الموضوع: كبوت الاوبترا

عل فكره اول مره اشوف ف مقارنه بين والاوبترا واليارس؟؟؟؟؟؟؟؟؟؟؟؟؟؟؟

لانها مقارنه غير عادله لاننا عشان نقارن لازم يكون ف اسس للمقارنه يعن عربيتين نفس السعه اللتريه ونفس الحجم وحجات تانيه

واعتقد ان الاوبترا عربيه عائليه واسعه كبيره 1600 واليارس العربيه الشبابيه الصغيره بتاعه شاب او اسره صغيره

يعن ف فرق كبير بين الاتنين وطبعا الفرق معروف لصالح مين

احنا غيرنا الموضوع تماما من زميل بيسأل عل الكبوت لمقارنه بين عربيتين

بداية انا ما قصدتش انى اقلل من شان اى من الزملا كل ما فى الموضوع انى بقول رايى فى عربية بصراحة وده من حقى فا ياريت اصحاب الاوبترا ما يخدوش كلامى على محمل تانى .
اما بالنسبة ان الياريس بتتميز على الاوبترا فى استهلاك البنزين فقط فده افتراء كبير
لان الياريس عربية ثابتة جدا وقد يزيد ثباتها عن الاوبترا
اقل فئة فى الياريس بتنزل بعوامل امان
الاوبترا موتور 1600 بس لا يستطيع ان يشد مع موتور الياريس
الياريس كاعتمادية اعلى بكتير عن الاوبترا
واخيرا يا استاذ حسام ان هسيب الجكم ليك انت وانا عارف انك راجل امين فى حكمك واقول لك انسى انك معاك اوبترا ورتب العربيات دى ترتيب تنازلى حسب قيمتها ,, الاوبترا .. الياريس .. الصنى .. السيراتو .. اللانسر 1600
وانا واثق لو كنت حيادى الاوبترا هاتيجى فى المرتبة الاخيرة
..... كل سنة وانت طيب

عموما الى يخلى الاوبترا قبل اللانسر يبقى طبيعى جدا ان الياريس تيجى فى اخر الترتيب !!!!!!
.... ده رايك وانت حر فيه

السلام عليكم
انا لما فتحت التوبيك ده عمرى ما فكرت ان الموضوع ها يسخن كده ودرجة حرارتة هاتعلى بالشكل ده والسبب فى ده اعتقد الاستاذ عبدالرحمن وطبعا راية يحترم لان احنا بنطالب حكوماتنا بالديموقراطية والمفروض نكون احنا ديمقراطيين علشان نحصل عليها المهم يا جماعة وحضراتكم معظمكم على خبرة كافية فى مجال السيارات ممكن ننسى كل المقارنات الى اتحطت فى نايل موتورز وبما ان العربيات الى الاستاذ عبدالرحمن ذكرها هى تقريبا اكثر العربيات فى الشارع المصرى فا ياريت كل واحد بعد ما يرتبهم يقول راية الفنى فى كل عربية وليه هو حطها فى الاول او فى الاخر
وكل سنة وحضراتكم طيبين

المشاركة الأصلية كتبت بواسطة just_magdy1

السلام عليكم
انا لما فتحت التوبيك ده عمرى ما فكرت ان الموضوع ها يسخن كده ودرجة حرارتة هاتعلى بالشكل ده والسبب فى ده اعتقد الاستاذ عبدالرحمن وطبعا راية يحترم لان احنا بنطالب حكوماتنا بالديموقراطية والمفروض نكون احنا ديمقراطيين علشان نحصل عليها المهم يا جماعة وحضراتكم معظمكم على خبرة كافية فى مجال السيارات ممكن ننسى كل المقارنات الى اتحطت فى نايل موتورز وبما ان العربيات الى الاستاذ عبدالرحمن ذكرها هى تقريبا اكثر العربيات فى الشارع المصرى فا ياريت كل واحد بعد ما يرتبهم يقول راية الفنى فى كل عربية وليه هو حطها فى الاول او فى الاخر
وكل سنة وحضراتكم طيبين

اولا انا هاحط اللانسر فى الاول لانها العربية التى جمعت تقريبا كل المميزات الى فى العربيات الى حضرتك ذكرتها من ثبات الى تسارع الى اعتمادية ...
تيجى بعدها الياريس لانها عربية تبدو صغيرة الا انها لا تقل فى الثبات والاتساع عن معظم العربيات دى
ومننساش انها عربية اولا يابانى وثانيا من اكبر شركات العالم فى السيارات والناس دى ما بتهرجش يا رجالة
ثالثا تيجى السيراتو (انا بتكلم عن الشكل القديم انما لو الجديد هاتيجى قبل اللانسر)
رابعا تيجى الصنى والى انا بعتبر لولا بعض عيوب الايدى المصرية وشكلها القديم كانت تبقى فى نفس مستوى اللانسر .
واخيرا الاوبترا لان العربية الى تتاثر برجل كلب او قطة لازم يكون ده ترتيبها .. وبرضة من غير زعل