حد يعرف السبورت باكدج بتاعة ال 320 2009 عبارة عن ايه و تمنها كام
و كمان البركينج سنسورز و الزينون بكام و هل لازم يركبو فى التوكيل؟
و شكر ا
عرض للطباعة
حد يعرف السبورت باكدج بتاعة ال 320 2009 عبارة عن ايه و تمنها كام
و كمان البركينج سنسورز و الزينون بكام و هل لازم يركبو فى التوكيل؟
و شكر ا
انا معايا 320 2008 و بسال ايضا على سنسور باركينج
انا امبارح كنت عند منصور بتاع جسر السويس علشان بيشتريلى كمبيوتر باظ عندى بسبب المياة تقريبا
انا شاريها كده
و سالتو على السنسور باركينج
و قالى ممكن يركب
انا رايح عنده اليوم اركب الكمبيوتر ادينى وقت بعد الافطار و هرد عليك علشان انا كمان عايز اركبو و هسالك على الزينزن
بس منصحكش بالزينون اوى
اولا لمبة بتتحرق بكثرة
و مرور و قرف و سحب رخص
و بيسبب بعض الحوادث
على العموم هشوف و اعرفلك و اعرفلك قصة لو ركب برة الضمان هيسببلك اية
يا ريت يا جماعه لو حد يقولي ايه نظام الباركينج سنسور في الفئة 3 عشان هيا محتاجه فعلاً و التوكيل نار نار تقريباً من فترة كنت شوفت السعر و كان ب اكتر من 10000 جنيه مش عارف ليه يعني لأ و كمان صوت بس !!!؟؟
شكرا جزيلا بس ايه الغلط فى الزينون انا كان معايا باسات فيها زينون من المصنع و محدش قالى حاجة عليه ابدا و كمان فيه bmw فيها الزينون زي ال 523 فى العربية من الاول
كنت كمان عايز اعرف ايه هى ال سبورت باكدج لو كان ممكن
المشكلة انها نورها ضعيف جدا بالذات بعد ما كنت اتعودت على الزينون
شكرا مرة تانية على ذوقك
اتصلت بمنصور قالى هيسالى و يرد عاليا بكرة معلش مش اليوم
و بعدين احنا تقريبا وصلنا ثلاث عرييات اهو
ممكن نركب احنا الثلاثة و يجبلنا خصم
على اقل سعر و يا مسهل و الواحد شكله هيتبهدل فى اسعار العربية دى
فيه على النت طقم فوانيس زينون اصليه جديده ب ١٥٠٠ دولار و طبعا لسه الشحن و الجمارك
هوه تمن الطقم ده كام في التوكيل؟
مهى دى المفاجأة أن أسعار كل حاجة و صيانة العربية ناااااااااااااااااااااااا ااااااااار
بخصوص السنسورز أنا ماعنديش مانع نركب مع بعض و ناخد خصم بس هل بتبان فى شاشة ال I drive و لا صوت بس و الأهم هل لو ركبت برة التوكيل ايه النظام انا عربيتى بقلها 4 شهور بس و مش هجازف و اضيع الضمان
و شكرا مرة ثانية
لو السينسورز هتتركب بره التوكيل أكيد مش هتبان في الشاشه.... هيكون سينسور عادي زي اللي في أي عربيه عاديه
ممكن اعرف اسعار الصيانات الدوريه كام؟
ليا واحد قريبي كان معاه واحده و كنت بسوقها... قعدتها عجبتني جدا لانها رياضيه و قريبه من الامبريزا (مع فارق القوه لصالح البي ام طبعا).
المهم... انا بفكر اجيب واحده مستعمله بس عايز اعرف تكاليف التشغيل
انا قصدي ان السنسور مش هيبين حاجه في شاشة العربيه لو ركبته بره التوكيل. و كمان دلوقت الزميل yasserit بيقول حتى الاصلي اللي في التوكيل مش بيطلع في الشاشه
أنا كنت عيز أعرف كمان اذا كان التوكيل بينزل اي gps لل bmw و لا لسة و ناويين ولا لأ؟
ايوة فعلا هو مش بيبان على الشاشة
بيركب مكان مفتاح من المفاتيح الثابتة تحت السى دى
مثل مفتاح الستائر الخلفية و بيكون صوت فقط و لم يتم ربطة باشاشة الكبيرة
و على فكرة لسة معرفتش سعره كام بحاول ادور و احنا مشاء الله تقريبا وصلنا اربعة لحد دلوقتى اى حد مننا لو جاب سعر السنسور باركينج اقل شغال نروح نركبهم جملة
اما ظروفة اية فى الضمان انا كمان عربيتى 6000 كيلو يعنى انا كمان مش عايز يروح منى الضمان
و على فكرة انا حاجز ميعاد فى فرع القطامية يوم 28 \9 تشيك كامل للسيارة و تغير زيت
واما بخصوص ال gbrs هو تم تفعيلة للموبيلات فقط و لم يتم تفعيله للسيارات
كما قال لى منصور و هو معاه الفئة الخامسة و اول لما يشتغل المفروض هنعرف
اااااااااسف للاطالة
اولا على فكرة انا مرة اركب البى ام
و بالنسبة لتغير الزيت 6000 الكمبيوتر هو كاتبلى تغير زيت مش عارف
اما منصور فهو مكانة بجوار قسم عين شمس
على فكرة انا مكنتش اعرفة
بس الله يبارك للناس هنا فى المنتدى عرفته عن طريقهم
و بصراحة كل ما تتتخيل من البى ام عنده لحد موديل 2009
يعنى لو جاى من اول جسر السويس فى اتجاة الحرفيين يبا بعد كوبرى التجنيد بحوالى 1 او 2 كيلو تدخل شمال هو مشهور جداا هناك
و بالتوفيق
و اما بخصوص موضوع الزينون فهو راى الشخصى احتراما للغير
لانى مرة ركبت نار كان عالى جداا بصراحة الناس كانت بتدعى عاليا و تشتم
خدوني معاكوا يا ريت لو رايحين نروح كلنا مع بعض عشان نعرف ناخد خصم كويس
بصراحة يا جماعة التوكيل بيستهبل يعنى ايه 8000 جنيه ف سينسور صوت بس ؟؟؟
هى المشكلة فى موضوع الضمان
بصوا بقى يا رجاله اخر كلام من واحد صاحبي شغال في توكيل عز العرب قاللي ان تركيب السنسور بارك في التوكيل للفئة ال3 ب 18000 بس بيظهر على شاشة الأي درايف زي الخامسه فا ايه الأخبار!!!
نا سألت فى التوكيل قاللى انه بيكلف 8 ورا و لو ركبت ورا و أدام يديك تخفيض و يخليها 15 بس مسألتوش لو بيبان فى الشاشة و لا لأ
طيب يا رجاله احنا عايزين نروح كده بربطة المعلم و نشوف ايه النظام بالظبط عشان نعرف ناخد القرار و بعدين نشوف لو نقدر ناخد خصم وانا احتمال برضه اقدر اجيب خصم كويس
أنا ماعنديش مانع أهو نتعرف على الناس الحلوة دى و كمان انا اول مرة اركب بى ام و معرفش حد معاه بى ام فنتبادل المعلومات
شوفو هتروحو امتى و ان شاء الله انا معاكو
خلاص يا باشا توكلنا على الله نتبادل الارقام عالخاص
بصراحة - وعلى رأي أحمد مكي والواحد يجدد رمضانه ويبقي صريح!!!! - دي أسعار عنب!!!! ده السينسور بره ب 160 جنيه وبيقول بابا وماما!!!!
تحياتي.
يا جماعه.. حد فيكم جرب يجري بالعربيه في حته فيها شوية نقر صغيره (على سرعة 150 و ما فوق)؟ انا جربت اكتر من مره و دايما قدام زي الفل.. بس ضهر العربيه بينط شويه صغيرين. يا ترى حد لاحظ الموضوع ده؟!
ازاي يعني بينط ؟؟
ا شباب الباركينج سنسورز فى التوكيل جهة واحدة ب 8500 و جهتين ب 15000
بس لسة هعرف هيدونا خصم قد ايه و هاقول لكم
فى انتظارك يا هانى بيه