شراء تويوتا كورولا 2002

**M.FOUAD** · 05-08-2009 10:27 PM

يا جماعة انا ان شاء اللة باخلص في عربية كورولا 2002 و محتاج رايكم هل فية اي ملاحظات على الموديل دة
هل فية حاجة معينة ابص عليها قبل ما اشتري من ناحية الصاج او العفشة او الموتور او حاجة بتبوظ مثلا محتاجة تصليح و مكلفة
ممكن حد يقولي مكان الكشف في التوكيل بالضبط و تكلفتة كام و اية النظام المتبع هناك في فحص العربيات
معلش ثقلت عليكم يا جماعة بس انا مستعجل اوي

**Mohamd_Saad** · 06-08-2009 09:22 AM

إن شاء الله خطوة موفقة - أنا جربت مكان ممتاز للكشف على السيارة ويعطيك تقرير كامل عنها بمنتهى الأمانة - بنزينة التعاون فى شارع الهرم الرئيسى بجوار الخزان مباشرة وهذا المكان متخصص يكشف على كبس الموتور والصاج ويرفع العربية ويكشف عليها كشف تام ويقوم ملاحظ الورشة بقيادة السيارة - كل هذا بدون ان يعرف أو يهتم بالبائع أو المشترى - السعر فى حدود 100 جنية تقريبا - أنا تعاملت مع هذا المكان عدة مرات - ربنا يوفقك

**M.FOUAD** · 06-08-2009 11:08 AM

المشاركة الأصلية كتبت بواسطة mohamd_saad

إن شاء الله خطوة موفقة - أنا جربت مكان ممتاز للكشف على السيارة ويعطيك تقرير كامل عنها بمنتهى الأمانة - بنزينة التعاون فى شارع الهرم الرئيسى بجوار الخزان مباشرة وهذا المكان متخصص يكشف على كبس الموتور والصاج ويرفع العربية ويكشف عليها كشف تام ويقوم ملاحظ الورشة بقيادة السيارة - كل هذا بدون ان يعرف أو يهتم بالبائع أو المشترى - السعر فى حدود 100 جنية تقريبا - أنا تعاملت مع هذا المكان عدة مرات - ربنا يوفقك

حضرتك اكيد تقصد بنزينة شل و لا هما غيروها المشكلة اني عايز اروح التوكيل عشان اعرف حتى اية اللي محتاج يتغير فيها

**محمد ابراهيم 1** · 07-08-2009 11:46 PM

إكشف عليها فى التوكيل أفضل لأن فى كثير من الأحيان بيكون عندهم تاريخ العربية كلة
وعموما هى عربية ممتازه وسعرها من 60 ألف إلى 70 حسب الحالة والكيلومتر والكماليات اللى فيها