اداء نيسان صينى على طريق مصر اسكندرية

**AHMADKAMAL1** · 14-09-2009 01:18 AM

سافرت انا و اصحابى يوم الجمعة الى الأسكندرية على الطريق الزراعى ودى كانت اول مرة اسافر بيها بالنيسان صنى سوبر صالون بصراحة اداء العربية بهرنى والعربية كنت بدوس بيها عى 160 وعرفت قيمة العربية النيسان ثبات خرافى وسحب رهيب وعلى فكرة العربية كانت عاملة 2000 كيلو فقط وخارجة من التلين وحصلت مفاجاءة على الطريق كان فى مطب رخم فوق كوبرى من غير اى تنبية والعربية طارت مرة تانية العربية اثبتت كفاءتها وثبتت ولم تنحرف ودة اثبتلى معنى كلمة عفشة رياضية وثبات رياضى المتوفرة فى الصوبر صالون والعربية استهلكت بنزين حوالى 15 لتر فقط حوالى 230 كيلو(المؤشر البنزين نزل علامة كبيرة + شرطة صغيرة) ووصلنا بعد ساعتين الا ربع من 11 و ربع ظهرا الى 1 . فى النهاية ان بحمد ربنا على حسن اختيارى للنيسان وحقيقى هناك فرق بين السوبر و ex صالون لأن هناك ناس كتير ميعرفوش اهمية العفشة الرياضية والتعليق فى ثبات العربية.
وشكرا للاصدقاء

**gassarian** · 14-09-2009 04:26 AM

160 كتير أوي على الزراعي. خلي بالك و ما تتهورش. الله يبارك لك

**Egyzizo** · 14-09-2009 09:57 AM

المشاركة الأصلية كتبت بواسطة ahmadkamal1

والعربية كنت بدوس بيها عى 160 .... فى النهاية ان بحمد ربنا على حسن اختيارى للنيسان .

وتحمد ربنا برضه على إن رادار الزراعى ماعكشكش .. :)

**ahmadelsaeed** · 14-09-2009 12:38 PM

المشاركة الأصلية كتبت بواسطة gassarian

160 كتير أوي على الزراعي. خلي بالك و ما تتهورش. الله يبارك لك

الطريق الزراعى مش طريق جرى خالـــص ... خد بالك و ربنا يسترها معاك و معانا.

ربنا يعطيك خيرها و يكفيك شرها

**fady_anis** · 14-09-2009 02:28 PM

بلاش السرعة العالية لسلامتك وسلامتك اللى معاك واحب اهنيك على اختيارك لنيسان صنى سوبر صالون وتأكد انك عمرك ما هتندم على اختيارها لأنها تستحق

**El Prince** · 14-09-2009 03:35 PM

مبروك على العربية يا باشا و حاول تهدى السرعه علشان مصلحتك

**Moh.Abdelbaset** · 14-09-2009 06:37 PM

ربنا يباركلك فيها

**asnady** · 14-09-2009 10:11 PM

المشاركة الأصلية كتبت بواسطة AHMADKAMAL1

وحقيقى هناك فرق بين السوبر و ex صالون لأن هناك ناس كتير ميعرفوش اهمية العفشة الرياضية والتعليق فى ثبات العربية.
وشكرا للاصدقاء

فى الحقيقة عندى اعتراض بسيط
الفارق بين سوبر صالون و العاديه هو عمود anti sway
و هو مفيد للحفاظ على اتزان السيارة فى المنحنيات لعى السرعات العالية و لا اعتقد انه مفيد فى المطبات
اما عن المساعدين فانهم واحد فى الموديلين (ابتداء من 2009 )
و الله اعلم
ارجو من الخبرء التاكيد

**Ahmed_Gadalah** · 16-09-2009 12:41 AM

هي فعلا عربية ممتازة
ربنا يديك خيرها ويكفيك شرها

**sab3aawy** · 16-09-2009 10:55 AM

المشاركة الأصلية كتبت بواسطة asnady

فى الحقيقة عندى اعتراض بسيط
الفارق بين سوبر صالون و العاديه هو عمود anti sway
و هو مفيد للحفاظ على اتزان السيارة فى المنحنيات لعى السرعات العالية و لا اعتقد انه مفيد فى المطبات
اما عن المساعدين فانهم واحد فى الموديلين (ابتداء من 2009 )
و الله اعلم
ارجو من الخبرء التاكيد

كلام دقيق جدا

الموضوع: اداء نيسان صينى على طريق مصر اسكندرية

LinkBack

أدوات الموضوع

عرض

-

-

-

-

المواضيع المتشابهه

!!! طريق اسكندرية الزراعي !!!!!!!!!

أفضل طريق من المنصورة الي واحة عمر علي طريق القاهرة اسكندرية الصحراوي

اداء الm11 علي طريق بلبيس الصحراوي

صور عربيتى نيسان صينى 83

الكلمات الدلالية لهذا الموضوع

المفضلات

المفضلات

ضوابط المشاركة