لا لأبو الفتوح ... توكيل سوق الخضار

**A.Lotfy** · 13-09-2009 03:35 PM

أنا حجزت تيجو يوم 8-8-2009 مع موزع في المنصورة والموزع ناس محترمين جدا والله
بس المشكلة مفيش عربيات دلوقتي ومش عارفين المصنع هيسلمهم امتى
انا مستعجل على وجود عربية فاتصلت بالموزع النهاردة الموزع قاللي ممكن العربية تتأخر لبعد العيد وممكن بكرة الله أعلم لأن مفيش عربيات دلوقتي
قولت أتصل انا بالتوكيل مباشرة زي أي وكيل بيبقى عنده فكرة مثلا العربيات هتطلع على امتى
اتصلت برقم اسبيرانزا 19227 حولوني للفرع الرئيسي - المعادي
وناس قمة في قلة الذوق والتناحة وما اتعلموش يعني ايه يكلم مع ناس

وفي الآخر يقولي "انت عارف انت بتكلم مين احنا فرع المعادي الرئيسي مالناش دعوة احنا بالموزعين فيه رقم تاني اتصل 19227 يدولك تليفون البيع الغير مباشر"

انا دمي اتحرق ومش عارف ممكن اتعامل مع أشكال زي دي إزاي
ده انا كده ولسه ما اشتريتش امال لما اشتري هيعملو فيا ايه

أنا بجد بافكر اسحب فلوسي وادفعها في عربية أنضف وناس محترمة
هما الظاهر فاكرين انهم لسه بيبيعو bmw نسيو الفضايح بتاعتهم

ضيعولي شهر ونص في كلام فاضي

أنا مش باقولكو غير الموزع قاللي ممكن العربية أستلم بعد العيد لأن مفيش عربيات دلوقتي
اتصلت برقم اسبيرانزا 19227 حولوني للفرع الرئيسي - المعادي
وناس قمة في قلة الذوق والتناحة وما اتعلموش يعني ايه يكلم مع ناس

وفي الآخر يقولي انت عارف انت بتكلم مين احنا فرع المعادي الرئيسي مالناش دعوة احنا بالموزعين فيه رقم تاني اتصل 19227 يدولك تليفون البيع الغير مباشر

انا دمي اتحرق ومش عارف ممكن اتعامل مع أشكال زي دي إزاي
ده انا كده ولسه ما اشتريتش امال لما اشتري هيعملو فيا ايه

أنا بجد بافكر اسحب فلوسي وادفعها في عربية أنضف وناس محترمة
هما الظاهر فاكرين انهم لسه بيبيعو bmw نسيو الفضايح بتاعتهم

الخلاصة أسحب الحجز واشوف حد تاني ولا استنى معاهم ودول حاجة والخدمة حاجة تانية

**أحمد كمال** · 13-09-2009 03:53 PM

لا حول و لا قوة الا بالله

مش عارف الناس اللي بتتعامل مع المشتري كده ازاي؟

اللي هو مصدر رزقهم

و السوق نايم و الحالة كرب

امال لو السوق ماشي هيعملوا ايه؟

هو ليه الوضع مقلوب في كل حاجة كده؟ برة بيفرشوا الارض ورد مش رمل للمشتري

حسبنا الله و نعم الوكيل

**Hacker5** · 13-09-2009 04:52 PM

معلش استحمل لان العربية عليها طلب كتير
يا اما تسحب فلوسك و تجيبها من اى معرض 82 الف
يا اما تشوف حاجة تانية فى نفس السعر

**mohamadika85** · 13-09-2009 08:24 PM

نصيحه اخى العزيز ابعد عن ابو الفتوح
انا عندى مشاكل كتير فى a113
والتوكيل لا بيحل ولا بيصلح
ولو حل مشكله بعد ايام ترجع تانى
دى نصيحة مجرب داخل على سنه معاهم

**A.Lotfy** · 14-09-2009 12:18 PM

انا فعلا بافكر اسيب العربية اللي شككلها حلو وادور على حاجة الناس عارفاها وموجودة قطع غيارها برة زي النيسان الصني مع اني باكره شكل الinterior فيها وكمان ضيقة للي قاعد ورا بس ب 86 ومضمونة ومعروفة بتتباع

**bayoumisoft** · 16-09-2009 03:48 AM

ها تبقا غلطان لو اشتريت اية عربية صينى وبالذات العربية دى

**bedoo100** · 18-09-2009 01:12 AM

ياجماعه العربيه التيجو نازله ب 80.000 و بها كماليات كثير جدا مع حجم كبير و الطلب عليها كبير جدا فطبيعي ان التوكيل يتنك عليك لانهم عارفين انه لو مبعلكش هيبيع لناس كتير غيرك حاجزين و بيحلموا بيها و كفايه ان تمنها وصل بره في الاوفر ل 84500 وكل ده احنا السبب فيه مع ان توكيل ابو الفتوح من اسوأ التوكيلات الحاليه علي الاطلاق و كمان العربيات اللي بيقدمها تعتبر لسه كلها تحت التجربه

و احسبها شوف كام واحد حاجز العربيه ب30.000 مقدم حجز يعني بجد لو 5000 واحد حاجزين يبقي لموا كام؟؟؟؟
بالظبط يبقي لموا 150 مليون يا جماعه و لسه معملوش حاجه يعني و الله لو اتحطوا في البورصه شهرين اليومين دول يخلوهم ملوك و بعد شهرين يرجعوا الفلوس و عليها بوستين كمان ونبقي اتعاونا معاهم زي الفل و لا جهاز مخابرات اسرائيل في مسلسل جمعه الشوال