سبير كار من جديد

**SMSM1306** · 03-11-2007 11:57 PM

[b]ارجو من السادة الاعضاء المساعدة واخص بالذكر الاخ العزيز اسلام شاهين
انا اخوكم هيثم سعودى انا أمتلك لانسر 2007 ورحت سبيدكار عايز اركب فوج لايت وزينون وقابلت المهندس عمر وقال لى الزينون حيكون موجود يوم الاثنين والفوجات كمان ومرضاش يقولولى السعر أرجو الافاده فى نوع الفوجات والزينون وعايز اركب وحدات رفع
للعلم اشكركم جميعا على المعلومات التى تم استفادتى منها من خلال متابعت المشاركه وعايز اعرف رايكم فى تركيب العتبز
شكرا

**fahd_628** · 04-11-2007 01:14 AM

سبيدكار

سبيدكار ولا سبير كار ؟

**SMSM1306** · 04-11-2007 08:37 AM

شكرا على التعديل
ولاكن فين الرد

**إسلام شاهين** · 04-11-2007 09:00 AM

صباح الخير

أولا بالنسبة للفوجات صورها نازلة في ساحة المستوبيشي وهي ب 350 جنيه بالتركيب وكانت موجودة عندهم إمبارح لكن كانت محجوزة للأخ نادر مكرم هي والعتب الجانبي واللإسبويلر

الزينون عندهم أنواع كثير حضرتك شوف النوع اللي يعجبك وأنا عن نفسي أنصح بعمرو سلامة بتاع الرحاب لأنه أنظف نوع في السوق دلوقتي علي وواطي وعليه ضمان لكن للأسف عيبه الوحيد سعر اللمبات بس غالي شوية لما تتحرق وتحب تغيرها .

تحياتي

**nader makram** · 04-11-2007 09:56 AM

تصدق يا استاذ اسلام انى انا لسا مرحتش اشوفهم بس استاذ امير قاللى تعالى يوم الاثنين عشان اركبهم
و كنت عاوز اشكرك مرة كمان عشان انت اللى عرفتنى على سبير كار و استاذ امير بجد الناس دى كويسة اوى و يجيبولك كل اللى انت عاوزوا بدل ماتدبهدل فى التدوير

**badblood** · 04-11-2007 10:00 AM

راي بخصوص موضوع الزينون ؟
انا فعلا جربت الراجل بتاع الرحاب راجل محترم جدا جيبه بقالي تفريبا سنه والحمد لله كويس جدا
اسمه الشركه (اواب) في سوق الرحاب 2
روح وشوف بنفسك معلش المشوار بعيد شويه بس الراجل يستاهل

**م/محمد صلاح** · 04-11-2007 01:38 PM

على فكره يا جماعه اسلام نسى يقول ان العتب والاسبويلر اللى عند سبير كار واللى هما محجوزين لنادر باشا مكرك كانو اصلا بتوع اسلام ونادلر قلبهم منه...... احنا بنهدى النفوس بس....... :twisted:
بس على فكره يا نادر انا شفت الحاجات امبارح باسم الله ماشاء الله تحفه ولو عندك كمان الفرش الداخلى بيج هما عندهم فرش جلد بيج تحفه لسه ابو سيف مركبه امبارح وصاحبنا سمسم كان هايموت عليه :D :D :D :D

**إسلام شاهين** · 04-11-2007 01:47 PM

المشاركة الأصلية كتبت بواسطة nader makram

تصدق يا استاذ اسلام انى انا لسا مرحتش اشوفهم بس استاذ امير قاللى تعالى يوم الاثنين عشان اركبهم
و كنت عاوز اشكرك مرة كمان عشان انت اللى عرفتنى على سبير كار و استاذ امير بجد الناس دى كويسة اوى و يجيبولك كل اللى انت عاوزوا بدل ماتدبهدل فى التدوير

يا باشا الحاجة موجودة هناك وأنا شفتها بسم الله ما شاء الله ربنا يباركلك فيها .

**SMSM1306** · 04-11-2007 08:10 PM

شكرا يا جماعة على النصح لو يا اسلام ممكن توصى على عشان العتب الفوجات لو سمحت مع العلم اننى متخوف من العتب علشان البارومه من الميه الى بتدخل بين العتب وجسم السيارة وعايز اعرف سعر العتب ولو ممكن يا اسلام رقم هاتفك حتى اخذ رايك لو ماعندكش مانع