اناشد كل من يمتلك ايصال حجز للكارينز من التوكيل للانضمام للموضوع لتجميع اكبر عدد لعمل بلاغ ضد التوكيل لانه كده نصب بطريقه واضحه جدا

من يومين روحت التوكيل وانا حاجز الكارينز من اربع شهور والرد من سيادته

ان منعرفش ميعاد الاستلام بالضبط بس احنا عارفين انه الاستلام خلال الشهر ده والشحنه حتدخل زي ما انت قلولت من اربع شهور 15-9 قال سيادته لا لسه معندناش اي معلومات
طبعا انا قولت له مش عاوزين مشكله السيراتوا تتكرر تاني قالي لا دي اكبر من السيراتوا
وبعدين العربيه سعراها زاد احمد ربنا وممكن تسترد فلوسك لو عايز

بصراحه لان احنا في رمضان طبعا مش عارف اتكلم

بس بالطريقه دي الاستهزاء بالناس يعني ايه سعراها زاد مش مبرر ويعني ايه تسترد فلوسك ليه من الاول طالما مش حتقدر تسلم الناس فتحت باب الحجز مش عارف فين الوزاره اللي تحمي الناس

المفاجأه لما قولت لسيادته الطارق بيحجز و حيسلم فعلا الشهر ده مع اوفر بريس قالي سيادته
الموزعين خد بالكم كويس بياخد مع كل 4 عربيات كارينز واحد بيكانتو
طيب لما لقيت كده قولت لسيادته ممكن تكتب لي ميعاد الاستلام علي الوصل
قالي لاء مقدرش ومفيش حد حيقدر يكتب لك الميعاد

ينهار ابيض مش عارف اقوله ايه يعني من الاخر التوكيل ظز في الناس

انا بتكلم بكل صراحه ومعايا الايصال ممكن اعمله لصق بالموضوع

و التوكيل اسكندريه جليم

اللي عاوز ينضم ليا يا ريت اناشد الجميع
مش كله حاجه نقعد نتفرج كفايه كده