ما هى علاقة حجم الجنط بالعفشة؟؟ سؤال يهم كل من يبحث عن جنط سبور

السؤال البديهى اللى الواحد لازم يسالة.... ايه علاقة المقاس بالعفشة؟؟؟ يعنى العفشة حتعرف منين اذا كان دة جنط 12 ولا 18؟؟؟؟؟

الاجابة ولا حتعرف اساسا... اللى بيفرق بالفعل هو الوزن... و الوزن هنا بياثر على الوزن الغير منبوض non sprung weight و دة الوزن اللى مش متحمل على سوست العربية... وعشان العفشة تادى اداء صح لازم الوزن دة يكون اقل ما يمكن

ايه الحكمة فى كدة؟؟

تخيل انك صحيت الصبح لقيت نفسك مساعد فى عربية... و العربية ماشية فى طريق مكسر... و سيادك ماسك الركبة بالصرة بالطنابير بالجنط بالكاةتش و شغال بدراعك فوق و تحت و فوق و تحت اكنك بتتمرن تمرين بنش طول ما العربية بتعدى على المطبات

لو الاوزان اللى انت ماسكها دى تقيلة حتتعب عضلاتك و تجهدك... و ساعتها رد فعلك مع المطبات حيقل لان لما العجلة ترتفع لفوق و هى تقيلة زى الداهية انت مش حيبقى عندك قوة تردة لتحت عشان العجلة تفضل على الاسفلت و بالتالى العجلة لحظيا حتطير من على الارض لحد ما تنزل تانى... كرر الموضصوع دة باستمرار حتلاقى البات زفت لان عجل العربية بيفقد تماسكة مع الطريق باستمرار نتيجة قصورة الذاتى العالى بسبب وزنة اضافة الى اجهاد مكونات العفشة اللى بتحاول تقلل و تسيطر على حركة العجل التقيل اللى طالع و نازل مع المطبات

تخيل بقى العكس... لو الاوزان دى خفيفة جدا... حتلاقى الحياة زى الفل و تقدر تتعامل مع اى عدم استواء فى سطح الطريق بسهولة و يسر حتى لو المطبات كتير وورا بعضها و السرعة عالية... و بما ان الوزن اللى انت بتتحكم فيه قليل فا مستوى الاجهاد اقل كتييييير من الحالة الاولى و بالتاى سيادك حتعمر فى الشغلانة دى و مش حتجيب جاز

معلش هو المثال غريب شوية بس دى اقرب حاجة قدرت اتخيلها عشان توضيح الفهوم دة لان ناس كتير اوى فاهمة القصة غلط و فاكرة ان المقاس هو الفيصل فى الموضوع... طبعا من المنطقى ان الجنط الاكبر يبقى اتقل بس مش هو دة الاساس... ما فيه جنوط OZ معمولة للعريات السباق اخف من الريشة و حجمهم 18 بوصة تقريبا

و بناء على الكلام دة فا انت كلامك صح ان لو جبت جنط 15 جفيف افضل و احس 14 التقيل لان العفشة بتتاثر بالوزن مش المقاس... العفشة اصلا حتحس بالمقاس ازاى؟؟؟ لكن حتحس بالوزن من خلال القصور الزاتى و رد فعل الكتلة الغير منبوضة لما تعدى على مطب فى الطريق

بالنسبة للاوزان فا مفيش وزن مثالى... كلة حسب العربية... و دايما بنصح ان يبقى فرق الوزن من 10 لى 15% من وزن الجنط الاصلى... يعنى لو جنطك وزنة 7 كيلو يبقى جنط 8 كيلو كويس مش وحش...طلع بقى الجنط دة 14 او 18 براحتك

معنى كدة انك لازم توزن جنطك الاصلى عشان تبقى عندك نقطة اساس و منها تقدر تقيم الجنوط اللى حتشتريها

MMamdouh

شكرا على المعلومات

الله ينور يا باشا
بس نقطه لو عمر فى الشغلانه كمساعد مش هيجيب جاز لو ضرب هيجيب زيت
انا عندى فى الأوبل جنوطها الألمانى ماركه اسمها ارونيل و تقيله موت و نازله مع العربية لو ركبت جنط بس خفيف صح و لا غلط

الف شكر على المعلومات..
بس عندى سؤال.. هل المقولة الى بتقول ان المقاس الكبير بياثر على اداء المتور ولا صح ولا ده ملهوش دعوة بده؟
طب حتى لو مقاس كبير ووزن خفيف برضوا تاثر على المتور؟

معلومة قيمة جدا_جزاك الله خير

1000 شكر يا باشا معلومات جديدة و مثال فعلا يفهم الواحد الدنيا

شكرا على مجهودك المتميز

شكرا على المعلومات

بجد مكنتش مقتنع بالكلام ده غير لما فهمت المثال بتاعك, شكرا.

شكرا بس ما ننساش ان لو المقاس اتغير و لم يراعى ان مقاس الكاوتش يتغير بحيث ان القطر الكلي للجنط و الكاوتش يفضلوا زي الاول ده هياثر على عداد السرعة

بصراحة موضوع اكتر من رائع وشرح سلس وعقلية ما شاء الله عليها طبعا ....العريس محمد بيك:wink::ma(36): الف مليووووووون مبروك يا كبير :ask:



سؤال رفيع بخصوص الموضوع .... هو ينفع اجنط 14 على كاوتش 13؟؟؟؟؟؟

اقتباس:

---

المشاركة الأصلية كتبت بواسطة tananybasha

انا عندى فى الأوبل جنوطها الألمانى ماركه اسمها ارونيل و تقيله موت و نازله مع العربية لو ركبت جنط بس خفيف صح و لا غلط

---

صح طبعا... انت كدة بتسهل مهمة العفشة فى الحفاظ على الكاوتش ملامس لسطح الطريق طول الوقت... دا كمان العربية سحبها حيتحسن لان الموتور بقى يدور عجلة اخف وزنا من الاول

MMamdouh

اقتباس:

---

المشاركة الأصلية كتبت بواسطة كابوس الليل

الف شكر على المعلومات..
بس عندى سؤال.. هل المقولة الى بتقول ان المقاس الكبير بياثر على اداء المتور ولا صح ولا ده ملهوش دعوة بده؟
طب حتى لو مقاس كبير ووزن خفيف برضوا تاثر على المتور؟

---

برضة العلاقة هنا هى وزن... بس بفرض ان مقاس الكاوتش مناسب للعربية

يعنى اللى بيحمل على الموتور هو الوزن اللى المفروض يلففة الجنط... و لو جبت جنط و كاوتش تقيل اصبحت المهمة اصعب على الموتور عشان يدور الوزن التقيل دة... و العكس بالعكس لو خففت عن الوزن الحالى اللى عندك استجابة الموتور حتبقى احسن

قصة المقاس تفرق لو جبت فردة مقاسها مش صح و طلعت اكبر او اصغر من القطر الاصلى اللى كان راكب عندك قبل الجنوط

يعنى لو عربية الاصل فيها انها بجنط 13 و كاوتش 175/70/13 و انت ركبتلها جنط 15 و كاوتش 195/55/15 كدة ابح العجل دة اكبر فى الحجم من الكاوتش اللى المفروض يركبلها اللى هو 195/50/15 و بالتالى حتلاقى التسارع قل لكن السرعة القصوى للعربية زادت و قراية عداد السرعة حتبقى مش صح

العكس بالعكس لو ركبت فردة 195/45/15 حتبقى اصغر من الطبيعى و دة حيزود التسارع بس حيقلل السرعة القصوى و برضة حيخلف معاك فى قراية عداد السرعة

من هنا يبان ان التاثير على التسارع و السرعة القصوى بيجى من مقاس الكاوتش الغلط او وزن الجنط مش من مقاس الجنط

MMamdouh

اقتباس:

---

المشاركة الأصلية كتبت بواسطة ahmedtefagad

سؤال رفيع بخصوص الموضوع .... هو ينفع اجنط 14 على كاوتش 13؟؟؟؟؟؟

---

no

MMamdouh

اقتباس:

---

المشاركة الأصلية كتبت بواسطة أحمد كمال

شكرا بس ما ننساش ان لو المقاس اتغير و لم يراعى ان مقاس الكاوتش يتغير بحيث ان القطر الكلي للجنط و الكاوتش يفضلوا زي الاول ده هياثر على عداد السرعة

---

+1

MMamdouh

اقتباس:

---

المشاركة الأصلية كتبت بواسطة mmamdouh

no

mmamdouh

---

....... واحد بتاع كاوتش قالى انو فية حاجة كدة مش متذكر اسمها بتتحط حولين شفة الجنط وبتلزق فية ويركب عليها 13..........!!!!!!!

الف شكر على الإفادة الجميلة دي

وجزاك الله خيرا

اقتباس:

---

المشاركة الأصلية كتبت بواسطة MMamdouh

برضة العلاقة هنا هى وزن... بس بفرض ان مقاس الكاوتش مناسب للعربية

يعنى اللى بيحمل على الموتور هو الوزن اللى المفروض يلففة الجنط... و لو جبت جنط و كاوتش تقيل اصبحت المهمة اصعب على الموتور عشان يدور الوزن التقيل دة... و العكس بالعكس لو خففت عن الوزن الحالى اللى عندك استجابة الموتور حتبقى احسن

قصة المقاس تفرق لو جبت فردة مقاسها مش صح و طلعت اكبر او اصغر من القطر الاصلى اللى كان راكب عندك قبل الجنوط

يعنى لو عربية الاصل فيها انها بجنط 13 و كاوتش 175/70/13 و انت ركبتلها جنط 15 و كاوتش 195/55/15 كدة ابح العجل دة اكبر فى الحجم من الكاوتش اللى المفروض يركبلها اللى هو 195/50/15 و بالتالى حتلاقى التسارع قل لكن السرعة القصوى للعربية زادت و قراية عداد السرعة حتبقى مش صح

العكس بالعكس لو ركبت فردة 195/45/15 حتبقى اصغر من الطبيعى و دة حيزود التسارع بس حيقلل السرعة القصوى و برضة حيخلف معاك فى قراية عداد السرعة

من هنا يبان ان التاثير على التسارع و السرعة القصوى بيجى من مقاس الكاوتش الغلط او وزن الجنط مش من مقاس الجنط

MMamdouh

---

فعلا الف شكر :hlopaet_prv:

اقتباس:

---

المشاركة الأصلية كتبت بواسطة mmamdouh

برضة العلاقة هنا هى وزن... بس بفرض ان مقاس الكاوتش مناسب للعربية

يعنى اللى بيحمل على الموتور هو الوزن اللى المفروض يلففة الجنط... و لو جبت جنط و كاوتش تقيل اصبحت المهمة اصعب على الموتور عشان يدور الوزن التقيل دة... و العكس بالعكس لو خففت عن الوزن الحالى اللى عندك استجابة الموتور حتبقى احسن

قصة المقاس تفرق لو جبت فردة مقاسها مش صح و طلعت اكبر او اصغر من القطر الاصلى اللى كان راكب عندك قبل الجنوط

يعنى لو عربية الاصل فيها انها بجنط 13 و كاوتش 175/70/13 و انت ركبتلها جنط 15 و كاوتش 195/55/15 كدة ابح العجل دة اكبر فى الحجم من الكاوتش اللى المفروض يركبلها اللى هو 195/50/15 و بالتالى حتلاقى التسارع قل لكن السرعة القصوى للعربية زادت و قراية عداد السرعة حتبقى مش صح

العكس بالعكس لو ركبت فردة 195/45/15 حتبقى اصغر من الطبيعى و دة حيزود التسارع بس حيقلل السرعة القصوى و برضة حيخلف معاك فى قراية عداد السرعة

من هنا يبان ان التاثير على التسارع و السرعة القصوى بيجى من مقاس الكاوتش الغلط او وزن الجنط مش من مقاس الجنط

mmamdouh

---

احنا قولنا فى الاول ان العرض 175 طبعا دة بقا 195
وبكدا الاحتكاك بالارض بقا اكتر
يعنى ثبات اكتر بس فى المقابل بنزين اكتر وسحب اقل
حتى لو التخنة 50 هيفضل السحب اقل
عشان العرض فى زيادة عن المقاس الطبيعى للعربية

على فكره الموضوع ده كان شاغلنى قوى وماكنتش لاقى رد مقنع على الموضوع .

:S_thum1[1]:شكرا على ال post الجامد قوى .

أستفيد كثيرأ من مواضيعك يا أستاذ ممدوح

شكراً ... :satelite:

اقتباس:

---

المشاركة الأصلية كتبت بواسطة ahmedtefagad

....... واحد بتاع كاوتش قالى انو فية حاجة كدة مش متذكر اسمها بتتحط حولين شفة الجنط وبتلزق فية ويركب عليها 13..........!!!!!!!

---

ابقى قوللى بتاع الكاوتش دة فين عشان عندى حاجة عايز اقولهاله ضرورى... بس بعد رمضان عشان الواحد ميفطرش

MMamdouh

اقتباس:

---

المشاركة الأصلية كتبت بواسطة eslam_wega

احنا قولنا فى الاول ان العرض 175 طبعا دة بقا 195
وبكدا الاحتكاك بالارض بقا اكتر
يعنى ثبات اكتر بس فى المقابل بنزين اكتر وسحب اقل
حتى لو التخنة 50 هيفضل السحب اقل
عشان العرض فى زيادة عن المقاس الطبيعى للعربية

---

من الناحية النظرية دة صح

من الناحية العملية الفرق بين 175 و 195 مش كبير للدرجة ان يعمل معاك فرق استهلاك بنزين محسوس او يزود الdrag factor بشكل مؤثر على الاداء

غير كدة و كدة احنا بنناقش فرق الاداء مقرارنة بفرق الجنوط مش الكاوتش

MMamdouh

بجد موضوع مفيد وتستاهل عليه مليون شكر

ولو حضرتك عندك علم عن مقاس كاوتش تويوتا ياريس ياريت تقولهولى .. وتقولى ايه اقصى مقاس كاوتش اقدر اركبو على جنط 17

اقتباس:

---

المشاركة الأصلية كتبت بواسطة mmamdouh

من الناحية النظرية دة صح

من الناحية العملية الفرق بين 175 و 195 مش كبير للدرجة ان يعمل معاك فرق استهلاك بنزين محسوس او يزود الdrag factor بشكل مؤثر على الاداء

غير كدة و كدة احنا بنناقش فرق الاداء مقرارنة بفرق الجنوط مش الكاوتش

mmamdouh

---

فعلا الفرق هيبقا بسيط
بالنسبة للكاوتش لازم طبعا هتغيرة بعد ما تجيب الجنط الاكبر

اقتباس:

---

المشاركة الأصلية كتبت بواسطة a7mode

بجد موضوع مفيد وتستاهل عليه مليون شكر

ولو حضرتك عندك علم عن مقاس كاوتش تويوتا ياريس ياريت تقولهولى .. وتقولى ايه اقصى مقاس كاوتش اقدر اركبو على جنط 17

---

مقاسها الاصلى كام؟

MMamdouh

اقتباس:

---

المشاركة الأصلية كتبت بواسطة eslam_wega

فعلا الفرق هيبقا بسيط
بالنسبة للكاوتش لازم طبعا هتغيرة بعد ما تجيب الجنط الاكبر

---

مضبوط الكلام

MMamdouh

اقتباس:

---

المشاركة الأصلية كتبت بواسطة mmamdouh

ابقى قوللى بتاع الكاوتش دة فين عشان عندى حاجة عايز اقولهاله ضرورى... بس بعد رمضان عشان الواحد ميفطرش

mmamdouh

---

هههههههههههههههههههههههه تقريبا انا فهمت قصدك

بجد يا محمد بستط الموضوع جدا،
بس نوزن الجانط بالكاوتش ولا بدون ؟
انا متوقع بدون كاوتش ... بس لما الجانط هايكبر الهوا هايزيد (فى حاله وجود كاوتش) والوزن هايزيد برده ..... :shyy:

اقتباس:

---

المشاركة الأصلية كتبت بواسطة Michael_Lanos

بجد يا محمد بستط الموضوع جدا،
بس نوزن الجانط بالكاوتش ولا بدون ؟
انا متوقع بدون كاوتش ... بس لما الجانط هايكبر الهوا هايزيد (فى حاله وجود كاوتش) والوزن هايزيد برده ..... :shyy:

---

ممكن اقول حاجة؟ بس معرفش صح لا غلط:
اكيد لما نوزن نوزن بلجنط بس من غير الكوتش عشان ممكن الهوا يوزن معرفش صح ولا لا :shyy:
كمان ان لما الجنط يكبر والكوتش نفس المقاس الهوا هيقل لان المسافة الى بين الجنط والكوتش هتقل (معرفش الكلام ده صح ولا ايه مستنين البشمهندس يرد علينا

اقتباس:

---

المشاركة الأصلية كتبت بواسطة Michael_Lanos

بجد يا محمد بستط الموضوع جدا،
بس نوزن الجانط بالكاوتش ولا بدون ؟
انا متوقع بدون كاوتش ... بس لما الجانط هايكبر الهوا هايزيد (فى حاله وجود كاوتش) والوزن هايزيد برده ..... :shyy:

---

الوزن بدون كاوتش لانك بتقارن الجنط الاصلى بالجنط الجديد بالتالى الكاوتش برة اللعبة فى الوقت الحالى

و بعد التركيب حنفترض ان وزن الكاوتش + الهوا واحد قبل و بعد التركيب لان الفردة الجديدة اعرض بالفعل لكن ارتفاعها اقل... و حتى لو فيه فرق فى الوزن فهو اقل بكتير من انه يضايقنا مقارنة بفرق وزن الجنط

MMamdouh

اقتباس:

---

المشاركة الأصلية كتبت بواسطة كابوس الليل

ممكن اقول حاجة؟ بس معرفش صح لا غلط:
اكيد لما نوزن نوزن بلجنط بس من غير الكوتش عشان ممكن الهوا يوزن معرفش صح ولا لا :shyy:
كمان ان لما الجنط يكبر والكوتش نفس المقاس الهوا هيقل لان المسافة الى بين الجنط والكوتش هتقل (معرفش الكلام ده صح ولا ايه مستنين البشمهندس يرد علينا

---

الاهم من كل دة وزن الجنط... اكيد الحديد و الالومنيوام اتقل من الكاوتش و الهوا يبقى الاهم الجنط

فرق المقاسات بتاع الكاوتش حنعتبره لم يغير فى الوزن عشان قصة جناب الكاوتش الاوطى اللى ذكرتها و بتقابل العرض الزيادة و كمان حنعتبر الهوا وزنة واحد لان حتى لو فيه فرق فا الفرق بسيط مش كبير زى فروق اوزان الجنوط

MMamdouh

اقتباس:

---

المشاركة الأصلية كتبت بواسطة MMamdouh

الاهم من كل دة وزن الجنط... اكيد الحديد و الالومنيوام اتقل من الكاوتش و الهوا يبقى الاهم الجنط

فرق المقاسات بتاع الكاوتش حنعتبره لم يغير فى الوزن عشان قصة جناب الكاوتش الاوطى اللى ذكرتها و بتقابل العرض الزيادة و كمان حنعتبر الهوا وزنة واحد لان حتى لو فيه فرق فا الفرق بسيط مش كبير زى فروق اوزان الجنوط

MMamdouh

---

:vctry:انا لو كتبت من هنا للسنة الى جاية كلام اشكرك فيه يبقا بظلم حضرتك لان مفيش كلام يوصف حضرتك ..
انا من رايى قدم الCV بتاع حضرتك لاى شركة عربيات وان شاء الله مش هيقولا لا ان شاء الله والف شكر:vctry:

اقتباس:

---

المشاركة الأصلية كتبت بواسطة MMamdouh

ابقى قوللى بتاع الكاوتش دة فين عشان عندى حاجة عايز اقولهاله ضرورى... بس بعد رمضان عشان الواحد ميفطرش

MMamdouh

---

:36_1_1[1]::khd:

شكرا على الموضوع يا باشا و دايما تفيدنا بمعلوماتك

انا كان لى استفسار لان عندى عربية هيونداى i10 سحبها كان كويس جدا على الكاوتش الاصلى مثلا الترس التالت كان عزمه عالى مع سرعات قليله زى 20-30 و الرابع بيسحب من سرعة 50... يمكن ده لان اقصى عزم للمكنة عند 2800 للفه و ده بيدى جر افضل... على الكاوتش الاصلى الفرامل كانت جامده جدااااا

المشكلة هى ان العربية ناشفه جداااااا و حصل خرم فى الكاوتش الاصلى kumho صينى مقاس 155/70-R13

فروحت غيرت الكاوتش لمقاس 175/70-ٌR13 يعنى على نفس الجنط.. و بالتالى العربية ارتفعت حوالى 1.5 سم بسبب زياده ارتفاع ال side wall و انا عارف ان الثبات ممكن يتأثر و اللى خلانى ارفع العربية انها واطيه من قدام و مش بعرف اركن عند اهبل رصيف بارز ارتفاعة 8-9 سم

لكن بعد تركيب الكاوتش العفشة بقت هايله و الاحساس بالمطبات و الحفر و النقر بقى افضل بكتييييير طبعا لان ارتفاع الكاوتش عمل damping و كذلك الثبات حسيت بتغير فيه و فى الملفات


المشكلة

1-ضعف ملحوظ جداااااااااااااااااااااا فى السحب اعتقد نظرا لان نصف قطر العجلة radius زاد و بالتالى القوة الدافعة قلت لقيمة عزم معين من المحرك هل الكلام ده صح

2-زيادة استهلاك البنزين كنت بعمل فى الاول 530-550 كم لكل 32 لتر دلوقتى مش بعمل اكتر من 450 مع تشغيل التكييف

3-قوة الفرامل قلت لكن لما احتاج لفرامل جامده العربية بتكلبش فى الارض و اعتقد دى من خواص الكاوتش و ايضا بحس بتعويم خفيف اعتقد لان ضغط الاطار الخلفى كان قليل عن الباقيين حوالى 25 psi


نوع الكاوتش good year ducaro GA تايلاندى و انتاجه 2009
DUCARO GA


سؤال اخير: لو ركبت سوبر تشارجر او تيربو هل التأثير على المكنه هيبقى مضر و بالذات انا غرضى زيادة العزم على السرعات المنخفضة يعنى اقل من 3000 لفه (بصراحه عايز سحب عربيه 1600 لان كان معايا 1600 و بعد ما ركبت دى اتعقدت)

انا اسف جدااااا على الاطاله و اعذرك لو مقدرتش ترد على... شكرا

بالنسبة للكاوتش فا انت حللت الموضوع بدقة... و اعتقد ان التعويم من الside walls الكبيرة و الارتفاع فى مركز ثقل العربية اكتر من انخفاض ضغط الكاوتش

بالنسبة للسوبر شارجر او التربو فا هو حيزود العزم و القدرة بس طبعا على حساب العمر الافتراضى للمكنة... مش معنى كدة ان المكنة حتموت بعد الفين كيلو لكن مش حتعيش نفس مدة المكنة العادية

MMamdouh

موضوع متميز
شكرا على الايضاح

ربنا يزيدك يابشمهندس محمد من علمه وتفيد الناس دايما
أنت من الناس اللى بحترم أرأهم ودا لأنو ناتج عن فهم وليس فتى زى بعض الناس تحيه وأحترام
ليه سؤال بسيط عند حضرتك
أنا كان راكب
عندى كاوتش مقاس 175/70/13 واليومين دول غيرت لمقاس
195/50/15 مع العلم ان المقاس المتاح من دليل الصانع هو 195/45/15 بس للأسف ملقتش المقاس دا من الكاوتش ويقال أنو نادر شويه غير أن عندنا مصر ما شاء الله عليها فى النقر والمطبات
المهم هنا هو السؤال
عداد سرعه العربيه عندى هيفرق بكام كيلو وهل هيبقى بالذياده ولا النقص واعتقد أنو هيبقى بالذياده مستنى رد حضرتك وشكرا مقدما

اقتباس:

---

المشاركة الأصلية كتبت بواسطة monmonmon

شكرا على الموضوع يا باشا و دايما تفيدنا بمعلوماتك

انا كان لى استفسار لان عندى عربية هيونداى i10 سحبها كان كويس جدا على الكاوتش الاصلى مثلا الترس التالت كان عزمه عالى مع سرعات قليله زى 20-30 و الرابع بيسحب من سرعة 50... يمكن ده لان اقصى عزم للمكنة عند 2800 للفه و ده بيدى جر افضل... على الكاوتش الاصلى الفرامل كانت جامده جدااااا

المشكلة هى ان العربية ناشفه جداااااا و حصل خرم فى الكاوتش الاصلى kumho صينى مقاس 155/70-r13

فروحت غيرت الكاوتش لمقاس 175/70-ٌr13 يعنى على نفس الجنط.. و بالتالى العربية ارتفعت حوالى 1.5 سم بسبب زياده ارتفاع ال side wall و انا عارف ان الثبات ممكن يتأثر و اللى خلانى ارفع العربية انها واطيه من قدام و مش بعرف اركن عند اهبل رصيف بارز ارتفاعة 8-9 سم

لكن بعد تركيب الكاوتش العفشة بقت هايله و الاحساس بالمطبات و الحفر و النقر بقى افضل بكتييييير طبعا لان ارتفاع الكاوتش عمل damping و كذلك الثبات حسيت بتغير فيه و فى الملفات


المشكلة

1-ضعف ملحوظ جداااااااااااااااااااااا فى السحب اعتقد نظرا لان نصف قطر العجلة radius زاد و بالتالى القوة الدافعة قلت لقيمة عزم معين من المحرك هل الكلام ده صح

2-زيادة استهلاك البنزين كنت بعمل فى الاول 530-550 كم لكل 32 لتر دلوقتى مش بعمل اكتر من 450 مع تشغيل التكييف

3-قوة الفرامل قلت لكن لما احتاج لفرامل جامده العربية بتكلبش فى الارض و اعتقد دى من خواص الكاوتش و ايضا بحس بتعويم خفيف اعتقد لان ضغط الاطار الخلفى كان قليل عن الباقيين حوالى 25 psi


نوع الكاوتش good year ducaro ga تايلاندى و انتاجه 2009
ducaro ga


سؤال اخير: لو ركبت سوبر تشارجر او تيربو هل التأثير على المكنه هيبقى مضر و بالذات انا غرضى زيادة العزم على السرعات المنخفضة يعنى اقل من 3000 لفه (بصراحه عايز سحب عربيه 1600 لان كان معايا 1600 و بعد ما ركبت دى اتعقدت)

انا اسف جدااااا على الاطاله و اعذرك لو مقدرتش ترد على... شكرا

---

على فكرة زيادة الارتفاع هتخلي عداد السرعة يقرا اقل من السرعة الحقيقية

مجهود أكثر من رائع يا باشمهندس

كنت عاوز أعرف وجهة نظرك فى مقاس الجنط ومقاس الكاوتش المثالى اللى يحل معادلة زيادة الثبات + تقليل الاحتكاك بالمطبات
المقاس الحالى 82t r13/70/175