انا مثلا حصلتلي مرتين في الأولى اضطريت أمشي من الدقي لغاية نص شارع فيصل واتكسفت جدا أطلب من حد فلوس
نفس الموقف حصل معى بس انا بحب الرياضة:E_braces[1]: مشيت من التحرير لحد اخر الهرم مشعل
عرض للطباعة
انا مثلا حصلتلي مرتين في الأولى اضطريت أمشي من الدقي لغاية نص شارع فيصل واتكسفت جدا أطلب من حد فلوس
نفس الموقف حصل معى بس انا بحب الرياضة:E_braces[1]: مشيت من التحرير لحد اخر الهرم مشعل
أستاذ timtim
كلنا بيجيلنا نفس الأحاسيس دي وكلنا بنفكر بنفس الطريقة لكن كل واحد بيجاهد نفسه لأن النفس دايما اماره بالسوء
وهقولك حاجه في موضوع الصدقه دايما حط في دماغك ان الأقربون أولى يعني رتبها في دماغك كدة شوف مين من قرايبك محتاج بداية من أخوك أو اختك ، ليك مثلا عم مريض ومحتاج ، ابن خال أو ابن عم من محدودي الدخل وبيجهز نفسه للجواز أومتزوج وعنده اطفال كتير وهكذا
بعد كدة تفكر في الناس المحتاجه اللي تعرفهم البواب مثلا أو سايس العربية اللي بيغسل عربيتك كل يوم (طبعا مش السياس البهوات اللي بيقفوا في الشوارع دول اغني مني ومنك) وهكذا
صدقني لو كل واحد حسبها بالطريقة دي يبقى كل الناس هتبقى سعداء ومش هيبقى فيه محتاجين
احنا حصل معانا موضوع تانى خاللللللللللص اول يوم رمضان جة واحد ومراتة (شكلهم متوسط مش شحاتين ولا اغنية) وخبطوا على البيت والراجل قال لو سمحت احنا مش من هنا وجايين من سكة سفر ممكن مراتى تستعمل الحمام عندكم فطبعا قلنالهم اتفضلوا والراجل قعد يحكى مع والدى لحد ما مراتة تخرج من الحمام ويقول انا بادور على ابن عمى وخلص كل فلوسى فى التكسيات وربنا فتحلى باب الخير مع باب بيتكوا وعاوز 60ج اروح وهابعاتهالكم فى اقرب فرصة ووووو طبعا علشان دخلوا البيت اخدوا الى فية النصيب وخلاص وبعد كام يوم واحنا بنركن العربية لقيناهم موقفين ناس فى الشارع وبينصبوا عليهم بجد الناس دى المفروض يتحرقوااااااااااااااااااا اااااااااااااااا
موضوع ان حد يقولك انا مش من هنا وعايز فلوس المواصلات بجد لازم تقولة هات بطاقتك لأن الناس دي كترو قوي وبيستهبلو
ومبدأيا انا موافق على الفكرة مع الحفاظ على البرستيج يعنى ممكن نعمل موقع شحاتة دوت كوم مثلا ونلم من خلالة وطبعا لازم نعملة حملة تسويق كويسة ونعلق بانرات على ابواب الجوامع فيها اسم الموقع
انا حصلى 3مواقف
الاول وانا جاى من اول الشارع عند كلية التربية الساعة 1 الظهر لاقيت واحد ماسك كارتونة وبسالنى هو روكسى فين شاورتلة قالى عاوز فلوس علشان اركب وممعيش فلوس قلتلة ممعيش فكة كان سنة 40 او اكتر حاجة بسيطة مشيت شوية ولسة حعدى علشان ادخل العمارة لاقيت واحد تانى بكرتونة شكل الاولانية بيقولى نفس السؤال وبنفس الطريقة انا استغربت واا بعد وقعدت اضحك عليهم حركتهم مكشوفة اوى
تانى موقف وانا نازل من التاكس عند جنينة مول لسة واقف التاكس الاقى هجومى حوالى 15 عيل بمختلف الاعمار هجموا على التاكس وكان فى اتنين ستات واموا فتحوا باب التاكس وخد عندك اى حاجة يابية لله يابية المهم لو اديت واحد حتبقى متطر تدى الباقى وبردوا قولت الله يسهلك وجريت على الباب ودخلت اللى نقذنى ان عربية جيب وقفت ورايا سابونى وطاروا
الموقف التالت وانا ماشى ناحية البيت بردوا لاقيت واحدة هجمة كدة سنها 30 واقفة وجمبيها واحدة نانية 50 سنة المهم لاقيت اللى بيندهلى وانا ماشى انت با بس بس ياكابتن بصوت عالى طبعا ببص الاقيها بتقولى هات 2 جنية والله بنفس اللفظ دة كدة انا استغربت جدا وبقولها الله يسهلك قالتلى انا عاوزة 2 جنية روحت مديت وسيبتها ايدة اللى بيحصل دة
مرة كنت بشتري ملازم مراجعه عند الكلية ومطلعه 10 جنيه في ايدي للملزمة
وجات شحاتة ومعاها اورطة عيال وطلعت لها حاجة بسيطة وبديهالها
الاقيها ماسكة في العشرة جنيه ومصممة تاخده مع الفكة واقولها سبيها ومش راضية تسيبها
لحد ماعليت صوتي عليها وسبتها واخدت الفكرة
وبعدين العيال جايين ورايا اديت لواحد بس والباقي كمان عايزين
حاجة مستفزة بجد