الموضوع: أرجو المساعدة في سيارة جولف

وهل رش الدواخل يؤثر على سعر السيارة حتى ولو كان نظافة على حسب كلام البائع

لا مش سعر كويس

و بالذات العربية راشة جوة , الله أعلم اية اللي حصل فيها, و ماتصدقش حكاية راشة نضافة علشان دي خدعه كبيرة

ياريت تعرف اية موتور العربية دي و تقولنا

شكرا على الاهتمام يا جماعة أنا رحت شوفت العربية امبارح العربية حالتها حلوه ومش راشه دواخل خالص
ومتركبلها موتور جولف ماديسون 89 1600 سي سي
بس هي محتاجه مساعد وقواعد الموتور عايزه تتغير لأن العربية بتبترج في الطلعة والراجل ممكن يخلص معايا على 20 الف
انا محتار بصراحة وخايف من قطع الغيار بس برده صعبان عليا ادفع 20 الف فى 128 وممكن احطهم فى عربية محترمه
انا بس عايز اعرف بالنسبة لقطع الغيار لو غاليه مش مشكله لأنها اكيد هاتعيش بس المهم هل هي متوفرة ولا لا
واكيد اسعار قطع غيارها هاتبقى قريبه من الكوري مثلا مش هاتبقى الفظيعه اوي بس ياريت حد يفيدني فى القصة دي
ثانيا انا بامر الله ناوي ابيع العربية دي بعد سنه او اتنين هل فى الحاله دي اخسر فيها كتير
ارجو الرد سريعا وشكرا لجميع الإخوه

المشاركة الأصلية كتبت بواسطة zalabany2007

شكرا على الاهتمام يا جماعة أنا رحت شوفت العربية امبارح العربية حالتها حلوه ومش راشه دواخل خالص
ومتركبلها موتور جولف ماديسون 89 1600 سي سي
بس هي محتاجه مساعد وقواعد الموتور عايزه تتغير لأن العربية بتبترج في الطلعة والراجل ممكن يخلص معايا على 20 الف
انا محتار بصراحة وخايف من قطع الغيار بس برده صعبان عليا ادفع 20 الف فى 128 وممكن احطهم فى عربية محترمه
انا بس عايز اعرف بالنسبة لقطع الغيار لو غاليه مش مشكله لأنها اكيد هاتعيش بس المهم هل هي متوفرة ولا لا
واكيد اسعار قطع غيارها هاتبقى قريبه من الكوري مثلا مش هاتبقى الفظيعه اوي بس ياريت حد يفيدني فى القصة دي
ثانيا انا بامر الله ناوي ابيع العربية دي بعد سنه او اتنين هل فى الحاله دي اخسر فيها كتير
ارجو الرد سريعا وشكرا لجميع الإخوه

بص ياسيدي الفاضل

فية ختم مدور على وش السلندر بتاع الموتور من قدام عاليمين عبارة عن دايرتين جوة بعض, حاتلاقي جواة من النص رقم سنة الانتاج من رقمين أتأكد انة 89

و بالنسبة للرجة و العربية طالعه دة غالبا اسطوانة و دسك بايظين عايزين يتغيروا

و بص كويس على قاعدة الموتور اللي في نص فردة الشاسية اللي على شمالك و انت واقف قدام الحوض, هل هي ملحومة و مكانها متغير لورا شبر و للا هية في مكانها
لأن الرابيت ال 1300 قادتها قدام لو بتسقط فيها موتور 1600 لازم تتقطع الودنتين بتوع القاعدة دي و يرجعوا لورا و دة مش كويس و ساعتها بتلاقي مكان القاعدة الاصلية قدام حتة مستوية مش بشكل مدفع الشاسية و بتلاقي الدنيت راكبين ورا ملحومين في الاكورديون بتاع المدفع, و دة بيخليها عرضة تفك من تاني لأن اللحامات بتبقى مش ضعيفة مش زي الاصل

و رأيي تاني ان العربية سعرها غالي جدا على موديلها و حالتها و ثمن الموتور الاستيراد جديد مش غالي
ولا يتعدى 2000 جنية او اكتر بحاجة بسيطة, مع مراعاه انة مش تمام و جايب دسك و لسة حاتشوف كبس الموتور اذا كان بياكل زيت و خفيف و للا اية

مع اعتبار ان العربية راشة حوض و لو عاوز تتأكد انة وش نضافة يبقى الحوض ممكن يتغسل بتنر و ساعتها الدهان الجديد بينزل و يفضل دهان الفابريقة و يبان ان كانت حادثة و للا "نضافة" لأن بوية الفابريقة ماتنزلش بتنر انما اي دهان فوقيها حاينزل بالتنر و يظهر بوية الفابريقة من تحتة

ممكن تشوفلك جولف 2 موديل 84 او 85 حاتبقى في حدود 25 الف او قريب من سعر الرابيت دي و تكون نضيفة و اسمها في الاخر جولف 2 مش رابيت

انا رايي ان الرابيت دي ماتسواش ال 20 الف بتاتا

و حكاية ال128 دي مش مقياس و سيبك منها علشان ال 128 سعرها مهبل و مش معيار

مثلا انا بايع اكورد فول اوبشن 1800 و 16 صباب من شهر ب 29 الف ولا تقارن بال128 من اي وجه طبعا, و سعرها يساوي سعر 128 موديل 90 مثلا باختلاف الصناعه و القوة و المتانة و الكماليات و الموتور و الفتيس الاوتوماتيك و كل شيء, بس انت ممكن تجيب عربية ياباني او الماني حلوة و نضيفة و محترمة في حدود نص العشرينات مثلا

قطع الغيار متوفرة و مش غالية و بتعيش

بس العربيات في النازل و بعد سنتين مش حاتجيبلك اللي اشتريتها بية و لا صرفتة عليها

و محدش حايشتري رابيت من 30 بسهولة و اسعار الكوري موديلات التسعينات قريبة منها

و خللي بالك لو العربية دي كوبية (اتنين باب) بتبقى ..... تقيلة قوي في البيع :D و مابتجيبش سعر بسهولة