مبروك يا دكتور شامل على التيجو و يجعلها وش السعد عليك و يباركلك فيها :satelite:
متنسناش بقى فى تقييم مفصل و شوية صور كدة :E_braces[1]:
عرض للطباعة
مبروك يا دكتور شامل على التيجو و يجعلها وش السعد عليك و يباركلك فيها :satelite:
متنسناش بقى فى تقييم مفصل و شوية صور كدة :E_braces[1]:
براحة بس ومتعصبش نفسك. (أنا بهزر معاك طبعا)
وقولي أخبار ال m11 أيه مافيش حد جابة لحسن العربية دي عجباني جدا ولو عندك أي فكرة عنها او تقرير او تجربة قيادة ولا حاجة يا ريت تقولنا عليها (((عندا في اللانسر)))
هههههههههههههه
الناس الى بتهاجم الصينى عايزة لما تظهر مشكلة انها تعدم التوكيل وتعدم المشترى لانة اشتراها
وكمان الناس مش متقبلة ماركة او شكل جديد فى السوق يعنى مثلا الربنو لوجان كمية التريقة الى عليها علشان بتتقارن مع الفيرنا والانوس
اى واحد معرفش حتى شكل اللوجن يقولك دى الفيرنا برقبتها دى الانوس تديها بالشبشب
انا الى اعرفهم معاهم صينى بيشكروا فية وتمام
على فكرة انا معنديش لوجان ولا حاجة انا اصلا مش موجود في مصر خالص بس كلها كام شهر وانزل اشتري ومحتار جدا عاجبني شكل ال m11 وكماليتها وسمعت عن اختها الa516 كل خير وكمان سمعت انها نفس الموتور والعفشة بس ناقص ان حد يقولنا عنها تجربته وكالعادة الحاج في البيت بيحاول يقنعني بلاش الصيني (نفس المشكلة)
دكتور شامل الف مبروك على التيجو
رايك كويس جدا ومحترم جدا
ياجدعان انا والله ماعندى عربية صينى ....... انا معايا لانسر بومة 2007
بس انا شغلتى مهندس كهروميكانيك ( والاكتر كهرباء عن الميكانيكا )
وشغال فى بعض ادوات الاستيراد والتصدير
وجربت الصين وتعاملات الصين
وزى ماقال الاخ Hacker الفوانيس والشخاليل حاجه والعربيات حاجه تانيه خالص
نرجع شويتين بالذاكرة ( مع انى مش كبير اوى )
كان معنى العربية فى مصر المانى او امريكى ... وده كان على السبعينات كده والى سنه يوصل للمرحلة دى اكيد هيصدق على كلامى
فجاه جت حاجه اسمها عربية يابانى .... كله قال ازاااااااااااى اجيب عربية يابانى !!!!! دى مسخره .... اسيب المانى واركب يابانى .......... وكلها كام سنة واليابانى اثبت وجوده بموديلاته المعروفه
على التمانيان كده طلع فى المقدر حاجه اسمها كورى ......
كل الناس قالت اسيب الالمانى واليابانى الممتازين ونركب كورى .... دى مهزلة طبعا ( وخدوا بالكوا من حته انهم ضموا اليابانى مع الالمانى فى نفس الميزان بعد ماكان اليابانى ده زباله )
لفت الدنيا ودارت الايام وبقينا دلوقتى نتمسح فى الكورى ..... والناس تقول مافيش اسيب الالمانى واليابانى والكورى واركب صينى ....... دى مهزله
ونلاحظ هنا برضه ان الناس دلوقتى حطت اليابانى والكورى فى نفس كفة الالمانى
ياجدعان نفوق .... كلها كام سنه ونقول ( اسيب الالمانى واليابانى والكورى والصينى ... واركب عربية متجمعه فى زحل او المريخ )
هى دى الدنيا ..... الصين قادمه ..... او بمعنى اصح جت خلاص .....
نفوق ونشوف الدنيا .....
وللمرة التانيه انا معنديش عربية صينى ولا اى حد من عيلتى عنده صينى ( لحد دلوقتى )
بس فعلا انا معجب بيها وحتى لو مش معجب لازم اسمع لكل الاراء
بلاااااااااااااااش تقفيل الدماغ
فعلا مكدبش الى قال :
لما جه ربنا يقسم الارزاق ... مفيش حد عجبه رزقه
ولما جه يقسم العقول ... كل واحد عجبه عقله
افضل كلام قولتوا والله الواحد ولا يحكم بكلام الناس او اراء الناس يجرب ويسال ويشوف المستوى بتاع العربيات مع ملاكها فى التوكيل وبعد كدة يقرر يشترى لاكن مينفعش اسمع كلام ناس مجربتش العربية حتى او ساقتها اسبوع او شهر اللى تسالة يكون عامل بيها سنة اتنين عامل بيها كذا كيلوا واللى ملاحظوا الانتشار الواسع للاسبيرانزا بكل موديلاتها وانا ساكن فى مصر الجديدة فى منطقة حيوية وبشوف الاسبيرنزا كتييييير
كلام معقول جدا
ليه عارف اني لو ربنا كتبلنا عمر .. كمان 5-7 سنين .. حضحك ضحك علي المواضيع دي ...
بجد حضحك ضحك !
ناس راكبة سوبارو و فولكس فاجن و شيفورليه و سكودا موديلات فوق ال 2000 .. جربوا العربيات , اشتروها , عايشين بيها , بيسافروا بيها و مقالوش انها احسن من الكوري و لا الياباني و مقالوش انها احسن سيارة في العالم ,,ولكنها مادية غرضها بدون مشاكل كتير و بدون " سحلة " سعر كبيرة !
معظم الي بيهاجموا الصيني ( معظم مش كل ) مضايقين علشان عربياتهم اليابانية و الكورية و الالمانية الفارهة الي ب 100 الف جنيه و انت طالع .. معظمها فارغة حتى من ابسط كماليات و ابسط وسائل الامان بصرف النظر عن كون العربية امنة او لآ ..
يعني واحد راكب بيكانتو و يقولك يا عم الa113 دي اي كلام ده ال abs بتاعها اي كلام ! و البيكانتو بجلالة قدرها .. اغلى فئة موجودة في مصر مفيهاش abs !
طب روح اتشطر علي التوكيل ولا الموزع الي ضحك عليك !
حتقولي اه بس البيكانتو مثلا جسمها و صاجها اقوى من الاسبرانزا حقولك ماشي .. بس علي الاقل المصنع الصيني الي انت بتقول انه بيضحك عليك منزلك ابسط وسائل الامان الي بقت " برة " ستاندارد !
ماشي ممكن لسة تعبانة في الاول . .بس ياريت تقارن اول سيارة نزلت عندنا ( الجيلي الفروتاه الي انا متقق 100% انها زبالة ) مع مثلا التيجو او الاسبرانزا .. حتلاقي انهم نطوا بتاع 5 سنوات قدام في سنتين تلاتة !
شكرا انا عارف اني بضيع وقتي و لا كاني قولت حاجة .. كملوا هجوم .
و انا معنديش عربية صيني برده :)
ارجو من الاخوة الذين يستشهدوا ببيع الصيني مستعمل بعد استخدام بسيط كدليل علي الرداءة !!! ارجو ان يتابعوا بنظرة اوسع و اعمق سوق المستعمل و لا يكون عينهم فقط علي اهوائهم الشخصية
كمثال علي عدم تعمقهم كما هو حالهم عند الهجوم دون بينة,طالعوا وسيط الجمعة الاخير
9 سيارات لانسر 2008 للبيع
5 سيارات لانسر 2009 للبيع
اكثر من الاثنين سيارات لانسر 2007-2006 للبيع
هذا فقط مثال...........عندك بقي الصني و الهيونداي و الكيا و الميجان و البيجو و غيره كثير و كلهم اخر موديل
استحلفكم بالله الحيادية و التجربة و التمهل
لو رأيتم مصانع السيارات فل الصين و التكنولوجيا و اللحامات بالليزر و المقاييس الجديدة العالمية(طبعا في الشركات الكبيرة فقط مثل الشيري) سوف تعرفون انه ليس من حقنا الان الحكم الاعمي
القفزات عند الناس دي السنتان في ستة شهور........و احنا قاعدين نشيش و نلعب استيميشن و نقول "الصيني وحش"
و عجبي
اراكم علي خير