الموضوع: ايه رايكوا فى دايو ماتيز

المشاركة الأصلية كتبت بواسطة نور القمر

لو عرضت الموضوع في قسم داايو هاتلاقي اراء وردود افضل من هنا

شكرا ليك

و الله انا بفكر فعلا فى الماتيز (لان البيت عندى محتاج عربية صغيرة ) والعربية دى مع احد اصدقائى المقربيين من سنة ونص و هقولك شوية نقط عنها

1- العربية دى سافرنا اسكندرية بيها صدة ردة فى نفس اليوم ب 23 لتر بنزين 92 باللف فى الاسكندرية

2- العربية انا سقتها مرتين وسواقتها لذيذة وجبت بيها سرعة 110 لدقائق معدودة ومكملتش علشان حسيت الدنيا ريشة فى هواء

3- صاحبى اكدلى انه جاب بيها بالقرص على الغيارات 145 كم

4- سفرية الاسكندرية كنا قاعدين 5 اشخاض فى العربية وكنا مرتحين والعربية من جواه واسعة وخصوصا من قدام لكن من وراء ضيقة سنة

5- تكيفها ممتاز بس طبعا بيخد جزء من سحب العربية

6- بتقبل بنزين 80 وعن تجربة بس السحب بيقل شويتين

7- مرة صاحبى عمل حادثة بيها والاكصدام اتكسر و روحنا نلحمه . بعد فك الاكصدام لقينا بار حديد تخين تحت الاكصام لحماية صدر العربية

8- العربية تجميها حلو واستجابتها لظغط البنزين ممتاز

9- سهلة جدااااااااااااااااااااااا اااااااااا فى الركنة وعربية مدينة ممتاز

نقط الضعف

1- صاجها ضعيف جدا جدا

2- حوضها ضيق جدا ( ثلث الموتور تقريبا تحت التابلوه )

3-ثباتها ضعيف ومن راى اخرها اوى 90 - 100

معاها فى نفس الفئة السعرية عربيات تانية : اونو , برايد , ماروتى

مميزاتها عنهم

1- بتنزل بتكيف اساسى وفتح الشنطة والبنزين من الداخل وشوية حاجات تانية و اوبشن اختيارى باور

2- انجكشن مش كاربيتير

3-تابلوه حديث نسبيا عن الموديلات سابقة الذكر

4- العربية من جوه بتحس انها بتميل للعربيات الحديثة عكس الماروتى والبرايد

قطع الغيار

صاحبى فى الفترة دى محتجش غير سيركاتينة وفوانيس اشارة امامية ( جديد ) وفبرة تحت الفانوس نتيجة الحداثة و ميعرفش اىمعلومات عن توافر ضفيرة كنترول رشاشات وش سلندر بساتم .............

اللى قفالنى من العربية

1- محدش عنده معلومات عن قطع غيارها ولا اسعارها ( والكل بيقول مش متوافرة )

2- كنت فى دايو ابورواش من اسبوع ولقيت واحدة التراب مغطيها و لما سالت السبب طلع بيدورلها على كارتة

3- سالت التوكيل عن توافر قطع الغيار قال مش كلها عندى

معلش انا طولت عليك بس كنت عاوز اديك ملامح اساسية عن العربية

وياريت يا رجالة الدايو حد يكتبلى نمر و عناوين محلات قطع غيار الاستيراد او ابو هاشم لانى مش ناوى اخد على كلام الناس وعاوز اسال بنفسى عن توافر قطع الغيار واسعارها

ومعلش طولت عليكوكل سنة وانت طيبين

انا كنت لسه سهران مع صاحبى على الماسنجر وقالى جاب الشنب بتاع الفانوس ب 20

وقبل كده اسطوانة وديسك من المنير 160 . قطع الغيار الجديدة متوافرة لكن الاستيراد و القطع بتاعت المحرك معندوش اى معلومات عليها

ودى شويت معلومات عن العربية


http://en.wikipedia.org/wiki/Daewoo_Matiz

شكرا يارجاله على الردود
بس لو العربيه وحشه فعلا ترشحولى ايه فى نفس فئتها يعنى اونو مثلا ولا برايد ولا ميرا 99 ؟
ولا اختيارات تانيه

انا شايفها عربية شغالة وعلى قد مشواير الشغل وكدة
واحسن من موديلات شبيهة بس نقطة قطع الغيار معرفش عنها حاجة
بالنسبة للميكانيكا فى ناس شغالة فى الدايو عموما اساتذة ماتيز بجد
وليا زميلة كانت معايا فى الجامعة كانت معاها وكانت مريحاها ومش بتشتكى منها بس قلبت على جيتز

المشاركة الأصلية كتبت بواسطة abzoabzo

ابعد عن الشر وغنيله عربية فاشلة وبتجيب مواتير
على طول واغلبية الميكانيكيا بيتخنقوا من شغلها

هو موتورها صغير و مش بتاع قرص

كتر القرص اكيد هيهلكه

المشاركة الأصلية كتبت بواسطة zocor742

انا شايفها عربية شغالة وعلى قد مشواير الشغل وكدة
واحسن من موديلات شبيهة بس نقطة قطع الغيار معرفش عنها حاجة
بالنسبة للميكانيكا فى ناس شغالة فى الدايو عموما اساتذة ماتيز بجد
وليا زميلة كانت معايا فى الجامعة كانت معاها وكانت مريحاها ومش بتشتكى منها بس قلبت على جيتز

وانا شايف كده

هى عربية مدينة من الدرجة الاولى وممتازة فى الزحمة لكن فى السفر لا......... خفيفة