الموضوع: مساعده فى نوع السماعات

انا يا جماعه معايا هيونداى i10

ركبت فيها عده pioneer من امريكا
ده لينك ليها
Pioneer USA - CD Receivers

المشكلة عندى ان السماعات فى الباب الامامى عندى بس و من اوحش الانواع اللى شافهم قالى انهم صينى الجوز ب 25 جنيه و مقطوعين... و صوتهم مع الكاسيت وحش جدااااااا و بالذات لو فى bass



* تنصحونى اركب ايه

4 سماعات فى الابواب (صنايعى قالى ان الباب الخلفى ياخد سماعات 16 سم)


ام سماعتين قدام و سماعتين على الرف 6*9 (و هل يركبوا على الرف عادى و لا لازم اعمل واحد)


و هل لو ركبت سماعتين على الرف فقط او سماعتين فى الابواب فقط ممكن الصوت يبقى كويس (ده اكتر حل بفكر فيه علشان الميزانيه)


أنا عايز صوت نقى و قوى و متوزع و فى bass

ياريت تقولولى افضل الماركات و اسعارهم لو امكن و ايه افضل صناعة

علشان كل اللى بسأل عنده صينى و سونى اكسبلود؟؟؟؟؟ و انا معنديش خبره فى مجال الصوتيات


يا ريت ارائكم,,, انا ممكن ادفع لحد 300 و لو نظام كويس ممكن لحد 400-500

آسف للاطالة.. ألف شكر

شكرا لكل الناس اللى ردت.. بس كنت متوقع مساعده اكتر من الناس الجامده جامد فى الصوتيات و عماله تركب فى سماعات على جى امات

بص نصيحتى ليك ..

2 سماعه بايونير 400 وات = 280 جنيه - 300 جنيه ويركبو عالرف ورا وانت عربيتك هاتش باك حيبقى الصوت جميل ..

+

امبليفاير 350 - 400 واط - اى نوع حسب ميزانيتك يكون 2 تشانيل ويتوصل عالسامعتين البايونير --- وافصل سماعات الجناب دى ملهاش لازمه عشان تعرف تعلى الكاسيت براحتك

لحد كدا الصوت حيبقى فل اوى ان شاء الله وحيعجبك جدآآآآآ والتكلفه حتكون فى حدود 600 او 650 جنيه وممكن تبدء بالسماعات وتشوف الصوت حيعجبك ولا لا ولو معجبكش يبقى تجيب ال gm

ولو حابب تتوسع فيما بعد يبقى صب محترم كدا و gm تانى يتوصل عليه وفك ودانك بقى وسوق هههههههههه

المشاركة الأصلية كتبت بواسطة a7mode

بص نصيحتى ليك ..

2 سماعه بايونير 400 وات = 280 جنيه - 300 جنيه ويركبو عالرف ورا وانت عربيتك هاتش باك حيبقى الصوت جميل ..

+

امبليفاير 350 - 400 واط - اى نوع حسب ميزانيتك يكون 2 تشانيل ويتوصل عالسامعتين البايونير --- وافصل سماعات الجناب دى ملهاش لازمه عشان تعرف تعلى الكاسيت براحتك

لحد كدا الصوت حيبقى فل اوى ان شاء الله وحيعجبك جدآآآآآ والتكلفه حتكون فى حدود 600 او 650 جنيه وممكن تبدء بالسماعات وتشوف الصوت حيعجبك ولا لا ولو معجبكش يبقى تجيب ال gm

ولو حابب تتوسع فيما بعد يبقى صب محترم كدا و gm تانى يتوصل عليه وفك ودانك بقى وسوق هههههههههه

شكرا لردك يا باشااااااااااااا و ذوقك

العفو يا جميل .. جرب كدا وقولى انا عن نفسى عربيتى ياريس وعامل فيها اللى قولتهولك دا والصوت خرافه ( 2 جى ام + صب + 4 سماعات بايونير 400 واط ) الاول كنت مركب جى ام و 2 بايونير وبعد كدا توسعت شويه

يا جماعه انا سألت انهارده لقيت السماعات ال 400 وات كينوود ب 325-350 جنيه فى الحجاز و مصر الجديدة و دى 4-way الموديل هو 6970ie و شكلها على الحقيقة احلى من الصور

و لقيت سماعات كينوود 300 وات بس 3-way و الراجل قعد يقولى انها احسن من ال 400 وات و تمنها 285 جنيه
انا شايف اسعارهم فيها استعباط و ناوى انزل التوفيقية

انا عاجبنى شكل البايونير عن الكينوود شويه

ايه رأيكم اجيب الكينوود 400 وات و لا بايونيير انا عرفت منكم ان اسعارهم فى حدود 280-300 فى التوفيقية و هل ال 3 واى ممكن تكون احسن من الاربعة

انا هشغلهم فى الاول بدون GM

ارجو النصيحة

انا عندي الكينوود ال 400 وات 6970ie
صوتها خيالي و جبتها من "اسيوط" ب 300 جنيه من شهرين تقريبا
المفروض في القاهره يكونوا ارخص كتير