الوحيدة في مصر سوبارو 2006 جديدة اول استلام و ترخيص أكتوبر 2008 (أخر مخزون التوكيل)

**mantoros** · 06-10-2009 05:48 PM

0105030002 للجادين في الشراء
و السعر قابل للتفاوض في حدود المعقوووووول

**kahlawey** · 07-10-2009 05:25 AM

ربنا يكرمك ياباشا

**drdevil87** · 07-10-2009 04:36 PM

د.شامل .. انا ملاحظ ان حضرتك عارض عربية و جهاز بلايستيشن للبيع .. و لغاية دلوقتي متباعوش ... حضرتك مسألتش نفسك ليه ما اتباعوش ؟
احب اوضح لحضرتك انك حاطط مبالغ خيالية و كل شوية تنشط الموضوع و لكن بلا جدوى ..
اولا عربيتك السوبارو يكاد يكون ملهاش سوق .. يعني لو حد عاوزها فعلا هياخدها بالحالة بتاعة حضرتك مش اكتر من 85 او 90 الف بالكتير اوي ..
وبالنسبة للبلايستيشن 2 حضرتك عارض سعر واحدة جديدة .. معلش اللي هيشتريها مش هيبص انت جايبها منين ولا استخدمتها مدة اد ايه .. بيبص انه بيشتري حاجة مستعملة !!
معلش في اللفظ .. حضرتك غلبت التجار
انا بدور على عربية بقالي فترة و كل ما الاقي عربية مناسبة الاقيها مع تاجر و طالب فيها سعر وهمي زيادة عن تمنها 10 الاف جنيه .. و معلش 10 الاف ممكن الواحد يفاصل و تنزل بتاع 4 او 5 الاف .. لكن حضرتك طالب في عربيتك اكتر من 20 الف جنيه و قابل للتفاوض في حدود المعقول !!!!؟؟؟ طب هو فين المعقول بقى .. انا متأسف لحضرتك لمداخلتي بس بصراحة حضرتك بالمنظر ده لا عاوز تبيع ولا تشتري و بتوقف حركة البيع والشراء في المنتدى نظرا لتعليقاتك .. زي واحد عارض سوباروا اخت عربية حضرتك و طالب فيها 90 الف و حضرتك كاتبله ده قليل عليها ... حضرتك شوفه اذا كان جاله حد يشتري منه بالسعر ده ولا لأ ..
نهاية الكلام .. ارجو ان حضرتك لو في نيتك البيع ان تراجع نفسك و اسعارك أو تكف عن تحريض الاخوة الاعضاء عن المغالاة في اشيائهم ... عشان اللي عاوز يبيع ربنا يوفقه في بيعة حلوة و اللي عاوز يشتري يلاقي حاجة كويسة وراضي و يكون كله بسعر السوق و بما يرضي الله.. عشان في الاول و في الاخر ربنا هو اللي بيبارك في البيع و الشراء مش البشر ..

و السلام عليكم و رحمة الله و بركاته

**mantoros** · 07-10-2009 07:45 PM

المشاركة الأصلية كتبت بواسطة drdevil87

د.شامل .. انا ملاحظ ان حضرتك عارض عربية و جهاز بلايستيشن للبيع .. و لغاية دلوقتي متباعوش ... حضرتك مسألتش نفسك ليه ما اتباعوش ؟

المشاركة الأصلية كتبت بواسطة drdevil87

احب اوضح لحضرتك انك حاطط مبالغ خيالية و كل شوية تنشط الموضوع و لكن بلا جدوى ..
اولا عربيتك السوبارو يكاد يكون ملهاش سوق .. يعني لو حد عاوزها فعلا هياخدها بالحالة بتاعة حضرتك مش اكتر من 85 او 90 الف بالكتير اوي ..
وبالنسبة للبلايستيشن 2 حضرتك عارض سعر واحدة جديدة .. معلش اللي هيشتريها مش هيبص انت جايبها منين ولا استخدمتها مدة اد ايه .. بيبص انه بيشتري حاجة مستعملة !!
معلش في اللفظ .. حضرتك غلبت التجار
انا بدور على عربية بقالي فترة و كل ما الاقي عربية مناسبة الاقيها مع تاجر و طالب فيها سعر وهمي زيادة عن تمنها 10 الاف جنيه .. و معلش 10 الاف ممكن الواحد يفاصل و تنزل بتاع 4 او 5 الاف .. لكن حضرتك طالب في عربيتك اكتر من 20 الف جنيه و قابل للتفاوض في حدود المعقول !!!!؟؟؟ طب هو فين المعقول بقى .. انا متأسف لحضرتك لمداخلتي بس بصراحة حضرتك بالمنظر ده لا عاوز تبيع ولا تشتري و بتوقف حركة البيع والشراء في المنتدى نظرا لتعليقاتك .. زي واحد عارض سوباروا اخت عربية حضرتك و طالب فيها 90 الف و حضرتك كاتبله ده قليل عليها ... حضرتك شوفه اذا كان جاله حد يشتري منه بالسعر ده ولا لأ ..
نهاية الكلام .. ارجو ان حضرتك لو في نيتك البيع ان تراجع نفسك و اسعارك أو تكف عن تحريض الاخوة الاعضاء عن المغالاة في اشيائهم ... عشان اللي عاوز يبيع ربنا يوفقه في بيعة حلوة و اللي عاوز يشتري يلاقي حاجة كويسة وراضي و يكون كله بسعر السوق و بما يرضي الله.. عشان في الاول و في الاخر ربنا هو اللي بيبارك في البيع و الشراء مش البشر ..

و السلام عليكم و رحمة الله و بركاته

اولا شكرا علي تعليقك علي اي حال
ثانيا أعتقد انه ليس من حقك انت أو غيرك كتابة تعليق مشابه لأني حر تماما في اي عرض اضعه و حر تماما في الاسعار و ليست حرية منك او غيرك ما فعلته انت.....انا حريتي لا تضر أحد و حريتك التي اسأت استخدامها تضرني انا كثيرا
البلاي ستاشن يباع في بي تك بدون اي ملحقات ب 1200 جنيه
و انا أعرضه جديد تماما استخدام ساعة واحدة بجميع ملحقاته و ضمان بي-تك الكامل ب 1000
اذا انا اوفر حوالي 450 جنيه للجهاز و ملحقاته لمن يريد الشراء..................أعتقد كويسيين

السيارة يا استاذي عرض علي فيها 101,000 و 102,000 و انا الذي ارفض
فسيارتي ليست مثل اي سيارة 2006 لانني اشتريتها من 11 شهر فقط من ابو غالي و جديدة تماما و بضمان ابو غالي حتي اخر 2011 (3 سنوات من يوم الشراء) و جديدة بورق المصنع من الداخل و جميع جميع الكماليات اوتوماتيك و زودت فيها حاجات كمان ب3000 جنيه و انا اصلا شاريها ب123000 يبقي لما اعرضها ابيعها بكام؟!!! دي سوبارو جديدة مش 128 فيات.....و لو سعادتك او غيرك بتفهموا في السيارات مكنتش علقت كدة !!!!
فلا تقارن ب2006 و لا 2007 اخري يستخدموا منذ 3-4 سنوات
و السيارة لها زبونها و من يفهم فيها و ليس مثل حضرتك!!!
و لولا الظروف ما كنت عرضتها للبيع حتي يدخل كل من له شأن أو ليس له شأن يرمي كلمتين و يجرح الناس و يجري

و اخيرا.... كانوا الناس المحترمين بتوع زمان (اللى أكيد بينقرضوا الان) لما واحد يعرض عربيته للبيع ييجوا يقولوا له "ربنا يباركلك و يحسنلك بيعها" مش ييجوا يوقفوا حاله و يرموا كلمتين يجرحوه و خلاص و هم ملهمش فالموضوع اصلا
و ليس من حق اي شخص التدخل و متابعة خطواتي و ما ابيع و اشتري و كمان يدي نفسه الحق بكل بجاحة يعلق علية كمان و كأنه ولي امري او مسؤول عني !!!!!

أنا لم أتدخل في شأن اي أحد و عندما اترك كلمة لأي أحد تكون كلمة طيبة و فعلا أي رأي أكتبه في أي سيارة أو موضوع يكونوا بلأقتناع و بما يرضي الله و عندما أجد سعر عالي لا أتدخل لأن صاحب الشأن أدري الناس بما يبيع كما ان المشتري له الحكم في النهاية و لو وجدت سعر قليل أوجه صاحبها حتي لا يخسر فيها و دائما توجيهاتي تكون بما يرضي الله و رسوله و في مصلحة صاحب الشأن لانه أكيد أدري واحد بأشياءه...

كما قلت من قبل.......الدنيا بقت زفت و الناس ازفت و الواحد شكلوا جي من عالم أخر

ربنا يهدي الجميع و حسبي الله و هو نعم الوكيل
و هذه أخر مرة اتوجه فيها باي اعلان في المنتدي الذي و الله لولا فئة من الناس به لكان أفضل مكان
و البلاي ستاشن ليس للبيع فأنا قررت الاحتفاظ به مع شراء الوييي
و السيارة لن أجدد الاعلان عنها مرة أخري هنا لأنها اقيم من ان تكون عرضة هي أو صاحبها لأي تعليقات جاهلة عمياء

و ربنا يهدي الجميع و مرة أخري حسبي الله و هو نعم الوكيل

و سوف اقوم بتقديم شكوي للمنتدي من التدخلات ال........

و السلام عليكم

د. شامل سعيدة
مدرس علاج الاورام
القصر العيني
جامعة القاهرة

**drdevil87** · 07-10-2009 08:46 PM

لو سعادتك او غيرك بتفهموا في السيارات مكنتش علقت كدة !!!!

و السيارة لها زبونها و من يفهم فيها و ليس مثل حضرتك!!!
و لولا الظروف ما كنت عرضتها للبيع حتي يدخل كل من له شأن أو ليس له شأن يرمي كلمتين و يجرح الناس و يجري

و اخيرا.... كانوا الناس المحترمين بتوع زمان (اللى أكيد بينقرضوا الان)

يدي نفسه الحق بكل بجاحة

الدنيا بقت زفت و الناس ازفت

تعليقات جاهلة عمياء

متشكر يا سيادة الدكتور على طريقتك في الرد و كلامك اللي بيدل فعلا ان اللي بيحاورني دكتور مدرس في القصر العيني في جامعة القاهرة ..
ارجو من الادارة النظر في الموضوع و انا عن نفسي لن ادخل هذا المنتدى مرة اخرى حتى تكون طريقة الحوار مهذبة و محترمة اكثر من هذه ..
حسبي الله و نعم الوكيل وارجو من الادارة الغاء عضويتي

و السلام عليكم و رحمة الله وبركاته

**mantoros** · 07-10-2009 11:07 PM

عارض عربية و جهاز بلايستيشن للبيع .. و لغاية دلوقتي متباعوش ... حضرتك مسألتش نفسك ليه ما اتباعوش ؟
اولا عربيتك السوبارو يكاد يكون ملهاش سوق
معلش في اللفظ .. حضرتك غلبت التجار
حضرتك بالمنظر ده لا عاوز تبيع ولا تشتري و بتوقف حركة البيع
تراجع نفسك و اسعارك أو تكف عن تحريض الاخوة الاعضاء عن المغالاة في اشيائهم

هذه الجمل أجزاء من مداخلة الاخ المحترم الذي و دون اي سب مباشر استطاع ان يهينني بكل صفاقة و وضوح ثم يهاجمني لأني رديت بعنف و بشكل لا يناسب وضعي الاجتماعي الذي لا يعلم هو اي شيء عنه حتي يشكك فيه.....كوني ابن ناس و من اصل عريق لا داعي لذكر تفاصيله هنا لا يجعلني متخاذلا في الدفاع عن حقي و كرامتي اذا سابني احد أو اعتدي علي حقوقي !!!!
"العين بالعين و السن بالسن"

و انا اتمني ان يخلوا فعلا المنتدي من من يتستر بغلاف الذوق و يوجه الهجمات و الاهانات بشكل غير مباشر لخدمة مصلحته الشخصية في بيع او شراء او متعة شخصية في الانتقاد و الهجوم
و لم و لن أكون متساهلا مع اي شخص يتدخل في شؤوني الخاصة او ارائي او يتتبع مشاركاتي لمجرد الانتقاد و الهجوم
أرجو الرجوع لمشاركاتي في قسم السبيرانزا لبيان انشطتي و مساعدتي للجميع بكل حب و اخوية
كما ارجو الرجوع للسوبارو و مشاركاتي لأخواني
و في قسم البيع و الشراء........لا اهاجم و لا ابخس بالناس اشيائهم كما فعل الاخ.....بل اشارك الجميع و والله بكل حب ادعو للجميع بالتوفيق لان الله وحده بيده الصحة و الرزق و كل شيء........و عندما امدح في سيارة أحد فتكون عن خبرة 15 عام ركوب سيارات أكثر من 5 أنواع مختلفة و ممتازة فأريد ان اشرك الجميع بخبرتي فأنا لا أخذ عمولة من أصحاب السيارات المعروضة !!!!! الوحش اسكت و مأقولش حاجة لأن صاحب الشأن أدري بسيارته و الحلو أقول ممتاز و تستاهل الفلوس لكن طبعا ناس تزعل عشان عوزين يجيبوا السيارة الارض عشان يبخسوا بيها و يشتروا بتراب الفلوس......نفس التراب اللى كلنا هنندفن فيه من غير فلوس و لا سيارات !!!

علي أي حال انا كما قلت لن اعلن عن اي شيء مرة اخري في هذا المنتدي و كفاني ما واجهته من.......
و اشكر كل اخواني المحترمين الذين وجهولي الدعاء و تمني البركة في البيع لانها اخلاق نادرة من قلوب صافية

و علي أي حال أرجو من العضو ان لا يزعل مني اذا كنت عنفته و لكن ادعوه الي قراءة مداخلته و استيعابها ليعلم ابعاد كلماته و عمق اهاناته التي دفعتني للعنف في الرد و لكني لست نادما علي ردي بل سأعيده الاف المرات و اقوي لأي مداخلات مماثلة و لكني هدأت و لا أحب ان تمضي ليلة و يوجد أي شخص مستاء مني فأشيل ذنبه و انا لا أضمن حياتي لباكر أو حتي للثانية القادمة.
و يا سيدي خليك معانا في المنتدي بس أهدأ علينا شوية و اعرف ان كل شخص و كل حاجة ليها ظروفها و ابعادها و لا تضع كل الاشياء في سلة واحدة و لا تنظر فقط من موقعك بل ضع نفسك دائما في حذاء غيرك.
و ربنا يسامحنا جميعا

أسف للتطويل
و ربنا يهدي الجميع

و السلام عليكم

أخوكم

الموضوع: الوحيدة في مصر سوبارو 2006 جديدة اول استلام و ترخيص أكتوبر 2008 (أخر مخزون التوكيل)

LinkBack

أدوات الموضوع

عرض

المواضيع المتشابهه

الوحيدة في مصر سوبارو 2006 جديدة اول استلام و ترخيص أكتوبر 2008 (أخر مخزون التوكيل)

الوحيدة في مصر سوبارو 2006 جديدة اول استلام و ترخيص أكتوبر 2008 (أخر مخزون التوكيل)

الوحيدة في مصر...سوبارو امبريزا 2006 جديدة استلام و ترخيص 10/2008 ( أخرمخزون التوكيل)

الكلمات الدلالية لهذا الموضوع

المفضلات

المفضلات

ضوابط المشاركة