الموضوع: شراء تويوتا 2010

المشاركة الأصلية كتبت بواسطة medo_sirion

الف شكر لحضرتك
بس مافيش كماليات هتفرق بين المودلين2009 و2010

اولا مفيش فرق كماليات ..

ثانيا لو بتقارن بين التلاتة فى الامان و الموتور يبقى الكورولا تكسب

المشاركة الأصلية كتبت بواسطة medo_sirion

بس انا سمعت ان التقفيل جنوب افريقيا فى عيوب كثيرة هل هذا صحيح؟

لو سمحت تقولى اى حاجة من العيوب "الكثيرة" دى .. لان انا مظهرش معايا ولا عيب واحد و مفيش حد هنا قال اى حاجة ..

تقفيل العربية زاى الفل و مفيهوش اى مشاكل معايا لغاية دلوقتى الحمد لله

المشاركة الأصلية كتبت بواسطة medo_sirion

والله انا عارف ان العربية محترمة:u_thin1[1]: بس لما قريت المواضيع الى بتخص العربية
لقيت ناس بتقول ان التقفيل جنوب افريقيا سىء

الناس دول من ملاك العربية انا واحد من ملاكها العربية قربت علي 45000 عاملهم في سنة ونص وماشي علي الصيانات الدورية وغيرت التيل مرة واحدة على 27000ك وشكلي كده هغيره علي 50000 وسبب تأكل التيل بسرعة اني بجري بالعربية كتير (ربنا يتوب عليا من الجري) واني كنت دايما بظيط ضغط الكاوتش علي 30 مش 32 ولما ظبط الكاوتش علي 32 ومليته نيتروجين حسيت بفرق وغير كده لم اقابل حتي الأن اي مشاكل غير مشكلتين كان موضوع السوفت وير بتاع الفتيس وده اتحل وفيه عندي المفتاح بتاع الشنطة اللي بيبقي جوه تحت الكرسى مبيفتحش الشنطة وعملته ييجي 5مرات في تويوتا العبور وكل ميتعمل يبوظ تاني لأن تقريبا كده الفني اللى في الورشة مبيغرش لا السلك ولا الكالون بتاع الشنطة بيصلحه بس ودي مشكلة فردية ونادرة غير كدة العربية معمولة بأتقان شديد وتمام علي الأخر.