أوبل تدخل عالم التهريج بسيارتها الجديدة امبيرا

**bahaahssn** · 13-09-2009 03:43 PM

كشفت شركة اوبل ، عملاق صناعة السيارات الألمانية النقاب عن سيارتها الجديدة امبيرا صديقة البيئة، التي تشبه إلى حد كبيرة السيارة الأميركية "تشيفي فولت". ومن المقرر أن تطرح السيارة الجديدة في الأسواق الأوروبية في غضون عام.

وقالت شركة اوبل إن السيارة امبيرا التي تعمل بالكهرباء ستتيح القيادة لمسافة 60 كيلومتراً يومياً والتي يحتاجها معظم ركاب الضواحي، وتعمل السيارة التي يبلغ قوة محركها الكهربائي 111 كيلو واط، ببطارية على شكل حرف "تي" مثبته على أرضية السيارة .

وفي حال فراغ الشحن من البطارية، فإن السيارة ستتحول للعمل بمحرك بنزين عادي سعة 1.4 لتر، مما يزيد مداها إلى 500 كيلومتر،

و تحقق زمن تسارع من صفرالى 100 فى اقل من 9 ثوانى و عزم فورى يصل الى 370 نيوتن

اتركم مع الصور المرفقة

ملحوظة : العربية دى متنفعش للى لسة مدخلهومش كهربا , أو للى معندهمش مشترك طويل فى البيت

**asbeats** · 13-09-2009 04:16 PM

شكرا لحضرتك على الموضوع
لكن...
انا بجد مش فاهم ايه التهريج في كده؟

**Hesham256** · 13-09-2009 04:29 PM

الموتور ال1400 سي سي بيستهلك 1.5 ليتر/100 كيلو و ده عشان يشحن البطارية!!!
و سرعتها القصوي 160 كيلو!!!!!

**bahaahssn** · 13-09-2009 04:41 PM

1400 سى سى 370 نيوتن يبقى تهريج ولا مش تهريج
بعد كدة مش هيكون فى حاجة اسمها بنزين هيكون موجود بس عشان يدور العربية فى الأول او يساعد فى شحن البطارية فقط و الكلام دة كله هينتشر فى العالم كمان سنة
ده غير ان العربية تصميمها ثورى
و كمان هية مش هيبرد زى العربيات المجودة ديلوقتى جرى تطويرها على تكنولوجيا Voltec التي تعتمد على بطاريات الليثيوم أيون وتسمح بقيادة السيارة 64 كيلومترا بالاعتماد على الطاقة الكهربائية وحدها. وفي حال نفاذ الشحن ستدب الحركة في محرك بنزين صغير ليعمل كمولد كهربائي لشحن البطاريات خلال قيادتها.
يبقى هو ده التطوير الحقيقى و حلم لأى مالك عربية
و كمان مالهاش ادنى صوت

**Hesham256** · 13-09-2009 05:25 PM

المشاركة الأصلية كتبت بواسطة bahaahssn

1400 سى سى 370 نيوتن يبقى تهريج ولا مش تهريج
بعد كدة مش هيكون فى حاجة اسمها بنزين هيكون موجود بس عشان يدور العربية فى الأول او يساعد فى شحن البطارية فقط و الكلام دة كله هينتشر فى العالم كمان سنة
ده غير ان العربية تصميمها ثورى
و كمان هية مش هيبرد زى العربيات المجودة ديلوقتى جرى تطويرها على تكنولوجيا voltec التي تعتمد على بطاريات الليثيوم أيون وتسمح بقيادة السيارة 64 كيلومترا بالاعتماد على الطاقة الكهربائية وحدها. وفي حال نفاذ الشحن ستدب الحركة في محرك بنزين صغير ليعمل كمولد كهربائي لشحن البطاريات خلال قيادتها.
يبقى هو ده التطوير الحقيقى و حلم لأى مالك عربية
و كمان مالهاش ادنى صوت

بس هتبقي غالية جدا و مش هتنفع لمصر
و علي فكرة هي أول عربية كهرباء بالقوة دي