الموضوع: احترت واعصابي تعبت بجد

بص يا احمد عشان انت محير روحك على الاخر ,
من الاخر توكل على الله واحجز السيراتو دلوقتى وموضوع الحجز مش حيفرق معاك لان لو كنت حجزت من زمان كان زمانك استلمت لانك حاطتها فى دماغك بقالك فترة فاحجز واستلم على اول السنة الجديدة من دلوقتى , لان كدا كدا حتفضل محتار لميت سنة قدام , فخد القرار واحجزها لانك معجب بيها وخصوصا بشكلها , بدل التفكير ده كله والحيرة فى حاجة انت واخد القرار فيها ومتتردتش

اما لو عاوز يابانى متقوليش بقا قطع غيار والكلام ده لانك بتقول ممكن تجيب جيتا او اوكتافيا او سيفيك ده فى حالة لو نقلت الى شريحة تانية فمعنى كلامك انك لو جت مثلا هوندا سيتى او اى حاجة يابانى يبقا حتقدر على قطع غيارها لان ما بالك بقطع غيار الجيتا والتويوتا والسيفك والاوكتافيا اللى فكرت فيهم اكيد نار , وبعدين مفيش حيرة ولا حاجة ده انت بتقول ان والدك معاه جيتا يبقا ازاى حتحتار بقا فى شريحة العربيات العالية اللى معدية 150 الف
المهم خالينا فى فئة العربية اللى مش حتعدى 116 الف وارجع اقولك ان كلامك وفكرك كله رايح الى السيراتو فتوكل على الله وهاتها وريح دماغك من الحيرة دى

اما بخصوص الناس اللى بتقول ان التيدا ثباتها عند ال120 مش كويس , بصراحة اقولهم ( لاتعليق) ونفسى لما نتكلم نكون جربنا ومش نحكم على الفاضى او من سمع لان واحد معاه العربية كلمته وهو معانا هنا فى المنتدى اسمه الحمز قالى انا جبت بيها 160 وكانت منتهى الثبات معاه وقالى كان ممكن ازود كمان عن كدا
وبعدين العربية دى انا اتمنى ان يكن معايا تمنها بجد ومكنتش احتار حيرتك ابدا لان التيدا فيها كل حاجة ماتور وتقفيل يابانى بالكامل من الماتور والخامات والتوكيل بتعها محترم جدااااااااا وقطع غيارها معقولة مش غالية اوى ى زى الهوندا واقل منها , وكمان استهلاك البنزين بتعها هايل بالنسبة الى 1600 سى سى بس الحاجة الوحيدة هى الشكل اللى ممكن فى ناس بتتقبلوا وفى ناس تانية لاتتقبلوا , وعن نفسى اتقبلوا قدام عربية محترمة يابانى حتعمر معايا لو حافظت عليها سنين لقدام

وبردوا الناس اللى بتقول ان هيونداى والكورى واخد مراكز متقدمة هو فعلا كدا , بس فى حاجة الكروى بره مصر عربيات محترمة لانها فيها كل حاجة وهنا فى مصر شايلين منها كل حاجة وبعدين العربيات دى ماشية على مواصفات بره وطرق بره لكن هنا فى مصر محتاجين لمواصفات خاصة جدا بسبب جونا والطرق بتعتنا , انا ليه واحد قريبى بره مصر عايش فى السويد بيقولى ان عربيته بيغسلها مرة فى السنة والشوارع مفهاش توبة فى الارض , فياريت لو يطلع تقييم للعربيات دى هنا فى مصر وعلى طرقنا احنا وجونا احنا ومش تقييم من ناحية المبيعات لاننا عارفين ان كل التجار بيحبوا يوجهوا العميل الى الكورى عامة او بلاش الكروى عشان محدش يقول انى متحفظ على الكورى و خالينا نقول مثلا المندوبين فى المعارض بيركزوا فى البيع على مثلا الاوكتافيا عشان عارفين موضوع العمولات واللى بينهم وبين الشركات اللى انتم تعرفوها اكتر منى , زى ما بيوجهوا الى بنوك معينة فى التقسيط عشان عمولات معينة وهكذا

وفى النهاية طالما عاوز اداء وشكل وكماليات خاليك فى السيراتو وبعدين مش حتدفع فلوس فى الارض لانك حتتعامل مع توكيل محترم بردوا وعلى الاقل 5 سنين ضمان , صدقنى بدل ما تحير روحك وانت من جواك واخد القرار توكل على الله وروح واحجز لان واضح القصة بتاعت نظام الحجز دى حتقعد فترة وعلى الاقل النظام ده حيفضل لسنة كمان والموضوع ده مش حيكون ليه حل الا بعد فترة وكل اللى عاوز سيراتو بسعر الوكيل حيشترى بنظام الحجز وليس الاستلام الفورى

تـــحـــــيـــاتـــى
احمد مصطفى