تزويد الميه وعلاقته بربط وش السلندر

**Badrowi** · 14-09-2009 04:47 PM

انا كنت قريت هنا ان لو انا زودت بنزين والعربية بارده مع فتح القربة وشوفت فقاعات هوا فده معناه ان وش السلندر عليز يتربط وده من اسباب نقص الميه

المهم رحت لميكانيكى كفتجى
قلتله يا ريس ان عايز اربط وش السلندر
قال لى ليه
قلتله لان الميه بتنقص وانا لاحظت (انا كنت قريت هنا ان لو انا زودت بنزين والعربية بارده مع فتح القربة وشوفت فقاعات هوا فده معناه ان وش السلندر عليز يتربط وده من اسباب نقص الميه)

قالى لا يا استاذ التربيط على وش السلندر ده يكون لو انت حالل المكنة قبل كده او رابط وش السلندر قبل كده او مغير الجوان

انما الميه دى لما تنقص ده عادى انت مش بتعرق
المهم انا عندى كل شهر ونص كده بوزد من تحت علامة الماكس معدل 2 سم لحد ما اوصل لعلامة الماكس
فهل ده طبيعى ولا غلط

**MMamdouh** · 14-09-2009 05:37 PM

هو مش طبيعى

جرب تستعمل radiator seal من on the run بتاع محطات موبيل

MMamdouh

**waleed_home** · 14-09-2009 08:21 PM

ما دام العربية باردة يبقى ممكن تزود مياه من غير ما تدور بدون مشاكل لكن لو الموتور سخن يبقى لازم تدور العربية فى الأول علشان ما يحصلش مشاكل لوش السلندر .

بالنسبة لتسريب المياه : راجع على الخراطيم و كوعة الميه و اتأكد ان ما فيش تسريب من اى مكان وكمان راجع على غطاء قربه المياه لأن ممكن يكون هو السبب ، ونظرا لأن عربيتك لسة جديدة 2008 فأنا بستبعد يكون فيه مشاكل فى radiator

**Badrowi** · 14-09-2009 08:37 PM

كويس
اراجع عليهم عند مين وازاى

**samirayad** · 14-09-2009 09:21 PM

راجع على رباط خراطيم دورة التبريد كويس عند أى ميكانيكى
يابدراوى
ممكن يكون عندك قفيز مهوى على خفيف وعاوز يتربط
ولسه بدرى أوى على المشاكل الكبيره
كفاك الله شرها

**Badrowi** · 15-09-2009 03:25 AM

ط يا هنسة انا ملاحظ ان عندى خرطوم تخين حاسس انه زى ما يكن مبلول او مزين ممكن يكون هو ده

هو مكانه على ايدك الشمال وانت فاتح الكبوت قدام المروحة الشمال ممكن منه

**Badrowi** · 15-09-2009 03:50 AM

http://www.nilemotors.net/Nile/37188-a.html

فيه فى الرابط ده صورة ليا لموضوع سابث فى الموضوع د فى الصورة فيه خرطوم تخين اعلى الصةرة يمين هل ده له علاقة بدورة التبريد لانه حاليا عندى مبلول او مزيت

**zocor742** · 15-09-2009 06:09 AM

بدراوى باشا لو تقصد الخرطوم التخين اللى فى الصورة اللى فى الموضوع اللى فوق
فهى فعلا تبع دورة التبريد وتقدر تغيرها عادى بواحدة جديدة انا من فترة غيرتها عشان لقيت على طرفها هتكون املاح
قومت راليح مظبط دورة التبريد كلها غسلتها كويس هيا والريداتير والسربتنية والوصلات وقربة المياة
وبجد بقت دورة التبريد تقدر تقول شمع وبعد كدة حطيت مياة خضراء امريكى الصنع.......... وبجد العملية دى جد بمصلحة وبقيت مطمن على دورة التبريد

**MMamdouh** · 15-09-2009 01:37 PM

المشاركة الأصلية كتبت بواسطة Badrowi

radiator seal
طيب هو عبارة عن ايه وباستخدمه ازاى وفايدته ايه وهيساعد فى ايه

المنتج دة امريكى ووظيفتة سد الشقوق و التسربات البسيطة فى دورة التبريد

هو فى الغلب مادة كماوية بتتحول من الصورة السائلة للصورة الصلبة لما تتعرض للهوا بالتالى اول ما تتسرب من شق او شرخ حتتجمد و تسد التسرب

التعليمات على العبوة بتاعت المنتج بس باختصار حترج العلبة كويس و تفضيها فى القربة و تدور العربية شوية... المنتج شكلة زى ما يكون مية وسخة.... عادى هى شكلها كدة

MMamdouh

-

الموضوع: تزويد الميه وعلاقته بربط وش السلندر

LinkBack

أدوات الموضوع

عرض

تزويد الميه وعلاقته بربط وش السلندر - انشر الموضوع فى :

-

-

-

-

-

-

-

المواضيع المتشابهه

هل خروج ال airbag متعلق بربط الحزام ؟

الشباب الميه الميه اعضاء ونجوم نايل موتورز ارجو المساعده كربراتير

Rpm وعلاقته بالسرعة والغيار ؟

(الميه بتنقص جامد)هل فيه ماده بتتحط في الردياتير لمعالجه تسرب الميه ؟

هل تقوم بربط حزام الامان لمن يركبون معك ام تكتفى بنفسك ؟؟؟

الكلمات الدلالية لهذا الموضوع

المفضلات

المفضلات

ضوابط المشاركة