سيراتو ولا النترا ولا لانسر ولا كارنيز

**abouzyad** · 16-09-2009 02:59 AM

السلام عليكم ورحمة الله وبركاتة
انا عضو جديد فى المندى وبصراحة انا اعجبت بالمندى جدا لانه به مجموعة مميزة ومحترمة جدا من الاعضاء وارجو ان تقبلونى صديق جديد بينكم
بصراحة انا فى حيرة شديدة اوى ، انا كان معايا عربية هيونداى اكسنت 99 وبعتها ولكن محتار مش عارف اشترى ايه ، وانا طلباتى محتاج عربية تكون واسعة وكويسة وفى حدود 100 الف ومحتار بين هذه الانواع وارجو من اهل الخبرة أقادتى ولكم جزيل الشكر
الينترا - سيراتو - كارنيز - شيفورليه كروز - لانسر

وشكرا لجميع السادة الاعضاء

**Ghost2** · 16-09-2009 03:15 AM

اولا الكروز مانيوال سعرها 110 الف ... والسيراتو اوتوماتيك عاملة 103 الف ومش هتستمتع بيها ..لازم تجيب منها فئة عالية .. اللانسر .. كويسة بس صالونها فقير وتكنولوجيا قديمة من 2003 .. الكارينز عربية ممتازة والشكاوى منها قليلة غير ان وكيلها محترم بس شايلين منها كماليات كتير ... بس انصحك طالما هتعدي ال 100 الف يبقى تركب عربية كاملة .. ممكن تجيب سيراتو sx عربية كويسة وعاملة 116 الف سعر وكيل ... بس انصحك ابعد عن غبور .. وبص على الاوبترا برده كاملة عاملة 103 .. ولو عايز تجيب كروز كاملة سعرها 127 فيها كل حاجه .. واستخير ربنا وشوف

**Hosam_Optrawy** · 16-09-2009 04:49 AM

ممكن تجيب سيراتو كامله ب 116

ولو عايز عربيه واسعه أوى يبقى كارينز

**faron525** · 16-09-2009 03:16 PM

اكيد اللانسر افضل منهم كلهم

**tomy_eg** · 17-09-2009 05:41 PM

اى لانسر واى يبانى , كفاية ان فى سوق السيارات تلاقى الفلاحين جايين بجلاليب اشى من زفتا واشى من سملوط وركبين لانسر متهانة وجايين يبيعوها ,( المصريين سواءو سمعت اللانسر غير ان شكلها قديم , كان نفسى فى لانسر بس بعد زيارة السوق والاشكال اللى فية بقول الهيونداى اوقع وبردة مش عربية تأجير