للعلم فقط - ريادتير الفيكترا ايه

**tananybasha** · 17-09-2009 02:39 AM

ريادتير الفيكترا ايه ب 475 الأصلى Gm جديد و ده مش اعلان
النهارده كنت بجرب رشاشات عند الميكانيكى بتاعى بتاعت هيواندى النترا 2000 سى سى و للعلم شكلها كويس قبلت الأستاذ للأسف نسيت اسأله اسمه ايه و كنت و صفتله بتاع الريادتير بتاعى راح غيره بتركيبه بكل حاجة 475 جنيه و هو للعلم العضو راجل محترم جداً و ده للأفاده

**فادى محمد** · 17-09-2009 08:26 PM

شكرا يا طناني وان شاء الله تكون الرشاشات الجديده وشها حلو عليك .

**tananybasha** · 18-09-2009 12:13 AM

بص يا باشا الرشاشات ضبطت التنتيشة اللى فى العربية و السحي و كل حاجة و البوجيهات الهباب اللى عليها قل قوى
المفروض ان البوجيهات ترجع بيضا تانى زى ما قالى ميكانيكى تانى و لا هى ليها حد معين فى النضافة علماً بأنها كانت بتطلع عليها طبقة سوداء ممكن الهباب البسيط ده يكون ضبط ماف و هل اجيب منظف رشاشات عشان لو اى وساخة تطلع منها

**فادى محمد** · 18-09-2009 04:59 PM

طلع البوجيهات وروح عند اي سمكري وحط السن بتاع البوجيه تحت اللمبه ( لحام الاستلين) واديله جوز جنيهات اللي هيحصل ان السن هينظف ويبيض وبعدين ركبهم تاني لان في هباب اتكون عليهم من الرشاشات القديمه صعب يطلع لوحده الا بعمليه الحرق دي

**tananybasha** · 18-09-2009 11:54 PM

شكراً لأهتمامك يا فادى باشا
الفكره انى بحب العربية ميبقاش فيها حاجة ممكن تأثر على حاجات كتيره قدام
البوجيهات نضفت إلى حد كبير بس مش عايزه تنضف اكتر من كده و بافكر لما اطمن اغيرهم و اريح دماغى بس بامانه انا راكب عربية غير اللى راكبها بقالى سنه بحالها