-
شكرا إسلام شاهين
انا بوجه شكرى الكبير للأستاذ إسلام شاهين على اللى عملوا معايا النهاردة فى سبير كار ، الراجل مشكور فضل معايا من ساعة ما رحت وأخترت الحاجات اللى هاركبها وفضل مستنى معايا كمان لغاية ما أتركبت ، فضل واقف معايا أكتر من 3 ساعات والله. أنا ركبت فرش جلد وجهاز إنذار وباكتات أبواب. بصراحة الناس فى سبير كار محترمين جدا ، والصنايعية هناك زى الفل وشغلهم جميل جدا ، ركبوا الفرش زى ما يكون فبريكة والإنذار ركب بإحتراف.
دة كمان غير الخصم اللى أخدتوا والهدايا اللى أخدتها كمان.
ودى صور العربية بعد تركيب الفرش:
http://img266.imageshack.us/img266/1...2007862sf3.jpg
http://img221.imageshack.us/img221/9...2007863vz1.jpg
مرة تانية بوجه شكرى للأستاذ إسلام شاهين وسعيد جدا بمعرفته هو والأستاذ ميمو اللى كان موجود فى نفس الوقت هناك.
-
ما شاء الله جميل جدا و باين ان الشغل نضبف
الف الف مبرووووووووووووك
و طبعا شكرا لأسلام باشا شاهين
-
-
الف الف مبروك يا ابو سيف و ربنا يملهالك بركه
-
إلف مبروك ربنا يديك خيرها ويكفيك شرها - ولعلمك هو دة أسلام
بس الأسعار إية بقى - يعنى الفرش بكام والسنتر إلى أخرة
-
يا باشا العفو وعقبال الزينون والفوجات والعتب وألإسبويلر .
وياريت فعلا يا أبو سيف تكتب الأسعر والخصم اللي أخدته عليها علشان الناس تعرف هل الخصم حقيقي ولا وهمي .
وألف مبروك إنت عارف إن عيني كانت هتطلع على الفرش ده :-? :-? ;) ;)
-
والله ما يغلا عليك يا إسلام هو والعربية كلها :)
أما بخصوص الأسعار ، انا زى ما قلتلكم انا عملت فرش وإنذار وباكتات أبواب وكان حسابها كالأتى:
الفرش قبل الخصم 390 بالتركيب وبعد الخصم 280 ودة علشان أتفصل مخصوص وطبعا فى حاجات أرخص من كدة بس أنا عجبنى الفرش دة قوى.
الإنذار 275 بالتركيب وبعد الخصم 215
الباكتات حسبهم ب 35 جنيه وكانو ب 60 تقريبا قبل الخصم مش فاكر.
وكمان أخدت هديتين عبارة عن فتالة اللى بيمسحوا بيها العربية وكمان الباسكت اللى بتتعلق فى التابلوه علشان تحط فيها موبيل أو حاجة.
-
أأأأأأممممممممممممممممم
الأنذار بس هو ممكن أحكم علية هو طبيعى ب 215 مفيش فرق عن حسنى عبد الحكيم طب فين الخصم - بس سعر كويس علشان دة مول مش محل فى منطقة منافسة
-
ألف مبروك يا أخ أبوسيف :-) بسم الله ماشاء الله ذوقك جميل :-) ربنا يباركلك فيها يارب و مش خسارة أى فلوس صرفتها عند سبير كار أو على عربيتك و الفرش الجلد ده جميل جدا أنا مركب ذيه عندى بس بدون العلامة.
المرة الجايه يا اسلام لما تغير الفرش ركب ذيه :-)
-
ايه الفرش التحفة دا يا اسلام باشا بسم الله ما شاء الله الف مبروك عليك ابو سيف
فيه عندهم حاجة كده بس يكون عليها لوجو الهوندا؟؟؟؟؟؟
Content Relevant URLs by
vBSEO 3.6.0 PL2