصل (عن تجربتى انا كبنت )من الحجم الكبير للعربية وعدم تقدير المسافة تكفيها ولا لا

**Ahmed_Ezz** · 11-09-2009 02:32 PM

فى راى بيكانتو احسن من الفيرنا للمدام طبعا اريح بكتيير و اوفر فى البنزين و مشاكلها اقل

**Diaby** · 11-09-2009 02:47 PM

ممكن مثلا تجيب للمدام سوزكى التو وتجيب انت فيرنا عائلية وشكلها حلو وموفرة فى البنزين وعملية جدا

**Diaby** · 11-09-2009 02:47 PM

عفوا سوزوكى

**SAMEHNOSHI** · 11-09-2009 05:40 PM

متشكر يا جماعة على ردودكم, انا حعمل استفتاء فى المنتدى العام علشان الكل يشارك براية لان بعيد عنكوا الستات دول لما يكون معاهم رخصة بيعملوا للواحد خوتة فى دماغة
يا رب بس الادارة متعتبروش موضوع مكرر لانها مشكلة حتقابل ناس كتير متجوزة زى حلاتى و الاستفتاء حيفيد كل الناس