تغير وش الابيزا 94

**Chucky** · 12-09-2009 09:33 AM

انا معايا ابيزا 94 و بفكر انى اغير الوش بتاع العربية بالوش بتاع الابيزا 98 ( الكشفات و الشبكة و الاكصدام ) بس سمعت ان لازم اغير الرفارف كمان

هل الكلام ده صح ولا لاء ؟

يا ريت اللى جرب الموضوع ده او يعرف حد جربه يقولى اذا كان الكلام ده صح ولا ممكن اغير الكشفات و الشبكة و الاكصدام بس

**mr_shims_49** · 12-09-2009 04:29 PM

انا ماجربتش بس اعتقد لازم الرفارف كمان عشان الوش كلوا يتقفل كويس حتة و احدة من غير ما يعدل في رفارف العربية
و استني رد العضو محمد ibiza50 هو ان شاء الله اكيد هايفيدك

**Chucky** · 12-09-2009 05:52 PM

شكرا ليك يا باشا على الرد و يارب الاستاذ محمد يقدر يفيدنى برضو

لحسن انا محتار جدا فى الموضوع ده

لان شوية ناس تقول لا مش بيحتاج يتغير الرفرف هو بيتركب علطول مكان الوش القديم و شوية ناس تقول ان لازم الرفرف يتغير

**mr_shims_49** · 12-09-2009 09:06 PM

العفو يا باشا علي ايه طب ما تشوف تكلفتها كام لو غيرت الرفارف و تكلفتها كام لو مغيرتش الرفارف لو الفرق مش كبير غيرهم و ريح دماغك و بردو نستني محمد نشوف هايقول ايه

**Chucky** · 13-09-2009 05:45 AM

هى يا باشا الفكرة مش فكرت فلوس لان انا كده كده هصرف

بس الموضوع و ما فيه ان لو ميحتجش يتغير يبقى بلاش اغيرهم علشان متبقاش مصاريف على الفاضى

و عموما ادينا فى انتظار رائى الاستاذ محمد برضو d:

**mr_shims_49** · 13-09-2009 04:18 PM

تمام طيب ادينا مستنين محمد

**ehab_mansour** · 13-09-2009 06:56 PM

السلام عليكم

انا عندي 98 وما غيرتش حاجه ولكن عندي نصيحة لك هقولها وربنا ينفع بيها
انت عشان تاخد وش صح للعربية واكنها نازلة بيه يبقي تروح تشتري ربع كامل وهو عبارة عن شبكة بالعلامة - فوانيس عادية - فوانيس شبورة - اكصدام والجزء الحديد اللي تحته بتثبيته بالقنطرة الحديد الي في وش العربية كمان وكله استيراد بحوالي 1500
نيجي بقه لموضوع الرفارف وانت بتشتري لو لقيت الفتحة اللي في الرفرف عندك تناسب فانوس الإشارة والتثبيت والمقاس يبقي تمام وان لم تناسب يبقي غير الرفارف كمان وهما مش غاليين يعني ممكن تجيب الإتنين استيراد كمان في حدود 300 جنيه وكده لو روحت لسمكري محترم يركبهم ياااااااااااااااااه هتلاقيها تحفة فعلا واكنها لسه جديدة
بس اهم حاجه تتفرج وتنقي كويس وانت بتشتري وتحاول تسقط علي ربع صح وانا شفت حاجات زي كده كتير في الحرفيين والله وش العربية اكنها ما مشيتش علي الأرض ومافيش فيه خدش وربنا يوفقك

**ibiza50** · 13-09-2009 08:32 PM

صديقى الايبزاوى
العربيه ال94 ممكن تتعدل انا بشوف ناس كتير عاملينها و اشهر ناس بيعملوها فى الحرفيين التعديل بيتم باحد طريقتين اما زى ما شرح المهندس ايهاب انك بتغير الصدر بحاله مع تغعديل بسيط فى الرفارف وبيكون كويس و شغال
و الطريقه التانيه انك بتعدل الصدر بتاع العربيه علشان تلائم اماكن تثبيت الاكصدام وهما اربع مسامير تثبيت اثنين من فوق و اثنين من تحت و اعتقد ان الفوانيس و الاشاره بتركب هى هى و بتغير طبعاً الشبكا الاماميه كلها

بس انا نصيحتى ليك انك تغر و تجيب ال98 او 99 احسن من التعديل و الفرق اللى هتدفعه يمكن يكون مساوى للتعديل او اقل طالما ان شكل ال98 عاجبك اكتر و هو فعلا احسن
و لعلمك العربيتين نفس القدره الحصانيه 50 حصان و الاتنين السرعه القصوى 160 كيلو متر /ساعه و ال98 فيها حجات كتير احسن من اول المفتاح بتاعها و عداد الكيلو متر الديجيتال و جهاز الانزار الاصلى و علبه الشرايط الاصليه و تعديل مستوى الاضائه للكشافات الاماميه و غيرها
دى نصيحتى ليك لان مهما عدلت مش هتكون مظبوطه 100%
و عموما انا تحت امرك لو عزت اى حاجه اى معلومه فى 98 و 99 انا تحت امرك
مع تحياتى
محمد مصطفى

**mr_shims_49** · 13-09-2009 09:24 PM

as i thought mohamed knows about what you are asking about

sorry for the english writing the keyboard isn't working :(

-

الموضوع: تغير وش الابيزا 94

LinkBack

أدوات الموضوع

عرض

-

-

-

-

-

المواضيع المتشابهه

استشاره فى تغير دفيره الابيزا 94

زيت الابيزا

رش الابيزا

بعد تغير القطعة في الفتيس mmtمفيش تغير نهائي

الى كل محبى الابيزا : بوادر الابيزا الجديدة

الكلمات الدلالية لهذا الموضوع

المفضلات

المفضلات

ضوابط المشاركة