مشكله بخصوص الفلاير byd

**eng_mido9** · 15-09-2009 03:49 PM

عندى مشكله ان العربيه بعد سرعة 80ك ما بتسحبش كويس لازم احمل جامد عليها عشان توصل تعدى ال 100 ياريت يا جماعة اللى عنده خبره فى الموضوع ده يفيدنى

**magna** · 15-09-2009 09:35 PM

راجع البوجيهات الكربيراتير وفلتر البنزين

**egypt123456** · 17-09-2009 08:31 PM

باشا انا عندي نفس العربية والحل بسيط جدا حضرتك غير فلتر بنزين و فلتر هواء ونظف الانجيكشن كويس وغير البوجيهات و زيت وفلتر زيت ومون 92 افضل هتمشي بالعربية 160 مش 80 وده عن تجربة وشكرا

**egypt123456** · 17-09-2009 08:32 PM

معلش نسيت اقول نظف الايدي كونتول بتاع الانجيكشن بالمره هتحس بفرق كبير جدا

**eng_mido9** · 20-09-2009 12:45 PM

المشاركة الأصلية كتبت بواسطة egypt123456

باشا انا عندي نفس العربية والحل بسيط جدا حضرتك غير فلتر بنزين و فلتر هواء ونظف الانجيكشن كويس وغير البوجيهات و زيت وفلتر زيت ومون 92 افضل هتمشي بالعربية 160 مش 80 وده عن تجربة وشكرا

شكرا يا باشا وما اتحرمش منك بس كان عندى سؤال تانى معلش
لو عايز اغير طلمبة الميه ممكن ايركب عليها ايه من الماركات التانيه لحسن هاتتكلف كتييير فى التوكيل وبالنسبه ل فلتر الهوا اجيبه من التوكيل والا هالاقى زيه برة؟؟
شكرا واسف للأطاله

**egypt123456** · 30-09-2009 06:31 PM

بالنسبة لفلتر الهوا للاسف مش في اي حاجة زيه بره التوكيل اما طلمبة الميه انا فكتها وعملت ليها طقم صيانة وده كلفني 75 جنية بخلاف حوالي 40 او 50 جنية فك وتركيب الطلمبة واللي بيعمل حشو متخصص في الطليمات وبس في شارع فيصل مع نزله كوبري فيصل في محل اسمة الديك 2000 اول يمين جنب المحل في اخر الشارع عاليمين ورشه خراطة للطلمبات الميه فقط تفريبا اسمة مجدي مش فاكر والحمد لل شغاله كويس وشكرا

**eng_mido9** · 04-10-2009 09:47 PM

يا باشا ما اتحرمش منك وربنا يكرمك انا عارف انى تاعبك معايا بس انا لما صدقت انى لقيت حد عنده العربيه دى

**egypt123456** · 05-10-2009 06:11 PM

اي وقت انا تحت امرك والتعاون شيء مفيد للناس كلها علي العموم اي وفت انا تحت امر

**askanas** · 02-11-2009 11:47 PM

انا لسة مغير طلمبة الميه في التوكيل ب 170 جنيه بالتركيب

**egypt123456** · 03-11-2009 04:58 PM

معلش اسف حضرتك متأكد من الكلام ده والسعر ده بصراحة انا معي العربية من 2005 من اخر شهر 10 ومع تعاملي مع التوكيل هو توكيل مش محترم واسعاره غاليه نار يعني ازاي سعر حضرتك ده انا معير هناك سلك البوزيهات وثمنه كان 75 جنية وخدين 35 تركيب بخلاف الضريبة يعني معني كلامك ان طلمبة الميه مثلا من غير تركيب ب 90 او 100 جنة وده كلام غريب علشان حتي ارخص عربية في مصر مش ممكن يكون ده ثمن الطلمبة صح معلش بس انا مجرب التوكيل او ان حضرتك تعرف حد في التوكيل شكرا يا ريت التوضيح