افيو ولا نيو اكسينت please

**eng / AhmeD** · 03-11-2007 07:23 PM

fahd_628 كتب:
اقتباس:

OK MAN
SORRY...

لية يا باشا دة رأيك

و لولا اختلاف الأراء لبارت السلع مكنش حد اشترى افيو

+1

ايه يا رجاله هي الأفيو وحشة ولا حاجة؟؟
انتو أكيد بتهزروا
الأفيو مش فيرنا علي الاقل :D :twisted: :twisted:

**Sharky** · 03-11-2007 07:28 PM

نيو أكسنت لو مش فارق معاك توكيلها السئ (غبور)

**eng / AhmeD** · 03-11-2007 07:49 PM

الافيو اوسع من النيو اكسنت
عن تجربة

**Hesham A.Megid** · 03-11-2007 09:11 PM

[quote="eng / AhmeD"][quote]
ايه يا رجاله هي الأفيو وحشة ولا حاجة؟؟
[quote/]

And who said it's bad?!

PS: Sorry I don't have an Arabic keyboard at this time.

**Ahmed Anwer** · 03-11-2007 09:17 PM

ميزة اخري للنيو اكسنت

انها مستوردة بالكامل و ليست تجميع محلي

و شكلها لسه نازل سنة 2005 يعني مش هيتغير قريب

الأفيو شكلها هيتغير السنة القادمة و اللي عندنا هيبقي قديم

الأفيو تقارن بالفيرنا ( أشكال قديمة و تجميع محلي ) ،، النيو اكسنت أحدث

**bassam nagy** · 03-11-2007 10:06 PM

ميزة اخري للنيو اكسنت

انها مستوردة بالكامل و ليست تجميع محلي

دى لوحديها تغنى عن الافيو.. موتور الافيو 1500 سى سى 83 حصان موتور النيو اكسنت 1600 سى سى 112 حصان ;)

**sh_masry** · 03-11-2007 10:23 PM

فى رأيي الشخصى الأثنان بهم عيوب صغيره و من الممكن تفاديها .... بغض النظر عن المقارنات من حيث قوه الموتور او السحب الأفيو علبه الدريكسيون بتاعتها ضعيفه جدا و بتتغير فى حدود كل 25 الف كيلو ...
اما النيو اكسنت فعفشتها ضعيفه و مسمار النص ( مسمار الأتزان اللى عند الكاوتش الخلفى ) دايما بيفك و يقع و ده بيخلى العربيه تعوم جامد و لابد من تربيط العفشه حوالى كل شهر .
و دى العيوب اللى اتلاحظت فى العربيتين .

**running_man** · 03-11-2007 10:34 PM

مع احترامى لكل الهيونداويه
أفيو طبعا
المواتير شبه بعض يعني مش فرق 50 سنة مثلا......
الافيو عزمها عالى عند دورات منخفضة و دى نقطه حلوة جدا...
لو سقت الاثنين هاتحس ان الأفيو أقوي واستجابه الموتور أسرع
الفرق لصالح الأكسنت هيكون في التوب سبيد بس والسحب بعد ال160
غير كده هاتحس ان الأفيو أحسن من جميع النواحى ..تكييف عفشه شياكه وسع الصالون
و متهيألي حتة مصرى دي عند منصور هتكون مختلفة عن غبور و عملته مع الفيرنا لو ده اللى قالقك
أكيد حيراعى مستوى الجوده....و علي فكره المصنع كله تحت اشراف كورى صارم...
يعنى مش زى لانوس و أبو الفتوح مثلا...
و لو لفيت في المعارض شويه ممكن تلاقى أفيو كوري و تبقى ريحت بالك..
بالنسبه لاستهلاك البنزين الأفيو عالى شوية بس الأكسنت ال 1600 عالي برضه
و فى نقطه مهمة ......ان مواتير
GM Daewoo
أثبتت عمر افتراضى طويل جدا و بص علي أي لانوس في الشارع ... كفايه انها متصممه في أوبل
مواتير الهيونداي فى الحته دي أثبتت عمر افتراضى قليل نسبيا.......أكسل و اكسنت القديمه
لما قسنا كبس الموتور بتاع فيرنا بتاعت صاحبى 2004 طلع 69 في الميه
و أخيرا الهورس باور مش كل حاجة
و ابعد عن غبور و غنيله

**running_man** · 03-11-2007 10:38 PM

:D :D علي فكره علبه دركسيون ايه اللى بتتغير عند 25000
اكيد دي عامله حادثه

**Ahmed Anwer** · 03-11-2007 11:25 PM

متهيألي حتة مصرى دي عند منصور هتكون مختلفة عن غبور و عملته مع الفيرنا لو ده اللى قالقك

بخصوص النقطة دي الصحفي صاحب الآشاعة ،، اعتذر في العدد اللاحق ،،

و أنا سألت ناس في غبور قالولي إشاعة ليس لها أساس من الصحة ، الناس دي نفسها بتقول علي حاجات تانية مش كويسة في غبور ،، يعني محايدين

بس إحقاقا للحق لو هاختار ما بين فيرنا و أفيو هاختار الأفيو لأني بقدر الإناقة و الأفيو أشيك بمراحل خاصة الصالون

بس الموضوعية لو هقارنها مع النيو اكسنت اختار النيو اكسنت عشان أحدث

ممكن تتابع مواضيع العضو analyzer عن تحمل الفيرنا مقارنة بالدايوو عشان هوا عنده مكتب إيجار سيارات

و برده الإكسنت 2003 اللي هيا الفيرنا عندنا واخدة المركز الثاني كأكتر سيارة إعتمادية في فئتها في أمريكا بعد الإيكو و ده أكثر تقييم واقعي للسيارات إحتراما JDPOWER و بيتم بعد ثلاث سنين من استخدام السيارة يعني سنة 2006

http://www.jdpower.com/corporate/new...spx?ID=2006133

في فئة Sub_compact

و برده عشان نقول كل المعلومات الأفيو المركز الثاني في أمريكا في المبيعات بعد الياريس و النيو اكسنت في المركز الثالث

الأخ صاحب الموضوع ، متتردتش كتير ، المعلومات كلها عندك ، و متخافش الفروق بينهم بسيطة يعني مش هتحس في يوم إنك جبت 128 و كان ممكن تجيب بي إم