هام جدا " أحذر هذه البنزينة"

**eslamrace** · 15-09-2009 03:24 AM

حسبى الله ونعم الوكيل
منهم لله

**zizo50001** · 15-09-2009 03:54 AM

انا مرة كنت داخل بنزينة امون وانا بمون فى واحد من اللى شغين فى المحطة معاه شوية حاجات عيز يبعلها وانا مكنتش عيزة حاجة فابعد لما خلص قلى الفردة دة عيزة تتذود علشان نامية اوى قلتلة طيب سيبها نايمة علشان اصلان انا لسة كنت شارى الفرد جديدة من حوالى اسبوع والله الموضوع دة فات علية حوالى 5 شهور ومن ساعتها مزودتش العجلة ولا نامت الحمد لله
ومرة اخويا خد عربية ابويا ورح يزود الكوتش رجع قالى الراجل خد منى 30 فى 8 خوابير
والله انا جربت ناس كتير جدا جدا فى الكوتش مفيش حد عندة ضمير ابدا فى شغلة غير واحد ربنا يكرمة اشرفكو العجلة لو نامت منى برة ازودها برة واروح اعملها عندة

**ابوهاشم** · 15-09-2009 03:57 AM

كنا اتكامنا فى الموضوع ده من فتره
معقوله لسه برضه الاشتغالات دى
كان مره زمان بتاع الكاوتش قاللى عندك 23خرم
وعرفت انه هو اللى شاككها ومابقتش اروحله تانى

**MoToRiZeR** · 15-09-2009 04:31 AM

انا فيه بنزينة في فيصل .. أخشله بالسيريون يقولي الفردة اليمين نايمة .. أخشله بالكليو يقولي الفردة اليمين نايمة .. أخشله بالتيريوس بتاعة صاحبي يقولي الفردة اليمين نايمة .. أخشله باللانسر بتاعة خالي يقولي الفردة اليمين نايمة !! محدش يتعامل في أي حاجة تخص الكاوتش جوة بنزينة يا جماعة

**Terrible_DaRsH** · 15-09-2009 04:54 AM

طب بم ان الموضوع تحذيرى , فانا بحذركم جميعا من بنزينة احمد سعيد .

موجودة عند تقاطع احمد سعيد بامتداد رمسيس .

نصابين و بيغشوا فى البنزين بطريقة بشعة و محدش بقي يمون من عندهم خلاص , لو حد معدى من هناك يبعد عن البنزينة دى تماما .

**dr_timo** · 15-09-2009 04:58 AM

علي فكرة البنزينة دي جمب بيتي همة تلت بنزينات جمب بعض بس انا مليش علاقة بيهم الا اني امون بنزين بس وهمة حلاوتهم انهم فيهم بنزين تمانين متوفر

**ابوهاشم** · 15-09-2009 04:59 AM

ايه موضوع غش البنزين ده
هل الكلام ده صحيح

**D . a .\ AYMAN** · 15-09-2009 05:35 AM

لازم يكون في حد بتاع كاوتش كويس ويتقي الله وقريب من بيت كل واحد وتتعرفوا عليه وبرضه لازم يكون عينك علىيه هوة بيعمل إيه ... ويكون هوة ده اللى تعمل عنده العجل دايما دونا عن أي حد تاني إلا للضرورة القصوى طبعا

أنا على طول بعمل كده وبصراحة في واحد دايما بروحله هوة في شارع الميثاق في مدينة نصر عند مجمع المحاكم العسكرية .. أمام كشك الشرطةالعسكرية على طول بصراحة راجل زي الفل ومن حوالي عشر سنوات وانا بتعامل معاه من ساعة ماسكنت هناك من أيام ماكان أي خرم في أي عجلة بيتعمل بـ 15 و 20 جنيه كان هوة ياخد مني 5 جنيه حتى لو فيه كذا خرم في العجلة .. ولو تعب فيها زيادة ممكن يطلب أكتر ... بس بقالي كتير جدا ماروحتلوش

وعلى فكرة لمعلوماتكم برضه الخوابير دي اللى بيركبوها في العجل ويقولك الواحد بـ 6 و 10 و 12 والكلام ده كله نصب في نصب الأربع خوابير بيتباعوا مع بعض بـ 5 جنيه عند أبو الجوخ بتاع العجل وبلف العجل التيوبلس اللى بيقولوا عليه بـ 15 و 20 جنيه بيتباع الواحد بجنيه في التوفيقية عند واحد بتاع سيور على شارع رمسيس جنب شارع زكي على طول يمين وانت طالع من شارع زكي بشوية ... وكمان اللحام الداخلى بكافة أحجامه بتكون العلبة بتاعته فيها من حوالي 60 الى 100 رقعة حسب الحجم بـ 10 جنيه من أبو الجوخ برضه .. وكمان أبو الجوخ هاتلاقوا عنده الذراع بتاع الخوابير اللى بتضرب بيه في العجل

بس عشان تعرفوا قد إيه الناس دي نصابة

أنا قعدت فترة كبيرة جدا العدة دي معايا في العربية ولما أروح لواحد يلحملي خرم أول مالاقيه هايتنطط ويقولي اللحام بـ 10 و15 أقوم مطلع له لحام وفوقيه تلاتة هدية من معايا .وأرميهمله وفوقيهم إتنين جنيه تمن فك وتركيب وأسيبه وأمشي

ودلوقتي بصراحة أي خرم بعمله أنا بإيدي .. يا إما بأروح للراجل اللى قلت عليه ده

**Samir_Adel** · 15-09-2009 03:03 PM

المشاركة الأصلية كتبت بواسطة tamertamer

اولا دية نصباية ومعروفة من مدة طويلة
بصراحة لازم تروح البنزينة وتتكلم مع مالك البنزينة وتطلب منة تغير الكوتش على حسابة لو مستجبش اعمل هوليلة واطلب النجدة وهدد بحماية المستهلك وبصراحة لازم تطلب 122 وتعمل ازبات حالة وتجيب الواد
هو مش هيحصل حاجة بس مش لازم تسكت وبلغ فيهم فى جمعية حماية المستهلك يجو يبهدلوهم

اللي أنا أعرفة ان معظم بتوع الكاوتش بيكونوا مأجرين المكان من صاحب المحطة.

**kemo0o** · 15-09-2009 03:19 PM

http://www.nilemotors.net/Nile/67759-a.html

الموضوع: هام جدا " أحذر هذه البنزينة"

LinkBack

أدوات الموضوع

عرض

-

-

-

-

-

-

-

-

المواضيع المتشابهه

_""""""""الاسطورة لكزس gs الكوبيه تنتظركم في عام 2013 """"""""_

أحذر "السيارات المغمورة بالمياه تغمر الأسواق"

الحقنى يا استاذ سبعاوى """"""""""""""""""""""""""""""""""""""

يا جماعه محتاج مساعده سريعه لضيق الوقت """"""""""""""

الكلمات الدلالية لهذا الموضوع

المفضلات

المفضلات

ضوابط المشاركة

الموضوع: هام جدا " أحذر هذه البنزينة"

LinkBack

أدوات الموضوع

عرض

-

-

-

-

-

-

-

-

المواضيع المتشابهه

___""""""""الاسطورة لكزس gs الكوبيه تنتظركم في عام 2013 """"""""___

أحذر "السيارات المغمورة بالمياه تغمر الأسواق"

الحقنى يا استاذ سبعاوى """"""""""""""""""""""""""""""""""""""

يا جماعه محتاج مساعده سريعه لضيق الوقت """"""""""""""

الكلمات الدلالية لهذا الموضوع

المفضلات

المفضلات

ضوابط المشاركة

_""""""""الاسطورة لكزس gs الكوبيه تنتظركم في عام 2013 """"""""_