الموضوع: أسعار الكماليات اللي مبتنزلش مصر في الابيزاو الكوردوبا

المشاركة الأصلية كتبت بواسطة masterzmind

مشكووووووووووووووور اوى يا باشا هوة ينفع فى التوكيل تعمل بادى كيت اوى ممكن تجيب exhust system من بارة والتوكيل يركبهولك ولة ملوش فى الحكاية دى ....... سؤال تانى معلش .. هوة ازاى الزينون يسيح دراع النور وارجو توضيح اة دراع النور دة والكتوات دى اركبها امتى وبتعمل اة ... معلش تعبتك معايا ........ وشكراااااااااااااااا

العفو يا باشا علي ايه
بص اولابالنسبة لل exhust system ماعتقدش انهم هايردوا يركبوا لكن ممكن يجبولك الاوريجنال لأن سيات بتنزل sport exhust system

ثانيا بالنسبة للبودى كيت مش عارف بيتهيالي مفيهاش مشكلة ماعتقدش انهم هايقولوا لأ بس لو انت ناوي بجد قولي وانا اسألك المهندس مينا و قولي هاتجيب منين عشان ممكن اجيب معاك

ثالثا الزينون ياسيدي بيسيح دراع نور لأنه بيبقي حمل علي الأسلاك اللي في دراع النور فا بتسيح الكتاوت ده مهمته بقي بينظم مستوي الكهربا اللي طالع من دراع النور للمبات و العكس يعني كمان بينظم مستوي الكهربا اللي راجع من اللمبات للدراع و دي تركبها قبل ما تركب الزينون

ولا تعب ولا حاجة انا تحت امرك في اي استفسار

المشاركة الأصلية كتبت بواسطة mr_shims_49

السلاموا عليكوا

انا كنت في التوكيل النهاردة و سألت عن اسعار شوية حاجات نازلة في الابيزا و الكوردوبا بره مصر و مش نازلة في العربيات اللي بتنزل هنا

و دي اسعار الحاجات دي

اولا : حامل الاكواب اللي هو مكانه فوق الكاسيت و قافلينه بطابة كده cup holder و سعره 250 جنيه

ثانيا : فوانيس الشبورة الاصلية و دي بتتغير هي و البكرة بتاع النور الواطي و سعرهم حوالي 1900 بالتركيب

ثالثا : شاشة البيانات و كوميوتر الرحلات و مثبت السرعة و دي بيتغير فيها الكنترول يونيت و دراع النور و كل ما يلزم لذلك و السعر بشكل تقريبي يعني المهندس مينا ماكنش عارف التكلفة كام بالظبط بسقالي حوالي 10000 جنيه عشان الكنترول يونيت و كده

رابعا : كنت بساله لو زينون قالي لأ مش بنركبه لأنه بيسيح دراع النور و ده فعلا معلومة صحيحة لأن واحد صاحبي معاه ابيزا 2008 و ركب زينون و فعلا سيحله دراع النور فالمهندس مينا قالي مش بنركب غير الزينون الاصلي اللي سيات بتنزله و قالي ان ده صعب اوي حد يطلبه لأنه سعره غاليو بيتغيرمعاه الفوانيس و كام حاجة كده كمان قلتله طيب الزينون الاصلي ده بكام قالي لأ ده بيتكلف بكل مشتملاته بالتركيب حوال 17000 ايوا مش 1700 لأ 17000
قولتله لييييييييييييييه ضحك

....* ملحوظة عندي معلومة و عن تجربة احد مالكي الابيزا برده و انا عن نفسي ان شاء الله هاعملها في عربيتي اللي عايز يركب زينون يركب كتاوت علي دراع النور و النتيجة مضمونة باذن الله

اول صيانة حوالي 550 جنيه و بيتم فيها تغيير زيت و فلتر و تربيط عفشة ووضع السيارة علي الجهاز للكشف و مراجعة عامة علي التكييف و دورة التبريد و بتكون عند 5000 كيلو بس انا لسه مكملتش 5000

ارجو اني اكون افدتكم و اسف للإطالة

تحياتي للجميع
سامح محمد

أولا جزاك الله خير يا سامح على المعلومات دي

ثانيا انا شايف الاسعار مبالع فيها جداااااااااااا

الكب هولدر ممكن يبقى تمنه كده لأني شفت واحد في السيراتو جايب Ash Can ب 200 جنيه

إنما الفوجات ب 1900 كتير و المفتاح نفسه مش هايتغير و لا حاجة لأن هو فعلا فيه التكة بتاعة فوانيس الشبورة (بتخرج الزرار لبره و تلفه)

كمان حكاية تغيير الكنترول يونيت و الشاشة دي حوار شكله فكسان أخر كلام .. لأن نفس الشاشة هي اللي بتعرض المعلومات الزيادة و الموتور الواحد بينزله كنترول يونت واحدة .. يعني لو كان قال مثلا هايركبوا حساسات و يظبطوا السوفت واير منا قلنا ماشي لكن الحوار بتاع تغيير الشاشة و الكنترول يونيت بصراحة شكلها مش مظبوط أبدا

أخر حاجة .. زينون ب 17 ألف ؟؟ أهي دي بقى اللي مشمعناش عنها و لا في طبق اليوم .. شكله كده كان بيريح دماغه عشان مش عاوزين يركبوهم

أصل معنى كلامه لو العربية كانت بتنزل فيها مثبت سرعة و كمبيوتر الرحلات و الشبورة و الزينون كان هايبقى تمنها 139 ألف للابيزا و 144 ألف للكوردوبا هههههه.

طب ما الليون فيها كل ده و أكتر و 145ب ألف جنيه!!!!!!!!!!!!!!!!!

المشاركة الأصلية كتبت بواسطة beihoo

إنما الفوجات ب 1900 كتير و المفتاح نفسه مش هايتغير و لا حاجة لأن هو فعلا فيه التكة بتاعة فوانيس الشبورة (بتخرج الزرار لبره و تلفه)

لأ يا محمدي بتاع الشبورة اللي في الفانوس الخلفي بص جرب كده شغل النور عادي و انزل بص علي الفوانيس اللي ورا و بعدين خرج الزرار و لفه زي ما بتقول قتلاقي في لمبة زيادة نورت في الفوانيس اللي ورا

بص يا باشا الابيزا و الكوردوبا اصلا بينزلوا بره بجنوط 16 و 17 فا عادي جدا انك تركب 17 بس نصيحتي ليك اختار جنط مايكنش وزنه تقيل

انت بتطلبه منهم و هما بيجبهولك بس بصراحة مش عارف سعره