أكبر معدة نقل ثقيل على الاطلاق (تعديل بالصور )

**ainshouka** · 17-09-2009 06:09 AM

المشاركة الأصلية كتبت بواسطة sameh

أنا شغال فى المجال ده ، وكبت عربيات زى اللى فوق دى بس أصغر شوية اللى هى 777 مش ال 797 لأن ال تلات سبعات ده أكبر موديل وصل مصر وعلى فكرة سواقتها وركوبها ممتع جدا لأن الكابينة بتاعتها فخمة ومكيفة والعزل بتاعها رهيب والكرسى على مساعدين هيدروليك فى منتهى النعومة وده لأن اللى بيركب عليها بيسوقها يا 8 يا 12 ساعة فى ظروف تشغيل سيئة جداً وبالتالى محتاج أكبر قدر من الرفاهية داخل الكابينة عشان يقدر على الشغلانة دى ، وهى فتيسها 7 سرعات أمامية بالمناسبة بينقلوا أوتوماتيك طبعاً بس ممكن تختار إن الفتيس يوصل عند نقلة معينة وماياخدش اللى بعدها إنشالله لو كانت الأولى بس
لما بنيجى نغير فردة الكاوتش بتاعة العربية من دول (إسمها دامب تراك بالمناسبة off road dump truck ) بتحتاج تجيب فورك ليفت اللى هو الكلارك عشان يشيل الفردة ويدخل بيها على العربية عشان تركب مكانها

ياراجل وبعد مسوقتها كده قادر تركب نوبيرا
انت احسن حاجة تجبلك هامر بتاعة الجيش عشان يعنى تبتدى متلاحظش انه كان فيه فرق

**Sameh** · 17-09-2009 11:57 AM

المشاركة الأصلية كتبت بواسطة ainshouka

ياراجل وبعد مسوقتها كده قادر تركب نوبيرا
انت احسن حاجة تجبلك هامر بتاعة الجيش عشان يعنى تبتدى متلاحظش انه كان فيه فرق

أنا بعرف أسوقهم بحكم المهنة بس مش شغال عليهم ليل نهار يعنى

وبلدوزرات وجاكات ومكن تخريم كمان
هى المعدات التقيلة دى أصلاً متعة لو ركبتها هتحترمها جداً وتوصلك لأى مكان فى الجبل أحسن من أجدع جيب من غير ما تشغل بالك بغرز ولا ميول وفيه منها مريح فى ركوبته زى الدامبر اللى فوق وفيه حاجات تانية تكسرلك ضهرك زى الكتاين كلها اللى بتمشى على جنزير يعنى ، إنت عارف بيسموا المعدات دى إيه ؟ Earth Moving Equipment يعنى معدات بتغير شكل الأرض وتنقلها من مكان لمكان