دى يا جماعة مشكلة حتقابل كل المتزوجين اللى زوجتهم بتشتغل و عندهم بنات فيا ريت كل واحد يشارك براية و خبرتة و تجاربة, ايهما افضل للمتزوجين اللى زى حلاتى:

  1. عربة واحدة قيمة فى حدود 110 الف (سيراتو او الانترا اتوماتيك او لانسر) و المدام تسوقها معايا
  2. عربتان رخاص بنفس المبلغ 110 الف و يبقى كل واحد عندة عربيتة يروح بيها شغلة (فرنا و التوا فضين مثلا)
  3. عربة واحدة قيمة فى حدود 110 الف (سيراتو او الانترا اتوماتيك او لانسر) و المدام متسقهاش خلاص علشان احافظ عليها و جبلها عربية رخيصة بالقسط و اتبهدل فى اقسطها كام سنة!!!
فى الخيار الاول حبقى مستمتع وانا سايق عربية جميلة و قيمة و اتوماتيك و تحس انها برستيج بس يعيبة انة مش عملى لانى حضطر اسيب العربية للمدام فى بعض الايام علشان تروح بيها شغلها و تودى البنات الحضانة و ترجع تخدهم منها بعد شغلها و يا عالم حيحصل اية للعربية و انتوا عرفين سواقة الستات, كمان عربية قيمة و غالية وكبيرة زى السيراتوا حتكون صعبة فى سوقتها عليها و قطع غيارها حتكون غالية, يعنى الخبطة قطم وسط

الخيار الثانى عملى اكتر و كل واحد عندة عربيتة و مستريح بس حتكون عربيتان رخاص زى فرنا و التوا فضين مثلا, يعنى مفيش استمتاع بعربية شيك او اى اوبشن للاسف

الخيار الثالث كويس, انا مبسوط و المدام مبسوطة بس فية كام سنة تعب و قطم وسط بسبب الاقساط

لو انتوا مكانى و فى نفس الموقف دة كل واحد حيتصرف ازاى؟؟ و هل الناس اللى جابوا عربية واحدة قيمة و زوجتهم بتسوقها ندموا ولا عادى و دة حل كويس, يا ريت الكل يشارك بتجاربة و خبرتة اللى مر بيها فى مواقف ممثلة