الموضوع: el roof scoop

المشاركة الأصلية كتبت بواسطة Ahmed0Nouh

الرووف سكوب بيكون اما متصل بقناه من فوق لحد الموتور علشان يوصل هوا لجزء معين ( وده استخدام نادر ) , او بيكون لتهويه كابينه السواق زى عربيه الرالى زى ما حضرتك قولت بس ده محتاج تخرم فى السقف

لما بيكون فى شغل فى الايروديناميك محتاج توصيل هواء فى اتجاه الاسبويلر بيكون بفجوه وليس بروز , الروف سكوب بيعوق حركه الهواء حتى لو مفتوح من الناحيتين

صح كده

المشاركة الأصلية كتبت بواسطة mazd

اولا اشكرك يا استاز اسمحلى ائولك يا استاز نوح بس هو دة اللى انا بتكلم فية ان الرووف سكوب بيعوق حركة الهوا لانة بيكون فى الاتجاه المضاد ودة بيدى ثبات للعربية اكتر اما بالنسبة لانة مفتوح من الناحيتين فدى الفايدة منه نها تستقبل الهوا وبيكون الفلتر راكب فيها و بس يا ريت يكون اكون بتكلم صح بردو عشان انا مش خبير اوى انا بدور على النت واللى بعرف افهمة بكتبة فا لو فى غلط فى اى معلومة او حاجة انا بعتز عنها سواء ليك او لغيرك

العفو يا فندم

بص السكوب مش بيثبت العربيه لأن موضوع الثبات الايروديناميكى ده فيلم كبير كله يعتمد على مرور الهواء بسلاسه وفى مسارات مرسومه على جسم العربيه حتى الوصول الى جزء معين هو اللى هيصد الهواء فيثبت العربيه , لكن الروف سكوب مش جزء من المنظومه دى لأن حرفه حاد وده بيشتت الهواء وبيقلل الثبات مش بيزوده وكمان السقف كله مفيش مكان تقدر تستقبل الهواء عليه بشكل يسمح بأستغلاله الا فى اغراض التبريد او التهويه , ده طبعا بأستثناء العربيات الهاتشباك اللى بيتثبت لها اسبويلر فى اخر السقف

طبعا الكلام ده كله مش هيبان الا فى سرعات وبنسب هايفه قوى احنا منحسش بيها بس بتفرق فى سباق او غيره ولو 0.1 من الثانيه

ويا فندم الموضوع مش محتاج اعتذار ولا حاجه احنا بنتناقش عادى , تقبل تحياتى